საქართველოს თავდაცვის სამინისტროს მიერ სახელმწიფო შესყიდვების განხორციელების შესახებ

საქართველოს მთავრობის

განკარგულება №1335

2014 წლის 1 აგვისტო

ქ. თბილისი

საქართველოს თავდაცვის სამინისტროს მიერ სახელმწიფო შესყიდვების განხორციელების შესახებ

  „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, საქართველოს თავდაცვის სამინისტრომ, გამარტივებული შესყიდვის საშუალებით განახორციელოს სახელმწიფო შესყიდვები შემდეგი საერთაშორისო ხელშეკრულებების  გათვალისწინებით და ქართული მხარის მიერ გამოყოფილი თანადაფინანსების ფარგლებში:

  ა) „საქართველოსა და თურქეთის რესპუბლიკას შორის სამხედრო ფინანსური თანამშრომლობის შესახებ შეთანხმება“ (ხელმოწერილი – 2010 წლის 23 დეკემბერს,  რატიფიცირებული – 2011 წლის 5 აპრილის №4483 – Iს დადგენილებით);

  ბ) „სამხედრო ფინანსური თანამშრომლობის შეთანხმება საქართველოს მთავრობასა და თურქეთის რესპუბლიკის მთავრობას შორის“ (ხელმოწერილი – 2011 წლის 15 დეკემბერს, რატიფიცირებული -საქართველოს პარლამენტის 2012 წლის 28 თებერვლის №5722–Iს დადგენილებით);

  გ) „სამხედრო ფინანსური თანამშრომლობის შეთანხმება საქართველოს მთავრობასა და თურქეთის რესპუბლიკის მთავრობას შორის“ (ხელმოწერილი – 2012 წლის 17 დეკემბერს, რატიფიცირებული – საქართველოს პარლამენტის 2013 წლის 22 მარტის №446 – IIს დადგენილებით);

 დ) „საქართველოს ფინანსური თანამშრომლობის შეთანხმება საქართველოს მთავრობასა და თურქეთის რესპუბლიკის მთავრობას შორის“ (ხელმოწერილი – 2013 წლის 16 დეკემბერს, რატიფიცირებული – საქართველოს პარლამენტის 2014 წლის 2 მაისის №2380-IIს დადგენილებით).

 

 

პრემიერ-მინისტრი                               ირაკლი ღარიბაშვილი