შპს „ესპერანსის“ მიმართ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №1031

2013 წლის 2 აგვისტო

ქ. თბილისი

შპს „ესპერანსის“მიმართ საქმიანობისხელშესაწყობადრიგღონისძიებათაგანხორციელებისშესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ზ“, „თ“ და „ი“ ქვეპუნქტებისა და „საჯარო სამართლის იურიდიული პირის - სახელმწიფო ქონების ეროვნული სააგენტოს დებულების დამტკიცების შესახებ“ საქართველოს მთავრობის 2012 წლის 17 სექტემბრის №391 დადგენილებით დამტკიცებული დებულების მე-15 მუხლის „დ“ ქვეპუნქტის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალ საჯარო სამართლის იურიდიულ პირს ‑ სახელმწიფო ქონების ეროვნულ სააგენტოს მიეცეს თანხმობა, შპს „ესპერანსის“ მიერ საქართველოს ეკონომიკური განვითარების სამინისტროს (ტერიტორიული ორგანო) აუქციონის მომწყობი კომისიის პირობებით გამოცხადებულ აუქციონში გამარჯვების დამადასტურებელი 2007 წლის 5 ოქტომბრის ოქმის №6ა მე-6 პუნქტის მეორე და მესამე აბზაცებით გათვალისწინებული პირობების გაუქმების თაობაზე.

2. „სახელმწიფო ქონების შესახებ“ საქართველოს კანონის 49¹ მუხლის შესაბამისად, დამტკიცდეს სსიპ ‑ სახელმწიფო ქონების ეროვნული სააგენტოს გადაწყვეტილება, საქართველოს ეკონომიკური განვითარების სამინისტროსა და შპს „ესპერანსს“ შორის 2007 წლის 5 ოქტომბერს გაფორმებული ოქმი №6ა საფუძველზე მყიდველზე დაკისრებული ან/და დასაკისრებელი პირგასამტეხლოს გადახდისგან გათავისუფლების თაობაზე.

3. ამ განკარგულების პირველი და მე-2 პუნქტებით გათვალისწინებული ღონისძიებები განხორციელდეს იმ პირობით, რომ ამ განკარგულების გამოცემიდან 1 (ერთი) წლის ვადაში შპს „ესპერანსი“ უზრუნველყოფს სახელმწიფო ბიუჯეტის სასარგებლოდ 550 000 (ხუთას ორმოცდაათი ათასი) ლარის გადახდას.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ ‑ სახელმწიფო ქონების ეროვნულმა სააგენტომ ამ განკარგულების შესრულების მიზნით განახორციელოს კანონმდებლობით გათვალისწინებული ღონისძიებები.

პრემიერ‑მინისტრი                                                                      ბ. ივანიშვილი