„საქართველოს ეკონომიკური განვითარების სამინისტროს მუდმივმოქმედი სააუქციონო კომისიის 19.04.07წ. №13 ოქმის დამტკიცების შესახებ“ საქართველოს ეკონომიკური განვითარების მინისტრის 2007 წლის 25 აპრილის №1-1/651 ბრძანებით დადგენილი პირობების შეცვლისა და შპს „აისის“ საქმიანობის ხელშესაწყობად რიგ ღონისძიებათა განხორციელების თაობაზე

საქართველოს მთავრობის

განკარგულება №1238

2014 წლის 15 ივლისი

ქ. თბილისი

 „საქართველოს ეკონომიკური განვითარების სამინისტროს მუდმივმოქმედი სააუქციონო კომისიის 19.04.07 წ. №13 ოქმის დამტკიცების შესახებ“ საქართველოს ეკონომიკური განვითარების მინისტრის 2007 წლის 25 აპრილის №1-1/651 ბრძანებით დადგენილი პირობების შეცვლისა და შპს „აისის“ საქმიანობისხელშესაწყობადრიგღონისძიებათაგანხორციელების თაობაზე

1. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად, შეიცვალოს „საქართველოს ეკონომიკური განვითარების სამინისტროს მუდმივმოქმედი სააუქციონო კომისიის 19.04.07 წ. №13 ოქმის დამტკიცების შესახებ“ საქართველოს ეკონომიკური განვითარების მინისტრის 2007 წლის 25 აპრილის      №1-1/651 ბრძანების (შემდგომში: „მინისტრის ბრძანება“) მე-3 პუნქტით დადგენილი საპრივატიზებო პირობები (გარდა საპრივატიზებო თანხის გადახდის ვალდებულებისა) და განისაზღვროს შემდეგი სახით:

 ა) „მინისტრის ბრძანების“ მე-3 პუნქტით გათვალისწინებულ ქონებაზე, 2015 წლის 1 ოქტომბრამდე, არანაკლებ 550 000 (ხუთას ორმოცდაათი ათასი) აშშ დოლარის (ეკვივალენტი ეროვნულ ვალუტაში) ინვესტიციის განხორციელება;

 ბ) საქართველოს შინაგან საქმეთა სამინისტროს მიერ მითითებული, სიღნაღის პოლიციის მიერ დაკავებული შენობის, 300 000 (სამასი ათასი) ლარის ოდენობის, სარემონტო სამუშაოების ჩატარება/დაფინანსება.

2. „სახელმწიფო ქონების შესახებ“ საქართველოს კანონის 49¹ მუხლის მე-2 პუნქტის შესაბამისად, ამ განკარგულების პირველი პუნქტით განსაზღვრული ცვლილების სანაცვლოდ, შპს „აისმა“ (ს/კ 230072596) 2014 წლის ბოლომდე, უზრუნველყოს 10 000 (ათი ათასი) აშშ დოლარის (ეკვივალენტი ეროვნულ ვალუტაში) ოდენობის ანაზღაურების გადახდა სახელმწიფო ბიუჯეტის სასარგებლოდ.

 3. „სახელმწიფო ქონების შესახებ“ საქართველოს კანონის 49¹ მუხლის პირველი პუნქტის შესაბამისად,შპს „აისი“ გათავისუფლდეს საქართველოს ეკონომიკური განვითარების სამინისტროსა (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი - სახელმწიფო ქონების ეროვნული სააგენტო) და შპს „აისს“ შორის2007 წლის 20 ივლისს დადებულ ნასყიდობის ხელშეკრულებაში (შემდგომში: „ნასყიდობის ხელშეკრულება“) ამ განკარგულების პირველი პუნქტით გათვალისწინებული ცვლილების შეტანის თაობაზე შესაბამისი ხელშეკრულების გაფორმებამდე, მასზე „ნასყიდობის ხელშეკრულებიდან“ გამომდინარე დაკისრებული ან/და დასაკისრებელი პირგასამტეხლოს გადახდისგან იმ პირობით, რომ შპს „აისი“შეასრულებს ამ განკარგულების პირველი და მე-2 პუნქტებით განსაზღვრულ ვალდებულებებს.

 4. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

 

პრემიერ-მინისტრი                             ირაკლი ღარიბაშვილი