ტექნიკური რეგლამენტი „საქართველოს დროშით მცურავ გემებზე ეკიპაჟის უსაფრთხო რაოდენობით დაკომპლექტების შესახებ" დამტკიცების თაობაზე

1. ტექნიკური რეგლამენტი „საქართველოს დროშით მცურავ გემებზე ეკიპაჟის უსაფრთხო რაოდენობით დაკომპლექტების შესახებ“ (შემდგომში – ტექნიკური რეგლამენტი) განსაზღვრავს უსაფრთხო ნაოსნობის უზრუნველსაყოფად საჭირო გემის ეკიპაჟის უსაფრთხო რაოდენობით დაკომპლექტებას გემის საერთო ტევადობის, მთავარი ამძრავი მექანიზმის სიმძლავრის, ნაოსნობის რაიონის, გემის მუშაობის პირობებისა და დანიშნულების გათვალისწინებით საერთაშორისო სტანდარტების შესაბამისად.

2. წინამდებარე ტექნიკური რეგლამენტის მიზნებისთვის საერთაშორისო სტანდარტები დადგენილია „მეზღვაურთა მომზადების, დიპლომირებისა და ვახტის გაწევის შესახებ“ 1978 წლის საერთაშორისო კონვენციის, კერძოდ VII/1, VIII/2 და A-VII/1, A-VII/1 რეგლამენტების დებულებების (ცვლილებების გათვალისწინებით), ზღვაზე სიცოცხლის უსაფრთხოების შესახებ 1974 წლის 1 ნოემბრის კონვენციის V/14 რეგლამენტის დებულებების შესაბამისად (SOLAS 74), ასევე საერთაშორისო საზღვაო ორგანიზაციის (IMO) ასამბლეის 1999 წლის 25 ნოემბრის 890 (21) რეზოლუციის „ეკიპაჟის მინიმალური უსაფრთხო რაოდენობით დაკომპლექტების პრინციპების უზრუნველსაყოფად ეკიპაჟის დაკომპლექტების პრინციპები“ და 2003 წლის 5 დეკემბრის №890 (22) რეზოლუციის ცვლილებების შესაბამისად.

3. ეკიპაჟის უსაფრთხო რაოდენობით დაკომპლექტების დოკუმენტის (შემდგომში – მოწმობა) გაცემას და გაცემაზე უარის თქმას, მოწმობით დადგენილი პირობების დაცვაზე ზედამხედველობასა და კონტროლს ახორციელებს საქართველოს ეკონომიკისა და მდგრადი განვითარების სამინისტროს სსიპ - საზღვაო ტრანსპორტის სააგენტო (შემდგომში – სააგენტო).

4. აკრძალულია იმ გემის ნავსადგურიდან გასვლა, რომლის ეკიპაჟის უსაფრთხო რაოდენობით დაკომპლექტება არ შეესაბამება მოწმობით გათვალისწინებულ მინიმალურ მისაღებ სტანდარტს ან არ აქვს შესაბამისი მოწმობა.

5. კომპანია ვალდებულია ნაოსნობის დროს გემი დააკომპლექტოს ეკიპაჟის უსაფრთხო რაოდენობით წინამდებარე ტექნიკური რეგლამენტით გათვალისწინებული მოთხოვნებისა და მოქმედი მოწმობის შესაბამისად.

6. კომპანიას უფლება აქვს, დაასაქმოს დამატებითი მეზღვაურები, რომელთა რაოდენობა აღემატება მოწმობით გათვალისწინებულ ეკიპაჟის უსაფრთხო რაოდენობას, შემდეგი პირობების დაკმაყოფილების შემთხვევაში:

ა) დამატებითი მეზღვაურებისთვის ხელმისაწვდომია შესაბამისი საცხოვრებელი ფართობი;

ბ) დამატებითი მეზღვაურებისთვის არსებობს საკმარისი უსაფრთხოების საშუალებები;

გ) დამატებით მეზღვაურებს ჩაუტარდათ სწავლება უსაფრთხოების ზომებთან დაკავშირებით.

7. ტექნიკური ზედამხედველობის ორგანიზაციის რეკომენდაციით თევზსაჭერ, სპეციალური მომსახურების და სამგზავრო გემებზე სააგენტოს თანხმობით შესაძლებელია გაიზარდოს ამ დადგენილებით განსაზღვრული ეკიპაჟის უსაფრთხო დაკომპლექტების რაოდენობა, რაც შესაბამისად აისახება მოწმობაში.

