სახელმწიფო ბიუჯეტის დაფინანსებაზე მყოფი დაწესებულებებისა და ორგანიზაციებისათვის 2006 წლის 1 იანვრის მდგომარეობით რიცხული კრედიტორული დავალიანებების დაზუსტების ღონისძიებათა შესახებ

საქართველოს მთავრობის

განკარგულება №281

2006 წლის 21 ივნისი

ქ. თბილისი

სახელმწიფო ბიუჯეტის დაფინანსებაზე მყოფი დაწესებულებებისა და ორგანიზაციებისათვის 2006 წლის 1 იანვრის მდგომარეობით რიცხული კრედიტორული დავალიანებების დაზუსტების ღონისძიებათა შესახებ

წინა წლებში წარმოქმნილი ფაქტობრივი დავალიანების დაზუსტებისა და „საქართველოს 2006 წლის სახელმწიფო ბიუჯეტის შესახებ” საქართველოს კანონის მე-40 მუხლის მე-9 პუნქტით გათვალისწინებული დავალების შესრულების მიზნით:

1. სახელმწიფო ბიუჯეტის დაფინანსებაზე მყოფმა დაწე­სებულებებმა და ორგანიზაციებმა (შემდგომში – საბიუჯეტო ორგანიზაციები) პირველად საბუღალტრო დოკუმენტებზე დაყრდნობით უზრუნველყონ კრედიტორულ დავალიანებათა ინვენტარიზაცია და დაზუსტება.

2. ხანდაზმულ კრედიტორულ დავალიანებათა აღრიცხვა განხორციელდეს სამოქალაქო კოდექსით განსაზღვრული ვადების გათვალისწინებით № 1 დანართის მიხედვით.

3. საბიუჯეტო ორგანიზაციებმა საქართველოს ფინანსთა სამინისტროს № 3 დანართის მიხედვით წარუდგინონ დაზუს­ტე­ბული ინფორმაცია მხოლოდ იმ კრედიტორული დავალიანე­ბე­ბის შესახებ (გარდა სახელფასო და სამივლინებო დავა­ლიანებებისა), რომლებზეც არსებობს შემდეგი მონაცემები:

ა) კრედიტორის ზუსტი დასახელება;

ბ) საიდენტიფიკაციო კოდი;

გ) საბანკო რეკვიზიტები და ანგარიშის ნომერი;

დ) სამეწარმეო რეესტრიდან ამონაწერი (ინდივიდუალური მეწარმის შემთხვევაში რეგისტრაციის მოწმობა) ან კრედიტორი ფიზი­კური პირების ჩამონათვალი, რომლებიც არ წარმოადგენენ მეწარმე სუბიექტებს;

ე) კრედიტორული დავალიანების მოცულობა.

4. კრედიტორულ დავალიანებებში გათვალისწინებული უნდა იქნეს სასამართლო გადაწყვეტილებებით დაკისრებული და 2006 წლის 1 იანვრამდე გადაუხდელი თანხები. ამ თანხების ორმაგად გადახდის თავიდან ასაცილებლად ის უნდა შედარდეს საქართველოს იუსტიციის სამინისტროს სააღსრულებო დეპარტამენტის ხელთ არსებულ მონაცემებთან, № 4 დანართის შესაბამისად.

5. საბიუჯეტო ორგანიზაციებმა № 5 დანართის შესაბა­მისად ცალკე აღრიცხონ ის დავალიანებები, რომლებიც არ არის ასახული მათ საბუღალტრო დოკუმენტებში და ამასთან, ჩამოჭრილია იძულების წესით სასამართლო აღმას­რულებლის მიერ; აღნიშნული დავალიენებების ოდენობის განსაზღვრისას საბიუჯეტო ორგანიზაციებმა იხელმძღვა­ნელონ საქართველოს იუსტიციის სამინისტროს სააღსრულებო დეპარტამენტიდან და საქართველოს ფინანსთა სამინისტროს სახაზინო სამსახურიდან მიღებული ინფორმაციებით.

