სახელმწიფო საკუთრებაში არსებული ნივთის შპს „მიწათმოქმედთა ერთობისათვის“ პირდაპირი მიყიდვის ფორმით პრივატიზებისა და საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ -სახელმწიფო ქონების ეროვნული სააგენტოსათვის სახელმწიფო ქონების იჯარით გადაცემაზე თანხმობის მიცემის შესახებ

საქართველოს მთავრობის

განკარგულება №1012

2014 წლის 9 ივნისი

ქ. თბილისი

სახელმწიფო საკუთრებაში არსებული ნივთის შპს „მიწათმოქმედთა ერთობისათვის“ პირდაპირი მიყიდვის ფორმით პრივატიზებისა და საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ _ სახელმწიფო ქონების ეროვნული სააგენტოსათვის სახელმწიფო ქონების იჯარით გადაცემაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის მე-7 მუხლის მე-3 პუნქტის და მე-10 მუხლის მე-2 პუნქტის შესაბამისად, სახელმწიფო საკუთრებაში არსებული, ამ განკარგულების დანართ №1-ში მითითებული უძრავი ნივთები პირდაპირი მიყიდვის ფორმით, 34 937 (ოცდათოთხმეტი ათას ცხრაას ოცდაჩვიდმეტი) ლარად საკუთრებაში გადაეცეს შპს „მიწათმოქმედთა ერთობას“ (საიდენტიფიკაციო კოდი: №201944209).

 2. ამ განკარგულების პირველი პუნქტით გათვალისწინებული ქონების საპრივატიზებო პირობებად განისაზღვროს:

  ა) საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) კალენდარული დღის ვადაში;

ბ) შესაბამისი ხელშეკრულების გაფორმებიდან არა უმეტეს 2 (ორი) წლის ვადაში პირადად ან/და მესამე პირის მეშვეობით, ამ განკარგულების დანართი №1-ით გადაცემულ ქონებაზე ან/და მის ნაწილზე (გარდა, №84.13.35.267; №84.13.35.279; №84.13.35.266 და №84.13.35.270 საკადასტრო კოდებით რეგისტრირებული მიწის ნაკვეთებისა) არანაკლებ 150 (ას ორმოცდაათ) მსხვილფეხა საქონელზე გათვლილი მეცხოველეობის ფერმის ან/და ფერმების კომპლექსის მშენებლობა/აღჭურვა, სათანადო ინფრასტრუქტურის შექმნა და ფუნქციონირების დაწყება;

გ) შესაბამისი ხელშეკრულების გაფორმებიდან არა უმეტეს 2 (ორი) წლის ვადაში პირადად ან/და მესამე პირის მეშვეობით არანაკლებ 50 (ორმოცდაათი) სული მსხვილფეხა საქონლის შეძენა/მოშენება;

დ) ამ განკარგულების დანართი №1-ით გადაცემულ ქონებაზე ან მის ნაწილზე, შესაბამისი ხელშეკრულების გაფორმებიდან არანაკლებ 5 (ხუთი) წლის განმავლობაში, ყოველწლიურად, პირადად ან/და მესამე პირის მეშვეობით მარცვლეული და პირუტყვის საკვები მრავალწლიანი მცენარეული კულტურების მოყვანა;

ე) შესაბამისი ხელშეკრულების გაფორმებიდან არანაკლებ 2 (ორი) წლის ვადაში პირადად ან/და მესამე პირის მეშვეობით ამ განკარგულების დანართი №1-ით გადაცემული ქონებიდან არანაკლებ 30 000 კვ.მ მიწის ფართობზე ვენახის გაშენება;

ვ) შესაბამისი ხელშეკრულების გაფორმებიდან არანაკლებ 2 (ორი) წლის ვადაში, პირადად ან/და მესამე პირის მეშვეობით ამ განკარგულების დანართი №1-ით გადაცემული ქონებიდან არანაკლებ 1000 კვ.მ მიწის ფართობზე სათბურის ან/და სათბურების კომპლექსის მშენებლობა/აღჭურვა სათანადო ინფრასტრუქტურის შექმნა და ფუნქციონირების დაწყება;

ზ) ამ განკარგულების მე-2 პუნქტის ,,ვ“ ქვეპუნქტით გათვალისწინებული ვალდებულების შესრულებიდან არანაკლებ 3 (სამი) წლის მანძილზე, ყოველწლიურად, პირადად ან/და მესამე პირის მეშვეობით სხვადასხვა ტიპის ბოსტნეული კულტურების მოყვანა სათბურში;