1. წინამდებარე რეგლამენტის მიზნებისთვის ტერმინებს აქვთ შემდეგი მნიშვნელობა:

ა. გემის ეკიპაჟის უსაფრთხო რაოდენობით დაკომპლექტება – გემის ეკიპაჟის შესაბამისი კომპეტენციის მქონე მეზღვაურთა დაკომპლექტება, რაც აუცილებელია ნაოსნობის უსაფრთხოების, გემზე ტვირთის, ბარგის, სამუშაო და დასვენების დროის რეჟიმის, აგრეთვე გარემოს დაცვის უზრუნველსაყოფად;

ბ. მოწმობა – ეკიპაჟის უსაფრთხო რაოდენობით დაკომპლექტების დოკუმენტი, რაც გათვალისწინებულია წინამდებარე ტექნიკური რეგლამენტის დანართი №2 და №3-ით, რომელიც განსაზღვრავს გემის ეკიპაჟის უსაფრთხო რაოდენობით დაკომპლექტებას;

გ. GMDSS – საზღვაო კავშირის გლობალური სისტემა, რომელიც გამოიყენება ძიებისა და უბედური შემთხვევების დროს;

დ. საგემბანე განყოფილების შემადგენლობა – კაპიტანი, უფროსი თანაშემწე, სავახტო თანაშემწე, მატროსი, ბოცმანი, მზარეული;

ე. სამანქანე განყოფილების შემადგენლობა – უფროსი მექანიკოსი, მეორე მექანიკოსი, სავახტო მექანიკოსი, ელექტროტექნიკოსი, რიგითი ელექტროტექნიკოსი, მოტორისტი;

ვ. პერიოდულად უვახტო სამანქანე განყოფილება („UMS“) – გემის ამძრავი მექანიზმის ავტომატიზებული მართვის სისტემა, რომლის არსებობა გემზე არ მოითხოვს მუდმივი ვახტის გაწევას სამანქანე განყოფილებაში;

ზ. A1 რაიონი – საზღვაო რაიონი, რომელიც შემოფარგლულია საზღვაო სანაპიროთი და ულტრა მოკლე სიხშირის GMDSS-ის სისტემის რადიოტელეფონის სადგურიდან 30 საზღვაო მილის წრეწირის რკალით;

თ. კომპანია – გემთმფლობელი, სხვა ორგანიზაცია ან პირი, მაგალითად, მმართველი, ან უეკიპაჟოდ გემის დამფრახტველი, რომელიც პასუხისმგებელია საქართველოს დროშით მცურავი გემის ექსპლუატაციასა და შესაბამისი საერთაშორისო სტანდარტებით დადგენილი ვალდებულებების შესრულებაზე;

    ი. „სპეციალური დანიშნულების გემი, რომელიც სახელმწიფო დავალებას ასრულებს - ნებისმიერი სახელმწიფოს სანაოსნო საშუალება, რომელიც გამოიყენება სამეცნიერო-კვლევითი ან სხვა არასამეწარმეო საქმიანობისათვის“;

2. ტერმინები, რომლებიც არ რის განმარტებული წინამდებარე ტექნიკურ რეგლამენტში, განიმარტება „მეზღვაურთა განათლებისა და სერტიფიცირების შესახებ“ საქართველოს კანონის და საქართველოს საზღვაო კოდექსის შესაბამისად.

1. ეს ტექნიკური რეგლამენტი ვრცელდება ,,საქართველოს გემების სახელმწიფო რეესტრში“ რეგისტრირებულ გემზე, მათ შორის, თევზსაჭერ, სპეციალური მომსახურების და სამგზავრო გემზე.

2. იმ გემის ეკიპაჟის უსაფრთხო რაოდენობით დაკომპლექტება, რომლის საერთო ტევადობა 100 ტონა და ნაკლებია, განისაზღვრება ამ ტექნიკური რეგლამენტის და მისი №1 დანართის, ცხრილი 1-ის შესაბამისად.

3. იმ გემის ეკიპაჟის უსაფრთხო რაოდენობით დაკომპლექტება, რომელიც ჩართულია საერთაშორისო ნაოსნობაში და რომლის საერთო ტევადობა 100 ტონა და მეტია, განისაზღვრება ამ ტექნიკური რეგლამენტის №1 დანართის ცხრილი 2-ის შესაბამისად.

