„სახელმწიფო პროგრამა „იაფი კრედიტის“ ,,ექსპორტის წახალისების“ ქვეპროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ

საქართველოს მთავრობ ი ს

განკარგულება№560

2008 წლის 4 სექტემბერი

ქ. თბილისი

„სახელმწიფო პროგრამა „იაფი კრედიტის“,,ექსპორტის წახალისების“ქვეპროგრამის ფარგლებში შერჩეული საწარმოების ნუსხის დამტკიცებისა და სესხის გამოყოფის შესახებ

„სახელმწიფო პროგრამა „იაფი კრედიტის“„ექსპორტის წახალისებისა“და ,,რეგიონალური ტურიზმის, სოფლის მეურ­ნეობისა და ხალხური რეწვის განვითარების” ქვეპროგრამების დამტკიცებასა და მათ შესრუ­ლებასთან დაკავშირებულ ღო­ნის­ძიებათა შესახებ“საქართვე­ლოს მთავრობის 2008 წლის 26 მარტის №75 დადგენილების 5¹ მუხლის საფუძველზე:

1. ქვეყანაში შექმნილი მდგომარეობის გათვალისწინებით, რთვლის პერიოდში საწარმოების მიერ მოსახლეობისაგან ყურ­ძნის მოსავლის შეუფერხებლად შესყიდვისა და მისი გადა­მუშავებისათვის, აგრეთვე ქართული ღვინის ექ­სპორ­ტის ხელშესაწყობად საქართველოს ეკონომიკური განვი­თა­რების სამინისტროსათვის „საქართველოს 2008 წლის სა­ხელ­მწიფო ბიუჯეტის შესახებ“საქართველოს კანონის 39-ე მუხლით გათვალისწინებული „ექსპორტის წახალისების“ქვე­პროგრამის ასიგნებიდან (ორგანიზაციული კოდი – 26 20 01) გამოეყოთ სესხი:

ა) შპს „რთველი 2008-ს“(საიდენტიფიკაციო ნომერი – 231 289 290) 3 500 000 (სამი მილიონ ხუთასი ათასი)  ლარის ოდენობით, 5 წლის ვადით, სესხით სარგებლობისათვის წლიური 3-პროცენტიანი განაკვეთით;

ბ) შპს „ასკანელ ძმებს“(საიდენტიფიკაციო ნომე­რი – 200 040 222) 1 400 000 (ერთი მილიონ ოთხასი ათასი) ლარის ოდენობით, 5 წლის ვადით, სესხით სარგებლო­ბისათვის წლი­ური 3-პროცენტიანი განაკვეთით;

გ) შპს „კონიაკისა და ღვინის ქარხანა ვაზიანს“ (საიდენტიფიკაციო ნომე­რი – 204 553 394) 2 000 000 (ორი მილიონი) ლარის ოდენობით, 5 წლის ვადით, სესხით სარგებლობისათვის წლიური 3-პროცენტიანი განაკვეთით;

დ) შპს „გუგულის“ (საიდენტიფიკაციო ნომე­რი – 225 357 244) 2 000 000 (ორი მილიონი) ლარის ოდენობით, 5 წლის ვადით, სესხით სარგებლობისათვის წლიური 3-პროცენტიანი განაკვეთით;

ე) შპს „საქართველოს“(საიდენტიფიკაციო ნომე­რი – 217 881 255) 2 000 000 (ორი მილიონი) ლარის ოდენობით, 5 წლის ვადით, სესხით სარგებლობისათვის წლიური 3-პრო­ცენტიანი განაკვეთით;

ვ) შპს „ქართული ღვინის სახლს“ (საიდენტიფიკაციო ნომე­რი – 217 892 680) 1 000 000 (ერთი მილიონი) ლარის ოდენობით, 5 წლის ვადით, სესხით სარგებლობისათვის წლი­ური 3-პროცენტიანი განაკვეთით;

ზ) სს „ოკამს“ (საიდენტიფიკაციო ნომე­რი – 232 539 125) 600 000 (ექვსასი ათასი) ლარის ოდენობით, 5 წლის ვადით, სესხით სარგებლობისათვის წლიური 3-პროცენტიანი განაკვე­თით.

2. პროცენტის დარიცხვა მოხდეს სესხის გაცემისთანავე, ხოლო მისი გადახდა დაიწყოს 15 თვის გასვლის შემდეგ. ამასთან, პირველი წლის განმავლობაში დარიცხული პრო­ცენტის გადახდა მოხდეს 16-27 თვეებზე განაწილებით.

3. სესხის ძირითადი თანხის გადახდა დაიწყოს სესხის გაცემიდან 15 თვის გასვლის შემდეგ.

4. სესხის ძირითადი თანხისა და პროცენტის გადახდა მოხდეს ყოველთვიურად.

5. სესხის უზრუნველყოფა დასაშვებია პირველი ან/და მეორე რიგის იპოთეკით, პირველი ან/და მეორე რიგის გირავნობით (მათ შორის: ღვინის, ალკოჰოლური სპირტის, მანქანა-დანადგარებისა და ყურძნის წვენის მარაგის გირავ­ნობით), მაღალრეიტინგული კომერციული ბანკების გარან­ტიით ან/და მაღალრეიტინგული სადაზღვევო კომპანიების სადაზღვევო მოწმობით (პოლისით).

6. საქართველოს ეკონომიკური განვითარების სამინის­ტრომ (ე. შარაშიძე) და ფინანსთა სამინისტრომ (ნ. გილაური) მოახდინონ სახელმწიფო პროგრამა „იაფი კრედიტის“„ექსპორტის წახალისების“ქვეპროგრამით (საორგანიზაციო კოდი – 26 20 01) გათვალისწინებული ასიგნების შევსება „საქართველოს 2008 წლის სახელმწიფო ბიუჯეტის შესახებ“საქართველოს კანონით საქართველოს ეკონომიკური განვითა­რების სამინის­ტროსათვის გათვალისწინებული ასიგ­ნების ფარ­გლებში.

7. საჯარო სამართლის იურიდიულმა პირმა – საქარ­თველოს მუნიციპალური განვითარების ფონდმა ზემოაღ­ნიშნული პირობების შესაბამისად გააფორმოს სესხის ხელშეკრულებები, გასცეს სესხი და მოახდინოს გაცემული სესხის დოკუმენტური მონიტორინგი.

8. განკარგულების შესრულების კონტროლი განახორ­ციელოს საქართველოს ეკონომიკური განვითარების მინის­ტრმა ე. შარაშიძემ.

9. განკარგულება ძალაშია ხელმოწერის დღიდან.

პრემიერ-მინისტრი                ვ.  გურგენიძე