ტურისტული ინფრასტრუქტურის განვითარების მიზნით საქართველოს რეგიონებში განსახორციელებელი პროექტების ფონდიდან სახელმწიფო რწმუნებულების – გუბერნატორების ადმინისტრაციებისათვის თანხის გამოყოფის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №2206
2011 წლის 11 ნოემბერი
ქ. თბილისი
ტურისტული ინფრასტრუქტურის განვითარების მიზნით საქართველოს რეგიონებში განსახორციელებელი პროექტების ფონდიდან სახელმწიფო რწმუნებულების – გუბერნატორების ადმინისტრაციებისათვის თანხის გამოყოფის შესახებ
1. ტურისტული ინფრასტრუქტურის განვითარების მიზნით ავტომატური მეტეოროლოგიური სადგურების შესაძენად საქართველოს ფინანსთა სამინისტრომ „საქართველოს 2011 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან სახელმწიფო რწმუნებულების – გუბერნატორების ადმინისტრაციებს გამოუყოს 61 449 (სამოცდაერთი ათას ოთხას ორმოცდაცხრა) ევროს ეკვივალენტი ლარი, მათ შორის:
ა) საქართველოს ადმინისტრაციულ‑ტერიტორიულ ერთეულებში (ლანჩხუთის, ოზურგეთისა და ჩოხატაურის მუნიციპალიტეტები) სახელმწიფო რწმუნებულის – გუბერნატორის ადმინისტრაციას – 29 945 (ოცდაცხრა ათას ცხრაას ორმოცდახუთი) ევროს ეკვივალენტი ლარი;
ბ) საქართველოს ადმინისტრაციულ‑ტერიტორიულ ერთეულებში (ახმეტის, გურჯაანის, დედოფლისწყაროს, თელავის, ლაგოდეხის, საგარეჯოს, სიღნაღისა და ყვარლის მუნიციპალიტეტები) სახელმწიფო რწმუნებულის – გუბერნატორის ადმინისტრაციას – 15 752 (თხუთმეტი ათას შვიდას ორმოცდათორმეტი) ევროს ეკვივალენტი ლარი;
გ) საქართველოს ადმინისტრაციულ‑ტერიტორიულ ერთეულებში (ადიგენის, ასპინძის, ახალციხის, ახალქალაქის, ბორჯომისა და ნინოწმინდის მუნიციპალიტეტები) სახელმწიფო რწმუნებულის – გუბერნატორის ადმინისტრაციას – 15 752 (თხუთმეტი ათას შვიდას ორმოცდათორმეტი) ევროს ეკვივალენტი ლარი.
2. „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, ამ განკარგულების პირველი პუნქტით გათვალისწინებული ღონისძიების შეზღუდულ ვადებში შეუფერხებლად განხორციელების მიზნით სახელმწიფო რწმუნებულების – გუბერნატორების ადმინისტრაციებმა ტურისტული ინფრასტრუქტურის განვითარებისათვის საქონლის სახელმწიფო შესყიდვა განახორციელონ გამარტივებული შესყიდვის საშუალებით.
პრემიერ‑მინისტრი ნიკა გილაური