4. იმ გემის ეკიპაჟის უსაფრთხო რაოდენობით დაკომპლექტება, რომელიც ჩართულია შიგა ნაოსნობაში და რომლის საერთო ტევადობა 100 ტონა და მეტია, განისაზღვრება ამ ტექნიკური რეგლამენტის  დანართი №1 ცხრილი 3-ის შესაბამისად.

5. იმ საგემბანე და სამანქანე განყოფილების თევზსაჭერი გემის ეკიპაჟის მინიმალური უსაფრთხო რაოდენობით დაკომპლექტება, რომელიც ჩართულია სანაპირო და საერთაშორისო ნაოსნობაში, განისაზღვრება ამ ტექნიკური რეგლამენტის  დანართი №1 ცხრილი 4-ის შესაბამისად.

6. საქართველოს დროშით მცურავი 24 მეტრი და მეტი სიგრძის იახტების (აფრიანი ან მოტორიანი), ტენდერების, სასეირნო კატარღების ეკიპაჟის მინიმალური უსაფრთხო რაოდენობით დაკომპლექტება - შესაბამისი კომპეტენციით განისაზღვრება ამ ტექნიკური რეგლამენტის  დანართი №1 ცხრილი 5-ის შესაბამისად.

წინამდებარე ტექნიკური რეგლამენტის მოთხოვნებისა და მოწმობის შესაბამისად დაკომპლექტებულმა ეკიპაჟმა უნდა უზრუნველყოს შემდეგი ძირითადი ფუნქციების შესრულება:

ა) გემის უსაფრთხო მართვა;

ბ) მგზავრთა უსაფრთხოება;

გ) ტვირთის უსაფრთხო გადატანა;

დ) გემის ამძრავი მექანიზმის, ელექტრომოწყობილობისა და მართვის სისტემის მუშა მდგომარეობის შენარჩუნება;

ე) მუდმივი რადიოკავშირის არსებობა;

ვ) გემის ტექნიკური მომსახურება და გადაუდებელი რემონტი;

ზ) გემზე ტვირთის და ბარგის უსაფრთხოება;

თ) ზღვაზე უსაფრთხოებისა და ზღვის გარემოს დაბინძურებისგან დაცვა;

ი) სამუშაო და დასვენების დროის რეჟიმის დაცვა.

გემის ეკიპაჟის უსაფრთხო რაოდენობით დაკომპლექტების განსაზღვრისას მხედველობაში მიიღება ეკიპაჟის შემადგენლობის მიერ:

ა) სამედიცინო დახმარების გაწევის შესაძლებლობა;

ბ)ნავსადგურში გემის უსაფრთხო მიბმა/ახსნის ოპერაციების უზრუნველყოფა;

გ) გარემოს დაბინძურების თავიდან აცილება;

დ) ტვირთის უსაფრთხო გადატანის და მგზავრთა უსაფრთხო გადაყვანის უზრუნველყოფა;

ე) გემის ჰერმეტულობის დაცვა;

ვ) ავარიულ ან უბედურების შემთხვევაში შესაბამისი დამცავი საშუალებების გამოყენების უზრუნველყოფა;

ზ) სამუშაო და დასვენების საათების გადანაწილება საერთაშორისო სტანდარტების შესაბამისად;

თ) სხვა პირობები, რომლებიც დადგენილია საერთაშორისო სტანდარტებით.

1. ეკიპაჟის უსაფრთხო რაოდეობით დაკომპლექტებაში არ შედის მგზავრი და გემის პერსონალის წევრი.

2. თუ წინამდებარე ტექნიკური რეგლამენტის დანართი №2-ით განსაზღვრული ეკიპაჟის მინიმალური მისაღები სტანდარტი 10 (ათი) წევრზე მეტია, მაშინ ეკიპაჟის უსაფრთხო რაოდენობით დაკომპლექტებისას შემადგენლობაში სავალდებულოდ შეყვანილი უნდა იქნეს მზარეული.

3. იმ გემის ეკიპაჟის უსაფრთხო რაოდენობით დაკომპლექტებისას, რომლის მთავარ ამძრავ მექანიზმს წარმოადგენს ელექტროძრავი, სავალდებულოდ შეყვანილ უნდა იქნეს დამატებით ერთი ელექტროტექნიკოსი.

