,,ქობულეთის მუნიციპალიტეტის ტერიტორიაზე ადგილობრივი მოსაკრებლების შემოღების შესახებ“ ქობულეთის მუნიციპალიტეტის საკრებულოს 2011 წლის 17 მარტის №20 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ
მუნიციპალიტეტისა და თვითმმართველი ქალაქის საკრებულოს დადგენილება მოქმედი მოსაკრებლები ლიცენზირებამშენებლობაქობულეთი
მიღების თარიღი
14.04.2014
გამომცემი ორგანო
ქობულეთის მუნიციპალიტეტი
ნომერი
№06
სარეგისტრაციო კოდი
210020010.35.131.016118
გამოქვეყნების წყარო
matsne.gov.ge , 16/04/2014
📥 მინიშნება 1 🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

მუნიციპალიტეტისა და თვითმმართველი ქალაქის საკრებულოს დადგენილება (1)

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 

ქობულეთის მუნიციპალიტეტის საკრებულოს

დადგენილება №6

2014 წლის 14 აპრილი

ქ. ქობულეთი

 

,,ქობულეთის მუნიციპალიტეტის ტერიტორიაზე ადგილობრივი მოსაკრებლების შემოღების შესახებ“ ქობულეთის მუნიციპალიტეტის საკრებულოს 2011 წლის 17 მარტის №20 დადგენილებაში ცვლილების შეტანის თაობაზე
,,ნორმატიული აქტების  შესახებ“  საქართველოს კანონის  მე-20  მუხლის  შესაბამისად, ქობულეთის მუნიციპალიტეტის საკრებულო ადგენს:

მუხლი 1
შეტანილ იქნას ცვლილება ,,ქობულეთის მუნიციპალიტეტის ტერიტორიაზე ადგილობრივი მოსაკრებლის შემოღების შესახებ“ ქობულეთის  მუნიციპალიტეტის საკრებულოს  2011 წლის 17 მარტის №20 დადგენილებით (სსმ 28.03.2011 წ.) დამტკიცებულ №1 დანართში, თანახმად  დანართისა.
მუხლი 2
დადგენილება ამოქმედდეს გამოქვეყნებისთანავე.

ქობულეთის მუნიციპალიტეტის საკრებულოს თავმჯდომარეელგუჯა ბაგრატიონი



დანართი №1

 

მშენებლობის (გარდა განსაკუთრებული მნიშვნელობის რადიაციული ან

ბირთვული ობიექტების მშენებლობისა) ნებართვისათვის მოსაკრებლის

გამოანგარიშებისა და გადახდის შესახებ

ი ნ ს ტ რ უ ქ ც ი ა

ინსტრუქცია შემუშავებულია ,,ადგილობრივი მოსაკრებლების შესახებ’’ საქართველოს კანონისა და ,,მშენებლობის ნებართვის გაცემის წესისა და სანებართვო პირობების შესახებ” საქართველოს მთავრობის 2009 წლის 24 მარტის №57 დადგენილების შესაბამისად. იგი განსაზღვრავს ქობულეთის მუნიციპალიტეტის ტერიტორიაზე მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ნებართვისათვის მოსაკრებლის გამოანგარიშებისა და გადახდის წესს.

მუხლი 1. ზოგადი ნაწილი
1. მშენებლობის ნებართვა არის განსაკუთრებული იერარქიის ნებართვა, რომელიც იყოფა სამ ურთიერთდამოკიდებულ, მაგრამ ადმინისტრაციული წარმოების თვალსაზრისით დამოუკიდებელ სტადიად: I სტადია - ქალაქთმშენებლობითი პირობების დადგენა (მიწის ნაკვეთის სამშენებლოდ გამოყენების პირობების დამტკიცება); II სტადია - არქიტექტურულ-სამშენებლო პროექტის შეთანხმება (არქიტექტურული პროექტის, კონსტრუქციული ან/და ტექნოლოგიური სქემის შეთანხმება); III სტადია - მშენებლობის ნებართვის გაცემა.

2. მშენებლობის ნებართვა ადასტურებს მისი მიღების კანონმდებლობით განსაზღვრული მოთხოვნების შესაბამისად ნებართვაში მითითებულ ვადებში სამშენებლო სამუშაოების განხორციელების უფლებას.


