დევნილთა კომპაქტურად განსახლების ობიექტზე ელექტრომომარაგების სამუშაოების განხორციელების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1340
2012 წლის 13 ივლისი
ქ. თბილისი
დევნილთა კომპაქტურად განსახლების ობიექტზე ელექტრომომარაგების სამუშაოების განხორციელების შესახებ
1. ნება დაერთოს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს, რომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილი ასიგნებებიდან (პროგრამული კოდი – 34 02 01) არა უმეტეს 4 000 (ოთხი ათასი) ლარი მიმართოს ქალაქ თბილისში, ფ. მოსულიშვილის ქ. №1-ში მდებარე დევნილთა კომპაქტურად განსახლების ობიექტში (კარტოგრაფიის საერთო საცხოვრებელი) ელექტრომომარაგების სამუშაოების განხორციელებისა და მასთან დაკავშირებული დეფექტური აქტების და ხარჯთა ნუსხების შედგენის მომსახურების სახელმწიფო შესყიდვისათვის.
2. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრომ ამ განკარგულების პირველი პუნქტით გათვალისწინებული ღონისძიების შეზღუდულ ვადებში განხორციელების მიზნით, საჭირო სამუშაოებისა და მომსახურების სახელმწიფო შესყიდვები განახორციელოს გამარტივებული შესყიდვის საშუალებით.
პრემიერ-მინისტრი ივანე მერაბიშვილი