4. GMDSS რადიომოწყობილობით აღჭურვილ გემს უნდა ჰყავდეს მინიმუმ ორი მეზღვაური, რომელსაც აქვს GMDSS რადიოოპერატორის კომპეტენციის სერტიფიკატი STCW კონვენციის შესაბამისად.

1. მოწმობა გაიცემა უვადოდ.

2. კომპანია ვალდებულია მიმართოს სააგენტოს ახალი მოწმობის ასაღებად იმ შემთხვევაში, თუ შეიცვალა კომპანია, გემის კლასი, დონე, ტექნიკურ-საექსპლუატაციო მახასიათებლები, ნაოსნობის რაიონი ან/და ეკიპაჟის სამუშაო და დასვენების პირობები, ასევე ნორმატიულ აქტებში შესაბამისი ცვლილების განხორციელების შემთხვევაში.

3. მოწმობის დაკარგვის ან დაზიანების შემთხვევაში გაიცემა ახალი მოწმობა.

4. სააგენტო ვალდებულია აწარმოოს დაკარგული მოწმობების რეესტრი, რომელიც ხელმისაწვდომი უნდა იყოს ყველა დაინტერესებული პირისათვის სააგენტოს ოფიციალურ ვებგვერდზე.

1. მოწმობა ივსება ქართულ ენაზე, ხოლო ქართულ-ინგლისურ ენებზე იმ გემებისათვის, რომლებიც ჩართულები არიან საერთაშორისო ნაოსნობაში.

მოწმობაში აღინიშნება:

ა) გემის სახელი;

ბ)გემის მიწერის ნავსადგურის სრული სახელწოდება;

გ) სახმობი და ამოცნობის ნიშნები;

დ) გემის IMO ნომერი ან/და სააგენტოს მიერ მინიჭებული ნომერი;

 ე) გემის საერთო ტევადობა;

ვ) მთავარი ამძრავი მექანიზმის სიმძლავრე;

ზ) გემის ტიპი;

თ) ნაოსნობის რაიონი;

ი) კომპანია;

კ) მონაცემი პერიოდულად უვახტო სამანქანე განყოფილების არსებობის შესახებ;

ლ) გემის ეკიპაჟის უსაფრთხო რაოდენობით დაკომპლექტება;

მ) სპეციალური მოთხოვნები, ასეთის არსებობის შემთხვევაში;

ნ) მოწმობის გაცემის თარიღი და მოქმედების ვადა;

ო)მოწმობის გამცემი ორგანოს უფლებამოსილი პირის ხელმოწერა და აღნიშნული ორგანოს ბეჭედი.

2. მოწმობაში სავალდებულოა მიეთითოს, რომ გემი ითვლება უსაფრთხოების თვალსაზრისით სათანადოდ დაკომპლექტებულად, თუ ზღვაში გასვლისას მასზე იმყოფება ამ მოწმობით გათვალისწინებული რაოდენობისა და თანამდებობების შესაბამისი ეკიპაჟი.

მოწმობის გაცემის წესი, პროცედურა, საფასური და გაცემის ვადები განისაზღვრება საქართველოს საზღვაო კოდექსის, „საქართველოს გემების სახელმწიფო რეესტრის, გემების სახელმწიფო წიგნის წარმოების და საზღვაო იპოთეკის აღრიცხვის წესების, „საზღვაო დისციპლინური წესდების“ და „ნავსადგურების, გემებისა და საქართველოს საზღვაო ტრანსპორტის სხვა ობიექტების დაცვის სისტემის შესახებ დებულების დამტკიცების თაობაზე“ საქართველოს საზღვაო ტრანსპორტის ადმინისტრაციის 2003 წლის 12 დეკემბერის №51 ბრძანების და „საჯარო სამართლის იურიდიული პირის – საზღვაო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2011 წლის 15 აპრილის ბრძანების №1-1/592 შესაბამისად.

