საქართველოს რაგბის კავშირისთვის სახელმწიფო საკუთრებაში არსებული ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №763
2010 წლის 10 ივნისი
ქ. თბილისი
საქართველოს რაგბის კავშირისთვის სახელმწიფო საკუთრებაში არსებული ქონების უსასყიდლო უზუფრუქტის ფორმით გადაცემაზე თანხმობის მიცემის შესახებ
1. „სახელმწიფო საკუთრებაში არსებული ქონების სარგებლობაში გადაცემის შესახებ“საქართველოს კანონის მე-3 მუხლის პირველი პუნქტისა და მე-7 მუხლის მე-2 პუნქტის, „სახელმწიფო საკუთრებაში არსებული ქონების სარგებლობაში გადაცემისას კონკურსის ჩატარების წესის დამტკიცების შესახებ“საქართველოს მთავრობის 2009 წლის 29 დეკემბრის № 247 დადგენილების მე-3 მუხლის მე-4 პუნქტის შესაბამისად, მიეცეს თანხმობა საქართველოს ეკონომიკური განვითარების სამინისტროს, რომ საქართველოს რაგბის კავშირს უსასყიდლო უზუფრუქტის ფორმით გადასცეს სახელმწიფო საკუთრებაში არსებული ქ. ფოთში, 8 მარტის ქ. №38-ში მდებარე (მიწის (უძრავი ქონების) საკადასტრო კოდი №04.02.09.580) არასასოფლო-სამეურნეო დანიშნულების 36 288 კვ.მ მიწის ნაკვეთი და მასზე განთავსებული №1 შენობა-ნაგებობა 657,5 კვ.მ განაშენიანების ფართობითა და №2 შენობა-ნაგებობა 363,6 კვ.მ განაშენიანების ფართობით, მისი არსებობის ვადით.
2. საქართველოს ეკონომიკური განვითარების სამინისტრომ განახორციელოს შესაბამისი ღონისძიებები სახელმწიფო საკუთრებაში არსებულ ქონებასთან დაკავშირებით საქართველოს რაგბის კავშირისათვის უსასყიდლო უზუფრუქტის ხელშეკრულების გაფორმების მიზნით.
პრემიერ-მინისტრი ნ. გილაური