6. საბიუჯეტო ორგანიზაციებმა № 6 დანართის შესაბა­მისად აღრიცხონ ის დავალიანებები (მათ შორის სასამარ­თლო გადაწყვეტილებით დაკისრებული დავალიანებები), რომელთა დამადასტურებელი პირველადი საბუღალტრო დოკუმენტები არ მოიპოვება (ან ამ დავალიენებებისათვის უფ-ლება­მოსილი კრედიტორის საიდენტიფიკაციო მონაცემები არ დგინდება) და კანონმდებლობით დადგენილი წესით მოახ-დინონ რეაგირება.

7. საბიუჯეტო ორგანიზაციებმა საქართველოს ფინანსთა სამინისტროს 2006 წლის 1 აგვისტომდე წარუდგინონ დაზუსტებული კრედიტო­რული დავალიანებების რეესტრი № 2, № 3, № 4 და № 5 დანართების მიხედვით (დანართები დადასტუ­რებული უნდა იყოს ხელმოწერითა და ბეჭდით).

8. საქართველოს ფინანსთა სამინისტრომ საბიუჯეტო ორგანიზაციებიდან მიღებული ინფორმაციის საფუძველზე უზრუნველყოს წინადადებების წარმოდგენა საბიუჯეტო დავალიანებათა დაფარვის შესახებ.

9. საბიუჯეტო ორგანიზაციებმა სასამართლო გადაწყვეტი­ლე­ბების ნებაყოფლობით აღსრულების თაობაზე შესაბამისი დავალიანების სააღსრულებო წარმოების შესაწყვეტად დაუ­ყოვ­ნებლივ აცნობონ საქართველოს იუსტიციის სამინისტროს სააღსრულებო დეპარტამენტს.

10. საქართველოს ფინანსთა სამინისტროში წარდგენილ კრედიტორულ დავალიანებათა შესახებ ინფორმაციის სის­წორისა და ამ მიზნით სახელმწიფო ბიუჯეტიდან გამოყოფილ ასიგნებათა მართებულად დაფარვისათვის პასუ­ხისმგებლობა ეკისრება შესაბამის საბიუჯეტო ორგანიზაციას.

 

პრემიერ-მინისტრი                                 ზ. ნოღაიდელი

 

დანართი №1

ხანდაზმული კრედიტორული დავალიანებები

ლარობით

 

სამინისტროს/უწყების ხელმძღვანელი:

 

   დანართი №2

 

ინფორმაცია საქართველოს ..... სამინისტროს/უწყების კრედიტორული დავალიანების შესახებ

(ეკონომიკური კლასიფიკაციის მუხლების მიხედვით)

                   

                      ლარობით

                              

 

* ინფორმაცია წარმოდგენილი უნდა იქნეს პირველად დოკუმენტებზე დაყრდნობით

** ინფორმაცია წარმოდგენილი უნდა იქნეს #3 დანართის დაზუსტებული მონაცემების მიხედვით

სამინისტროს/უწყების ხელმძღვანელი:

 

   დანართი №3

წინა პერიოდის კრედიტორული დავალიანებები

ლარობით

 

სამინისტროს/უწყების ხელმძღვანელი:

 

  დანართი №4

სასამართლო გადაწყვეტილებებით დაკისრებული თანხები

 

ლარობით

 

 

საქართველოს იუსტიციის სამინისტროს               სამინისტროს/უწყების ხელმძღვანელი:

სააღსრულებო დეპარტამენტის ხელმძღვანელი:

 

 

 

 

 

დანართი №5

 

სასამართლო გადაწყვეტილებებით იძულების წესით ჩამოჭრილი თანხები, რომლებიც არ არის ასახული საბუღალტრო დოკუმენტებში

ლარობით

 

საქართველოს იუსტიციის სამინისტროს

სააღსრულებო დეპარტამენტის ხელმძღვანელი:

                                                                                                                

საქართველოს ფინანსთა სამინისტროს

სამინისტროს/უწყების ხელმძღვანელი:                                                            სახაზინო სამსახურის უფროსი:

 

   დანართი №6

კრედიტორები, რომელთა დამადასტურებელი პირველადი საბუღალტრო დოკუმენტები არ მოიპოვება, ან ამ დავალიანებებისათვის უფლებამოსილი კრედიტორის საიდენტიფიკაციო მონაცემები არ დგინდება*

ლარობით

 

*(მათ შორის სასამართლო გადაწყვეტილებით დაკისრებული დავალიანებები)

 

სამინისტროს/უწყების ხელმძღვანელი: