„სახელმწიფო პროგრამა „იაფი კრედიტის“ „ექსპორტის წახალისების“ ქვეპროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ“ საქართველოს მთავრობის 2008 წლის 4 სექტემბრის №560 განკარგულებაში ცვლილების შეტანის თაობაზე

საქართველოს მთავრობის

განკარგულება №571

2012 წლის 5 აპრილი

ქ. თბილისი

 „სახელმწიფო პროგრამა „იაფი კრედიტის“ „ექსპორტის წახალისების“ ქვეპროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ“ საქართველოს მთავრობის 2008 წლის 4 სექტემბრის №560 განკარგულებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო პროგრამა „იაფი კრედიტის“ „ექსპორტის წახალისების“ ქვეპროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ“ საქართველოს მთავრობის 2008 წლის 4 სექტემბრის №560 განკარგულებაში შეტანილ იქნეს შემდეგი ცვლილება:

ა) განკარგულების პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

 „ა) შპს „გრუზვინპრომს“ (საიდენტიფიკაციო ნომერი – 231 289 290) 3 250 000 (სამი მილიონ ორას ორმოცდაათი ათასი) ლარის ოდენობით, 7 წლის ვადით, სესხის სარგებლობისათვის წლიური 3-პროცენტიანი განაკვეთით;“;

ბ) განკარგულებას დაემატოს შემდეგი შინაარსის 3¹ და 3² პუნქტები:

„3¹. ამ განკარგულების პირველი პუნქტის „ა“ ქვეპუნქტით გათვალისწინებულ შემთხვევაში სესხის ძირითადი თანხისა და პროცენტის გადახდა შეწყდეს 2012 წლის 31 მარტიდან და გაგრძელდეს 2013 წლის 15 ივნისიდან.

3². ამ განკარგულების პირველი პუნქტის „ა“ ქვეპუნქტით გათვალისწინებულ შემთხვევაში 2012 წლის 31 მარტიდან 2013 წლის 15 ივნისამდე პერიოდში დარიცხული პროცენტის გადახდა მოხდეს სესხის გადახდის დარჩენილ პერიოდზე განაწილებით.“;

გ) საჯარო სამართლის იურიდიულმა პირმა – საქართველოს მუნიციპალური განვითარების ფონდმა ამ განკარგულებით გათვალისწინებული პირობების შესაბამისად შეიტანოს ცვლილებები სესხის ხელშეკრულებასა და სესხის დაფარვის გრაფიკში.

პრემიერ-მინისტრი                                                                       ნ. გილაური