„სახელმწიფო პროგრამა „იაფი კრედიტის“ „რეგიონალური ტურიზმის, სოფლის მეურნეობისა და ხალხური რეწვის განვითარების“ ქვეპროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ“ საქართველოს მთავრობის 2008 წლის 19 ნოემბრის №755 განკარგულებაში ცვლილების შეტანის თაობაზე

საქართველოს მთავრობის

განკარგულება №1381

2012 წლის 16 ივლისი

ქ. თბილისი

 „სახელმწიფო პროგრამა „იაფი კრედიტის“ „რეგიონალური ტურიზმის, სოფლის მეურნეობისა და ხალხური რეწვის განვითარების“ ქვეპროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ“ საქართველოს მთავრობის 2008 წლის 19 ნოემბრის №755 განკარგულებაში ცვლილების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის შესაბამისად, „სახელმწიფო პროგრამა „იაფი კრედიტის“ „რეგიონალური ტუ­რიზმის, სოფლის მეურნეობისა და ხალხური რეწვის განვითარების“ ქვე­პროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ“ საქართველოს მთავრობის 2008 წლის 19 ნო­ემ­ბრის №755 განკარგულებაში შეტანილ იქნეს შემდეგი ცვლილება:

ა) მე-2 პუნქტი ჩამოყალიბდეს შემდეგი რედაქციით:

 „2. განკარგულების პირველი პუნქტის „ა“, „ბ“, „გ“, „ე“, „ვ“, „თ“, „ი“, „კ“ და „მ“ ქვეპუნქტებით გათვალისწინებულ შემთხვევებში სესხი გაიცემა 6 წლის ვადით.“;

ბ) მე-6 პუნქტი ჩამოყალიბდეს შემდეგი რედაქციით:

„6. განკარგულების პირველი პუნქტის „ა“, „ბ“, „გ“, „ე“, „ვ“, „თ“, „ი“, „კ“ და „მ“ ქვეპუნქტებით გათვალისწინებულ შემთხვევებში, სესხის ძირი­თადი თანხისა და პროცენტის გადახდა განხორციელდეს დროის შემდეგ შუა­ლე­დებში – ამ განკარგულების მე-5 პუნქტით განსაზღვრული სესხის გადახ­დის დაწყე­ბის დროიდან 2012 წლის 6 ივლისამდე; 2013 წლის 1 ივლისიდან 1 ოქ­ტომ­ბრამდე და 2014 წლის 1 ივლისიდან სესხის გადახდის ვადის ამო­წურვამდე, ყოველთვიურად; ყველა სხვა დანარჩენ შემთხვევაში სესხის ძირითადი თანხისა და პროცენტის გადახდა განხორციელდეს ამ განკარგუ­ლე­­ბის მე-5 პუნქტით განსაზღვრული სესხის გადახდის დაწყების დროი­დან სეს­ხის ხანგრძლივობის ვადის ამოწურვამდე, ყოველთვიურად.“;

გ) განკარგულებას დაემატოს შემდეგი შინაარსის 6¹ პუნქტი:

„6¹. განკარგულების პირველი პუნქტის „ა“, „ბ“, „გ“, „ე“, „ვ“, „თ“, „ი“, „კ“ და „მ“ ქვეპუნქტებით გათვალისწინებულ შემთხვევებში 2012 წლის 6 ივ­ლი­სიდან დროის იმ შუალედებში დარიცხული პროცენტი, როდესაც ამ გან­კარგულების მე-6 პუნქტის შესაბამისად სესხის ძირითადი თანხისა და პროცენტის გადახდა არ ხორციელდება, გადახდილ იქნეს სესხის გადახ­დის დარჩენილ პერიოდზე განაწილებით სესხის ხანგრძლივობის ვადის ამო­წურ­ვამდე.“.

2. საჯარო სამართლის იურიდიულმა პირმა – საქართველოს მუნიცი­პა­ლური განვითარების ფონდმა ამ განკარგულებით გათვალისწინებული პირობების შესაბამისად შეიტანოს ცვლილებები სესხების ბენეფიციარებ­თან გაფორმებულ სესხის ხელშეკრულებებსა და სესხის დაფარვის გრაფი­კებში.

3. განკარგულების პირობების შესაბამისად სესხის ხელშეკრუ­ლე­ბასა და სესხის დაფარვის გრაფიკში განსახორციელებელ ცვლილებებზე სესხის ბენეფიციარის მხრიდან უარის შემთხვევაში ძალაში დარჩეს ამ განკარ­გუ­ლების ამოქმედებამდე ბენეფიციართან გაფორმებული სესხის ხელ­შე­კ­რუ­ლება და სესხის დაფარვის გრაფიკი.

 

 პრემიერ-მინისტრი                                               ივანე მერაბიშვილი