მუხლი 2. მშენებლობის ნებართვის გაცემის ობიექტი
1. მშენებლობის ნებართვის გაცემის ობიექტებია:

ა) ახალი მშენებლობა;

ბ) არსებული შენობა-ნაგებობის რეკონსტრუქცია;

გ) არსებული შენობა-ნაგებობის დემონტაჟი;

დ) სამშენებლო დოკუმენტის ისეთი ცვლილება, რომელიც საჭიროებს ახალ ნებართვას.

2. მშენებლობის ნებართვის გაცემას არ ექვემდებარება:

ა) არსებული შენობა-ნაგებობის რემონტი-შეკეთება, მოპირკეთება, აღჭურვა;

ბ) ქობულეთის მუნიციპალიტეტის საკრებულოს 2010 წლის 3 სექტემბრის №11 დადგენილებით განსაზღვრული I კლასს დაქვემდებარებული შენობა-ნაგებობები.


მუხლი 3. მშენებლობის ნებართვის მოსაკრებლით დაბეგვრის ობიექტი
მშენებლობის ნებართვის მოსაკრებლით დაბეგვრის ობიექტია ამ ინსტრუქციის მე-2 მუხლით განსაზღვრული მშენებარე ობიექტთა განაშენიანების ფართი.

მუხლი 4. მშენებლობის ნებართვის მოსაკრებლის გადამხდელი
მშენებლობის ნებართვის მოსაკრებლის გადამხდელები არიან ამ ინსტრუქციის მეორე მუხლის პირველ პუნქტში გათვალისწინებული ობიექტების მესაკუთრე ფიზიკური ან/და იურიდიული პირი.

მუხლი 5. მშენებლობის ნებართვის მოსაკრებლის განაკვეთი
1. მშენებლობის ნებართვის მოსაკრებლის განაკვეთი მტკიცდება ქობულეთის მუნიციპალიტეტის საკრებულოს მიერ.

2. მშენებლობის ნებართვის მოსაკრებელის განაკვეთი განისაზღვრება:

ა) ახალასაშენებელი ობიექტის პროექტით გათვალისწინებული განაშენიანების ფართობის თითოეული კვადრატული მეტრისათვის  1 (ერთი) ლარის ოდენობით;

ბ) საკურორტო ზონაში სამრეწველო ობიექტის მშენებლობისათვის  ახალასაშენებელი ობიექტის პროექტით გათვალისწინებული განაშენიანების ფართობის თითოეული კვადრატული მეტრისათვის  5 (ხუთი) ლარის ოდენობით.


მუხლი 6. მშენებლობის ნებართვის მოსაკრებლის გაანგარიშების წესი
1. მშენებლობის ნებართვის მოსაკრებელი გამოიანგარიშება ამ ინსტრუქციის მე-2 მუხლის პირველ პუნქტში განსაზღვრული ობიექტის პროექტით განსაზღვრული განაშენიანების ფართის (კვადრატულ მეტრებში) გამრავლებით მოსაკრებლის განაკვეთზე.

2. მშენებლობის ნებართვის მოსაკრებლის გაანგარიშებას და მის გადახდაზე კონტროლს ახორციელებს ქობულეთის მუნიციპალიტეტის გამგეობის შესაბამისი სამსახური.


მუხლი 7. მშენებლობის ნებართვის მოსაკრებლის გადახდაზე შეღავათები
,,ადგილობრივი  მოსაკრებლის  შესახებ” საქართველოს კანონის მე-4 მუხლისა და მე-6 მუხლის მე-3 პუნქტის საფუძველზე, ამ დადგენილებით განსაზღვრული მშენებლობის ნებართვის გადასახადისაგან სრულად გათავისუფლდნენ სტიქიური უბედურების შედეგად დაზიანებული მშენებარე ობიექტების მესაკუთრე ფიზიკური პირები, აგრეთვე სახელმწიფო ან/და ადგილობრივი თვითმმართველობის ორგანოების მიერ განსახორციელებელ მშენებლობებზე ნებართვის მაძიებელნი.