შპს „საირმის განვითარების კომპანიის“ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №231

2013 წლის 7 მარტი

ქ. თბილისი

შპს „საირმის განვითარების კომპანიის“ საქმიანობის ხელშესაწყობად რიგ ღონისძიებათა განხორციელების შესახებ

1. „სახელმწიფო ქონების შესახებ“ საქართველოს კანონის 49¹ მუხლის შესაბამისად, დამტკიცდეს სსიპ ‑ სახელმწიფო ქონების ეროვნული სააგენტოს გადაწყვეტილება შპს „საირმის განვითარების კომპანიის“ საქართველოს ეკონომიკისა და მდგრადი განვითარების სამინისტროსთან 2011 წლის 18 თებერვალს და 2011 წლის 6 აპრილს დადებული ნასყიდობის ხელშეკრულების პირობების დარღვევისათვის 2013 წლის 1 მაისამდე დაკისრებული ან/და დასაკისრებელი პირგასამტეხლოს გადახდისგან გათავისუფლების თაობაზე.

2. მოწონებულ იქნეს „შპს „კურორტ საირმის“ სახელმწიფო საკუთრებაში არსებული 100% წილის შპს „საირმის განვითარების კომპანიისთვის“ პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2011 წლის 10 თებერვლის №10/02/01 განკარგულებაში ცვლილების შეტანის თაობაზე“ საქართველოს პრეზიდენტის განკარგულების პროექტი და წარედგინოს საქართველოს პრეზიდენტს.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა ‑ სახელმწიფო ქონების ეროვნულმა სააგენტომ ამ განკარგულების პირველი პუნქტის შესრულების მიზნით განახორციელოს შესაბამისი ღონისძიებები.

პრემიერ‑მინისტრი                                           ბ. ივანიშვილი