ადგილობრივი ინფრასტრუქტურის განვითარების მიზნით ზოგიერთი ღონისძიების განხორციელების თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1354
2012 წლის 13 ივლისი
ქ. თბილისი
ადგილობრივი ინფრასტრუქტურის განვითარების მიზნით ზოგიერთი ღონისძიების განხორციელების თაობაზე
ადგილობრივი ინფრასტრუქტურის განვითარების მიზნით, აზიის განვითარების ბანკის დაფინანსებით სსიპ – საქართველოს მუნიციპალური განვითარების ფონდის მიერ განსახორციელებელ დაბა ჩოხატაურში, დუმბაძის ქუჩისა და მიმდებარე მოედნების სარეაბილიტაციო სამუშაოებთან დაკავშირებით საქართველოს ფინანსთა სამინისტრომ, „საქართველოს 2012 წლის სახელმწიფო ბიუჯეტის შესახებ“ საქართველოს კანონის მე-19 მუხლის მე-3 პუნქტის შესაბამისად, საქართველოს რეგიონებში განსახორციელებელი პროექტების ფონდიდან საქართველოს რეგიონული განვითარებისა და ინფრასტრუქტურის სამინისტროს სსიპ – საქართველოს მუნიციპალური განვითარების ფონდს გამოუყოს ჩოხატაურის მუნიციპალიტეტის თანადაფინანსებისათვის საჭირო თანხა 192 321 (ას ოთხმოცდათორმეტი ათას სამას ოცდაერთი) ლარის ოდენობით.
პრემიერ-მინისტრი ივანე მერაბიშვილი