თ) შესაბამისი ხელშეკრულების გაფორმებიდან არანაკლებ 2 (ორი) წლის ვადაში პირადად ან/და მესამე პირის მეშვეობით ამ განკარგულების დანართი №1-ით გადაცემულ ქონებაზე ან მის ნაწილზე არანაკლებ 120 (ას ოცი) ფუტკრის სკის განთავსება;

 ი) ამ პუნქტის „ბ-თ“ ქვეპუნქტებით განსაზღვრული ვალდებულებების შესრულების მიზნით, შესაბამისი ხელშეკრულების გაფორმებიდან 2 წლის ვადაში პირადად ან/და მესამე პირის მეშვეობით, არანაკლებ, 350 000 (სამას ორმოცდაათი ათასი) ლარის ინვესტიციის განხორციელება;

  კ) ამ პუნქტის „ა-ი“ ქვეპუნქტებით განსაზღვრული ვალდებულებების შესრულებამდე, ყოველი წლის დეკემბრის თვეში, სსიპ - სახელმწიფო ქონების ეროვნული სააგენტოსა და საქართველოს სოფლის მეურნეობის სამინისტროსათვის ინფორმაციის წარდგენა დანართი №2-ის შესაბამისად;

  ლ) გადასაცემ მიწის ნაკვეთებზე (საკადასტრო კოდი: №84.13.35.267; №84.13.35.279; №84.13.35.266 და №84.13.35.270) არ განახორციელოს ქმედებები, რომელიც თავის მხრივ შეზღუდავს სახელმწიფოს უფლებას გასცეს სასარგებლო წიაღისეულის მოპოვების ლიცენზია და ლიცენზიის მფლობელი პირ(ებ)ის მიერ სალიცენზიო საქმიანობის შეუფერხებელ განხორციელებას;

  მ) გადასაცემ მიწის ნაკვეთებზე განახორციელოს (საკადასტრო კოდი: №84.13.35.267; №84.13.35.279; №84.13.35.266 და №84.13.35.270) ,,წიაღის შესახებ“ საქართველოს კანონის 39-ე მუხლით დადგენილი პირობების დაცვა.

  3. ამ განკარგულების მე-2 პუნქტით განსაზღვრული საპრივატიზებო ვალდებულებების შესრულების უზრუნველყოფის მიზნით, შპს „მიწათმოქმედთა ერთობამ“ შესაბამისი ხელშეკრულების გაფორმებამდე, წარმოადგინოს ამ განკარგულების მე-2 პუნქტის „ი“ ქვეპუნქტით განსაზღვრული, განსახორციელებელი ინვესტიციის არანაკლებ 10 %-ის ოდენობის უპირობო და გამოუხმობი საბანკო გარანტია, რომლის მოქმედების ვადაც არანაკლებ 3 (სამი) თვით უნდა აღემატებოდეს ამ განკარგულების მე-2 პუნქტის „დ“ ქვეპუნქტით განსაზღვრულ ვადას.

4. ,,სახელმწიფო ქონების შესახებ“ საქართველოს კანონის 36–ე მუხლის მე–2 პუნქტის შესაბამისად, მიეცეს თანხმობა, საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ - სახელმწიფო ქონების ეროვნულ სააგენტოს, რომ შპს „მიწათმოქმედთა ერთობას“ (საიდენტიფიკაციო კოდი: №201944209) იჯარით გადასცეს სახელმწიფო საკუთრებაში არსებული თეთრიწყაროს მუნიციპალიტეტში, სოფელ ქვემო ახალშენში მდებარე 1980 კვ.მ სასოფლო-სამეურნეო (საძოვარი) დანიშნულების მიწის ნაკვეთი (მიწის (უძრავი ქონების) საკადასტრო კოდი: №84.13.35.278) შესაბამისი ხელშეკრულების გაფორმებიდან 20 წლის ვადით.

5. ამ განკარგულების მე-4 პუნქტით გადაცემული ქონების სარგებლობის პირობად განისაზღვროს, წლიური საიჯარო ქირის, 3 (სამი) ლარის გადახდა შესაბამისი ხელშეკრულების გაფორმებიდან ყოველწლიურად, არა უგვიანეს საანგარიშო პერიოდის ყოველი პირველი თვის ბოლოს.  

 6. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა - სახელმწმიფო ქონების ეროვნულმა სააგენტომ და საქართველოს სოფლის მეურნეობის სამინისტრომ ამ განკარგულების შესრულების მიზნით უზრუნველყონ კანონმდებლობით გათვალისწინებული ღონისძიებების განხორციელება.

 

პრემიერ-მინისტრი                                          ირაკლი ღარიბაშვილი