სათაფლიის სახელმწიფო ნაკრძალის ინფრასტრუქტურის განვითარების შესახებ საქართველოს მთავრობასა და ბაქო-თბილისი-ჯეიჰანის მილსადენის და სამხრეთ კავკასიის მილსადენის კომპანიებს შორის დადებულ ხელშეკრულებასთან დაკავშირებით განსახორციელებელ ღონისძიებათა თაობაზე

ს აქართველოს მ თ ავრობის

განკარგულება №181

2010 წლის 19 თებერვალი

ქ. თბილისი

სათაფლიის სახელმწიფო ნაკრძალის ინფრასტრუქტურის განვითარების შესახებ საქართველოს მთავრობასა და ბაქო-თბილისი-ჯეიჰანის  მილსადენის და  სამხრეთ კავკასიის მილსადენის კომპანიებს შორის დადებულ ხელშეკრულებასთან დაკავშირებით განსახორციელებელ ღონისძიებათა თაობაზე

1. საქართველოს ფინანსთა სამინისტრომ საქართველოს საბიუჯეტო კოდექსის 31-ე მუხლის მე-2 და მე-4 ნაწილების საფუძველზე ,,საქართველოს  2010 წლის სახელმწიფო ბიუჯეტის შესახებ“საქართველოს კანონით დამტკიცებულ საქართველოს გარემოს დაცვისა და ბუნებრივი რესურსების სამინისტროს ორგანიზაციულ კლასიფიკაციას დაამატოს ორგანიზაციული კოდი - 38 12 04 ,,სათაფლიის სახელმწიფო ნაკრძალის ინფრასტრუქტურის განვითარება“და საქართველოს გარემოს დაცვისა და ბუნებრივი რესურსების სამინისტროს წინადადებების საფუძველზე განახორციელოს  შესაბამისი ცვლილებები საქართველოს 2010 წლის სახელმწიფო ბიუჯეტის კვარტალურ განწერაში.

2. საჭიროების შემთხვევაში საქართველოს გარემოს დაცვისა და ბუნებრივი რესურსების სამინისტრომ საქართველოს ფინანსთა სამინისტროს წარუდგინოს შესაბამისი წინადადებები ,,საქართველოს 2010 წლის სახელმწიფო ბიუჯეტის შესახებ“საქართველოს კანონში ცვლილებებისა და დამატებების შეტანის დროს სათანადო ასიგნებათა გამოყოფის თაობაზე.

პრემიერ-მინისტრი                                                                                          ნ. გილაური