დანართი №1

ცხრილი 1

საქართველოს დროშით მცურავი 100 და ნაკლები რეგისტრული ტონის  გემების ეკიპაჟის უსაფრთხო დაკომპლექტების მინიმალური  შემადგენლობა - შესაბამისი კომპეტენციით კომერციულ საქმიანობაში ჩართული მცურავი საშუალებებისათვის ან/და სამგზავრო ტიპის გემებისათვის

                                                                                                                                        ცხრილი 2

საერთაშორისო ნაოსნობაში ჩართული გემის უსაფრთხო ნაოსნობისთვის ეკიპაჟის მინიმალური სანავიგაციო შემადგენლობა, გემის საერთო ტევადობის მიხედვით (ტონებში)

სამანქანე განყოფილების განსაზღვრა გემის ძალური დანადგარის სიმძლავრის მიხედვით (კვტ)

ამ დანართის მიზნებისთვის აღნიშვნა „–“ ნიშნავს, რომ აღნიშნული კატეგორიის გემის უსაფრთხო რაოდენობით დაკომპლექტებისთვის არ არის აუცილებელი შესაბამისი რანგის მეზღვაური.

ცხრილი 3

შიგა ნაოსნობაში ჩართული 100 და მეტი რეგისტრული ტონის გემების ეკიპაჟის უსაფრთხო რაოდენობით დაკომპლექტების მინიმალური  შემადგენლობა

ცხრილი 4

თევზსაჭერი გემის ეკიპაჟის მინიმალური უსაფრთხო რაოდენობა

საგემბანე განყოფილება:

სამანქანე განყოფილება:

თევსაჭერი გემის ეკიპაჟი განისაზღვრა შემდეგი საშტატო თანამდებობებით:

შკიპერი;

შკიპერის თანაშემწე;

უფროსი მექანიკოსი;

სავახტო მექანიკოსი;

რიგითი მეთევზე მეზღვაური.

ცხრილი 5

საქართველოს დროშით მცურავი 24 მეტრი და მეტი სიგრძის იახტების (აფრიანი ან მოტორიანი), ტენდერების, სასეირნო კატარღების ეკიპაჟის უსაფრთხო დაკომპლექტების მინიმალური შემადგენლობა - შესაბამისი კომპეტენციით

მოცემული ეკიპაჟის დაკომპლექტება  ეფუძნება აფრიანი მცურავი საშუალების სტანდარტულ აღჭურვილობას. მცურავი საშუალების  ავტომატიზაციის  დონე  ან/და  აღჭურვილობის სირთულე  განაპირობებს  ეკიპაჟის წევრის  დამატების   შესაძლებლობას. The indicated manning scales for sailing yachts are based on a standard  rig. The level of automation and/or complexity of  the  rig may require    additional personnel to   operate the rig.

          შენიშვნა:  * თუ იახტის ცალკეული ძრავის სიმძლავრე არ აღემატება 300 კვტ-ს, ეკიპაჟის უსაფრთხო რაოდენობით დაკომპლექტების ცხრილიდან შეიძლება გამოვრიცხოთ უფროსი მექანიკოსი და ასეთ შემთხვევაში მთავარი ძრავის პარამეტრთა იდენტიფიკაცია უნდა იყოს შესაძლებელი სამართავი პუნქტიდან. /  Note * The Chief Engineer may be omitted if the power is less than 300 KW per engine. In case of omission of the Chief  Engineer  the yacht must have the main engine parameter indicators on the cockpit.

          + თუ იახტის ცალკეული ძრავის სიმძლავრე აღემატება 300 კვტ, მაგრამ ნაკლებია 500 კვტ-ზე, ასეთ შემთხვევაში ეკიპაჟის უსაფრთხო რაოდენობით დაკომპლექტების ცხრილიდან შეიძლება გამოვრიცხოთ დამხმარე მექანიკოსი./ + The Assistant Engineer may be omitted if the power is above 300 KW but less than 500 KW per engine.

დანართი №2

საქართველო

საზღვაო ტრანსპორტის სააგენტო

GEORGIA

MARITIME TRANSPORT AGENCY

ეკიპაჟის უსაფრთხო დაკომპლექტების დოკუმენტი

Minimum Safe Manning Document

 წინამდებარე დოკუმენტი  გაცემულია 1974 წლის კონვენციის „ზღვაზე ადამიანის სიცოცხლის უსაფრთხოების შესახებ“  V/14 (2) წესის, საქართველოს საზღვაო კოდექსის და „ტექნიკური რეგლამენტი „საქართველოს დროშით მცურავ გემებზე ეკიპაჟის უსაფრთხო რაოდენობით დაკომპლექტების შესახებ“ დამტკიცების თაობაზე“ საქართველოს მთავრობის 2013 წლის _____ დეკემბრის N     დადგენილების დებულებათა შესაბამისად. / Present Document is issued under the provisions of the regulation V/14 (2) of the Internationa Convention for The Safety of Life at Sea,1974, as amended, Maritime Code of Georgia and “Minimum Safe Manning Requirements on the Ships flying Georgian Flag” Approved by the Regulations of Government of Georgia N       , Dated December      2013. 

გემის სახელი __________________                          IMO  ნომერი_____________    

Name of Ship                                                                 IMO Number   

სახმობი სიგნალი ________________                       მიწერის ნავსადგური__________

Call Sign                                                                         Port of Registry

გემის ტიპი  _____________________                       საერთო ტევადობა _____________  

Type of Ship                                                                  GT

მთავარი ძრავის სიმძლავრე (კვტ) ____      პერიოდულად უვახტო სამანქანო განყოფილება კი/არა

Main propulsion power (KWT)                        Periodicaly unattended machinary space                   yes/no

კომპანია  _________________________________________________________________________

Operating Company  

აღნიშნული გემი ზღვაში გასვლისას ითვლება უსაფრთხოების თვალსაზრისით დაკომპლექტებულად, თუ მასზე იმყოფება დოკუმენტით გათვალისწინებული შესაბამისი რაოდენობის და თანამდებობის ეკიპაჟი. / The Ship named in this document is considered to be safely manned if, when she proceeds to sea, she carries not less than the  number  and grades/capacites of personnel as specified by the present document.   

სერტიფიკატი გაიცემა უვადოთ / The Certificate is permanent.

 გაცემის ადგილი _____________         უფლებამოსილი პირის ხელმოწერა ________________               

 Place of issue                                            Signature of Authorized Person

 გაცემის თარიღი_____________                                                            

 Date of issue                                             MTA3-03-200                                                            Cert. No 00000

  დანართი №3

 საქართველო

საზღვაო ტრანსპორტის სააგენტო

GEORGIA

MARITIME TRANSPORT AGENCY

ეკიპაჟის უსაფრთხო დაკომპლექტების  დოკუმენტი

(თევზსაჭერი გემებისათვის)

Minimum Safe Manning  Document

(For fishing vessels)

                წინამდებარე დოკუმენტი  გაცემულია  „საქართველოს საზღვაო კოდექსის“ და „ტექნიკური რეგლამენტი „საქართველოს დროშით მცურავ გემებზე ეკიპაჟის უსაფრთხო რაოდენობით დაკომპლექტების შესახებ“ დამტკიცების თაობაზე“ საქართველოს მთავრობის 2013 წლის _____ დეკემბრის N     დადგენილების დებულებათა შესაბამისად. /  Present Document  is issued under the provisions of the “Maritime Code of Georgia” and  “Minimum Safe Manning Requirements on the Ships flying Georgian Flag” Approved by the Regulations of Government of Georgia N       , Dated December      2013. 

გემის სახელი ---------------------------------          IMO  ნომერი ____________     

Name of Ship                                                        MO Number 

სახმობი სიგნალი ----------------------------         მიწერის ნავსადგური-------------

Call Sign                                                              Port of Registry  

გემის ტიპი--------------------------------------         საერთო ტევადობა  --------------------

Type of Ship                                                         Gross Tonnage  

მთავარი ძრავის სიმძლავრე (კვტ) ------------  პერიოდულად უვახტო სამანქანე განყოფილება კი/არა

Main propulsion power (KWT)                             Periodicaly unattended machinary space  yes/no

კომპანია   _____________________________________________________________

Operating Company   ____________________________________________________

 აღნიშნული გემი ზღვაში გასვლისას ითვლება უსაფრთხოების თვალსაზრისით დაკომპლექტებულად, თუ მასზე იმყოფება დოკუმენტით გათვალისწინებული   შესაბამისი რაოდენობის და თანამდებობის ეკიპაჟი. / The Ship named in this document is considered to be safely manned if, when she  proceeds to sea, she carries not less  than the  number  and grades/capacites of personnel as specified by the present document.                    

სერტიფიკატი გაიცემა უვადოთ / The Certificate is permanent.

გაცემის ადგილი __________                          უფლებამოსილი პირის ხელმოწერა ____________

Place of issue                                                       Signature of Authorized Person

გაცემის თარიღი______________                                                            

Date of issue     

მოქმედების ვადა_____________

Valid till                                                       

Cert. No MSMD-00000