საქართველოს მთავრობის სარეზერვო ფონდიდან საქართველოს თავდაცვის სამინისტროსათვის თანხის გამოყოფის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №564
2013 წლის 13 ივნისი
ქ. თბილისი
საქართველოს მთავრობის სარეზერვო ფონდიდან საქართველოს თავდაცვის სამინისტროსათვის თანხის გამოყოფის თაობაზე
,,საქართველოს შეიარაღებული ძალების სამშვიდობო ოპერაციებში მონაწილეობის შესახებ“ საქართველოს კანონით განსაზღვრულ საერთაშორისო ოპერაციებში ან სხვა სახის სამშვიდობო საქმიანობის განხორციელებისას საქართველოს თავდაცვის სამინისტროს დაღუპული ან/და მიღებული ტრავმების შედეგად გარდაცვლილი მოსამსახურეების ოჯახის წევრების სოციალური დაცვის უზრუნველსაყოფად, თითოეული ოჯახისათვის საქართველოს კანონმდებლობით დაწესებული დახმარების გარდა 85 000 (ოთხმოცდახუთი ათასი) ლარის გაცემის მიზნით, საქართველოს ფინანსთა სამინისტრომ ,,საქართველოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან საქართველოს თავდაცვის სამინისტროს გამოუყოს 2 890 000 (ორი მილიონ რვაას ოთხმოცდაათი ათასი) ლარი.
პრემიერ-მინისტრი ბიძინა ივანიშვილი