სახელმწიფო პროგრამა ,,იაფი კრედიტის” ,,რეგიონალური ტურიზმის, სოფლის მეურნეობისა და ხალხური რეწვის განვითარების” ქვეპროგრამის ფარგლებში შერჩეული საწარმოსათვის სესხის გამოყოფის შესახებ

საქართველოს მთავრობ ი ს

განკარგულება№615

2008 წლის 24 სექტემბერი

ქ. თბილისი

სახელმწიფო პროგრამა ,,იაფი კრედიტის” ,,რეგიონალური ტურიზმის, სოფლის მეურნეობისა და ხალხური რეწვის განვითარების” ქვეპროგრამის ფარგლებში შერჩეული საწარმოსათვის სესხის გამოყოფის შესახებ

,,სახელმწიფო პროგრამა ,,იაფი კრედიტის” ,,ექსპორტის წახალისებისა” და ,,რეგიონალური ტურიზმის, სოფლის მეურ­ნეობისა და ხალხური რეწვის განვითარების” ქვეპროგრამების დამტკიცებასა და მათ შესრულებასთან დაკავშირებულ ღონის­ძიებათა შესახებ” საქართველოს მთავრობის 2008 წლის 26 მარტის № 75 დადგენილების 5¹ მუხლის საფუძველზე:

1. ქვეყანაში შექმნილი მდგომარეობის გათვალისწინებით, რთვლის პერიოდში საწარმოების მიერ მოსახლეობისაგან ყურძნის მოსავლის შეუფერხებელი შესყიდვისა და მისი გადამუშავების ხელშესაწყობად, ,,საქართველოს 2008 წლის სახელმწიფო ბიუჯეტის შესახებ” საქართველოს კანონის 39-ე მუხლით გათვალისწინებული ,,რეგიონალური ტურიზმის, სოფლის მეურნეობისა და ხალხური რეწვის განვითარების” ქვეპროგრამის ფარგლებში (ორგანიზაციული კოდი 26 20 02) შპს ,,მუკუზანი _ ღვინის ქარხანას” (საიდენტიფიკაციო ნომერი: 227 716 291) გამოეყოს სესხი 300 000 (სამასი ათასი) ლარის ოდენობით, 5 წლის ვადით, სესხით სარგებლობისათვის წლიური 3-პროცენტიანი განაკვეთით.

2. პროცენტის დარიცხვა მოხდეს სესხის გაცემისთანავე, ხოლო მისი გადახდა დაიწყოს 15 თვის გასვლის შემდეგ. ამასთან, დარიცხული პროცენტის გადახდა მოხდეს 16-27 თვეებზე განაწილებით.

3. სესხის ძირითადი თანხის გადახდა დაიწყოს სესხის გაცემიდან 15 თვის გასვლის შემდეგ.

4. სესხის ძირითადი თანხისა და პროცენტის გადახდა მოხდეს ყოველთვიურად.

5. სესხის უზრუნველყოფა დასაშვებია პირველი ან/და მეორე რიგის იპოთეკით, პირველი ან/და მეორე რიგის გირავ­ნობ ი თ (მათ შორის: ღვინის, ალკოჰოლური სპირტის, მანქანა-დანადგარებისა და ყურძნის წვენის მარაგების გირავნობით), მაღალრეიტინგული კომერციული ბანკების გარანტიით და მა­ღალ­რეიტინგული სადაზღვევო კომპანიების სადაზღვევო მოწ­მობით (პოლისით).

6. საქართველოს ეკონომიკური განვითარების სამინისტრომ (ე. შარაშიძე) და ფინანსთა სამინისტრომ (ნ. გილაური) მოახ­დი­ნონ სახელმწიფო პროგრამა ,,იაფი კრედიტის” ,,რეგიო­ნალური ტურიზმის, სოფლის მეურნეობისა და ხალხური რეწვის განვი­თარების” ქვეპროგრამისათვის (ორგანიზაციული კოდი 26 20 02) ასიგნების შევსება 300 000 (სამასი ათასი) ლარით ,,საქარ­თველოს 2008 წლის სახელმწიფო ბიუჯეტის შესახებ” საქართველოს კანონით საქართველოს ეკონომიკური განვითა­რების სამინისტროსათვის გათვალისწინებული ასიგნების ფარგ­ლებში.

7. საქართველოს ფინანსთა სამინისტრომ უზრუნველყოს ,,საქართველოს 2008 წლის სახელმწიფო ბიუჯეტის შესახებ” საქართველოს კანონით საქართველოს ეკონომიკური განვითა­რების სამინისტროსათვის გათვალისწინებული ასიგნების 300 000 (სამასი ათასი) ლარის ოდენობით გაზრდისათვის შესაბა­მისი ღონისძიებების განხორციელება.

8. საჯარო სამართლის იურიდიულმა პირმა - საქართველოს მუნიციპალური განვითარების ფონდმა ზემოაღნიშნული პირობე­ბის შესაბამისად გააფორმოს სესხის ხელშეკრულება, გასცეს სესხი და მოახდინოს გაცემული სესხის დოკუმენტური მონი­ტორინგი.

9. განკარგულების შესრულების კონტროლი განახორ­ციელოს საქართველოს ეკონომიკური განვითარების მინისტრმა ე. შარაშიძემ.

10. განკარგულება ძალაშია ხელმოწერის დღიდან.

პრემიერ-მინისტრი                     ვ. გურგენიძე