„ათასწლეულის გამოწვევის კორპორაციის მეორე კომპაქტის ფარგლებში განათლების სფეროში განსახორციელებელ პროექტთან დაკავშირებით ინტერესთა გამოხატვის გამოცხადების თაობაზე“ საქართველოს მთავრობის 2012 წლის 14 თებერვლის №264 განკარგულებაში ცვლილების შეტანის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №654
2012 წლის 12 აპრილი
ქ. თბილისი
„ათასწლეულის გამოწვევის კორპორაციის მეორე კომპაქტის ფარგლებში განათლების სფეროში განსახორციელებელ პროექტთან დაკავშირებით ინტერესთა გამოხატვის გამოცხადების თაობაზე“ საქართველოს მთავრობის 2012 წლის 14 თებერვლის №264 განკარგულებაში ცვლილების შეტანის შესახებ
1. საქართველოს ზოგადი ადმინისტრაციული კოდექსის 63‑ე მუხლის შესაბამისად, „ათასწლეულის გამოწვევის კორპორაციის მეორე კომპაქტის ფარგლებში განათლების სფეროში განსახორციელებელ პროექტთან დაკავშირებით ინტერესთა გამოხატვის გამოცხადების თაობაზე“ საქართველოს მთავრობის 2012 წლის 14 თებერვლის №264 განკარგულებაში შეტანილ იქნეს ცვლილება და განკარგულებას დაემატოს შემდეგი შინაარსის მე‑4 პუნქტი:
„4. ათასწლეულის გამოწვევის კორპორაციის (MCC) მეორე კომპაქტის ფარგლებში განათლების სფეროში განსახორციელებელ პროექტთან დაკავშირებით ინტერესთა გამოხატვის წინადადებების შემფასებელმა კომისიამ იხელმძღვანელოს ათასწლეულის გამოწვევის კორპორაციასთან (MCC) შეთანხმებით და ამ კორპორაციის სახელმძღვანელო დოკუმენტებზე (გაიდლაინებზე) დაყრდნობით.“.
2. განკარგულება ძალაშია ხელმოწერის დღიდან და ვრცელდება ათასწლეულის გამოწვევის კორპორაციის (MCC) მეორე კომპაქტის ფარგლებში ინტერესთა გამოხატვის წინადადებების შეფასებასთან დაკავშირებით 2012 წლის 30 მარტის შემდგომ წარმოშობილ ურთიერთობებზე.
პრემიერ-მინისტრი ნ. გილაური