„ერთიანი სამთავრობო ქსელით მომსახურების შესყიდვის ღონისძიებათა შესახებ„ საქართველოს მთავრობის 2007 წლის 30 ივლისის №408 განკარგულებაში ცვლილებებისა და დამატების შეტანის თაობაზე

საქართველოს მთავრობის

განკარგულება№178

2009 წლის 10 მარტი

ქ. თბილისი

„ერთიანი სამთავრობო ქსელით მომსახურების შესყიდვის ღონისძიებათა შესახებ„ საქართველოს მთავრობის 2007 წლის 30 ივლისის №408 განკარგულებაში ცვლილებებისა და დამატების შეტანის თაობაზე

1. „ერთიანი სამთავრობო ქსელით მომსახურების შესყიდვის ღონისძიებათა შესახებ“საქართველოს მთავრობის 2007 წლის 30 ივლისის №408 განკარგულებაში შეტანილ იქნეს შემდეგი ცვლილებები და დამატება:

ა) დანართის აბზაცი „საქართველოს იუსტიციის სამინისტრო“ჩამოყალიბდეს შემდეგი რედაქციით:

„საქართველოს იუსტიციის სამინისტრო

სახელმწიფო საქვეუწყებო დაწესებულება – საქართველოს პროკურატურა

სსიპ – საჯარო რეესტრის ეროვნული სააგენტო

სსიპ – სამოქალაქო რეესტრის სააგენტო

სსიპ – საქართველოს ნოტარიუსთა პალატა

სსიპ – თანამდებობის პირთა ქონებრივი და საფინანსო მდგომარეობის საინფორმაციო ბიურო

სსიპ – აღსრულების ეროვნული ბიურო“;

ბ) დანართის აბზაციდან „საქართველოს პრეზიდენტის ადმინისტრაცია“ამოღებულ იქნეს „საქართველოს პროკურატურა“;

გ) დანართს აბზაცის „საქართველოს კონტროლის პალატის“შემდეგ დაემატოს აბზაცი:

„საქართველოს სასჯელაღსრულების, პრობაციისა და იურიდიული დახმარების საკითხთა სამინისტრო

სახელმწიფო საქვეუწყებო დაწესებულება – არასაპატიმრო სასჯელთა აღსრულებისა და პრობაციის ეროვნული სამსახური

სახელმწიფო საქვეუწყებო დაწესებულება – სასჯელაღსრულების დეპარტამენტი

სსიპ – სასჯელაღსრულებისა და პრობაციის სასწავლო ცენტრი

სსიპ – იურიდიული დახმარების სამსახური“;

დ) დანართის აბზაცის სათაური „საქართველოს იუსტიციის სამინისტროს სასჯელაღსრულების დეპარტამენტის ობიექტები“ჩამოყალიბდეს შემდეგი რედაქციით:

„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტის ობიექტები“.

2. განკარგულება ძალაშია ხელმოწერის დღიდან.

პრემიერ-მინისტრი                                                             ნ. გილაური