„აჭარის ავტონომიური რესპუბლიკის სოფლის მეურნეობის სამინისტროს დებულების დამტკიცების შესახებ” აჭარის ავტონომიური რესპუბლიკის მთავრობის 2007 წლის 3 აპრილის N32 დადგენილებაში ცვლილებებისა და დამატების შეტანის თაობაზე

აჭარის ავტონომიური რესპუბლიკის მთავრობის

დადგენილება №32

2014 წლის 10 ოქტომბერი

ქ. ბათუმი

,,2. აჭარის ავტონომიური რესპუბლიკის სოფლის მეურნეობის სამინისტროს საჯარო მოსამსახურეთა რიცხოვნობა განისაზღვროს 68 (სამოცდარვა) საშტატო ერ­თეუ­ლით.”

   ,,2. სამინისტროს ცენტრალური აპარატის სტრუქტურული ქვედანა­ყოფებია:   

ა) ადმინისტრაციული დეპარტამენტი;

ბ) სოფლის მეურნეობის განვითარების დეპარტამენტი;

გ) საბუღალტრო აღრიცხვისა და ანგარიშგების  დეპარტამენტი;

დ) იურიდიული დეპარტამენტი;

ე) შიდა აუდიტის დეპარტამენტი;

ვ) ბიუჯეტის დაგეგმვისა და ანალიზის სამსახური;

ზ) საინფორმაციო-საკონსულტაციო დეპარტამენტი.“

,,10³ მუხლი. საინფორმაციო-საკონსულტაციო დეპარტამენტი

საინფორმაციო-საკონსულტაციო დეპარტამენტის ძირითადი ამოცანებია:

ა) ინფორმაციის შეგროვება აჭარის ავტონომიური რესპუბლიკის ტერიტორიაზე არსებული სასოფლო-სამეურნეო სავარგულების შესახებ;

ბ) სამეურნეო წლის განმავლობაში ნათესი და ნარგავი ფართობების სრული განახლებადი საინფორმაციო ბაზის შექმნა;

გ) სასოფლო-სამეურნეო კულტურების მიხედვით სავარაუდო მოსავლის წინას­წარი განსაზღვრა, ოპერატიული ინფორმაციის მიღება-დამუშავება;

დ) სამინისტროს მიერ განსახორციელებული პროგრამებისა და ქვეპროგრამების  შერჩევაში, შემუშავებაში, განხორციელებასა და კონტროლში აქტიური მონაწილეობა, კონ­სულტაციის გაცემა და მონიტორინგი;

ე) ადგილობრივ ბაზარზე  სოფლის მეურნეობის პროდუქციის ფასების, ასევე წარმოების საშუალებების ღირებულების შესახებ ინფორმაციის შეგროვება-დამუშავება-ანალიზი;

ვ) სასაწყობო და გადამამუშავებელი საწარმოების არსებული პოტენციალის შესწავლა მემცენარეობისა და მეცხოველეობის პირველადი წარმოების პროდუქტების  მიხედვით;

ზ) საქართველოს კანონმდებლობის მიხედვით სოფლის მეურნეობაში მოქმედი სამართლებრივი და საგადასახადო ვალდებულებების შესახებ დაინტერესებული პი­რების ინფორმირება;

თ) სამინისტროს პოლიტიკის, პროგრამებისა და ქვეპროგრამების შესახებ მოსახ­ლეობის დროული ინფორმირება;

ი) სოფლის მეურნეობის სფეროში გამოვლენილი პრობლემებისა და არსებული მდგომარეობის შესახებ სამინისტროს დროული ინფორმირება;

კ) მემცენარეობისა და მეცხოველეობის პროდუქციის წარმოების ტექნოლოგიური პროცესის ეკონომიკური შეფასება (გამოყენებული წარმოების საშუალებებზე გაწეული დანახარჯების გათვალისწინებით) და დაინტერესებული პირებისათვის რეკომენ­და­ცი­ე­ბის გაცემა;

ლ) სასოფლო-სამეურნეო კულტურების განაშენიანება-მოვლის თანამედროვე აგროტექნიკური მეთოდების პოპულარიზაცია და დანერგვის ხელშეწყობა;

მ) ბაზარზე არსებული სათესლე და სარგავი მასალების შესახებ ინფორმაციის შეგროვება-დამუშავება, მათი სპეციფიკაციის მიხედვით დაინტერესებული პირები­სათ­ვის  კონსულტაციების გაწევა;

ნ)  მექანიზაციის ხელმისაწვდომობაზე, ასევე, მათი რაციონალური გამოყენების შესახებ დაინტერესებული პირებისათვის  ინფორმაციის მიწოდება;

ო) ბაზარზე არსებული მცენარეთა დაცვის საშუალებების შესახებ ინფორმაციის შეგროვება და დაინტერესებული პირებისათვის მათი გამოყენების მართებული მეთო­დების შეთავაზება;

პ) მოსავლის აღებასთან დაკავშირებული მოსამზადებელი ტექნიკური ღონის­ძიებებისა და სხვა ორგანიზაციული საკითხების შესახებ დაინტერესებული პირები­სათ­ვის  კონსულტაციების გაწევა;

ჟ) აღებული მოსავლის შენახვის პირობების და ვადების შესახებ დაინტერესებული პირებისათვის  რეკომენდაციების გაწევა;

რ) ცხოველთა მოვლა-მოშენების თანამედროვე მეთოდების და ტექნოლოგიების პოპულარიზაცია მათი დანერგვის მიზნით;

ს) საძოვრების რაციონალური გამოყენების მიზნით დაინტერესებული პირები­სათ­ვის კონსულტაციის გაწევა;

ტ) ცხოველთა ჯანმრთელობის დაცვის მიზნით წლის განმავლობაში აუცილებელი ვეტერინარული და სანიტარიული ღონისძიებების შესახებ დაინტერესებული პირე­ბისათ­ვის  კონსულტაციების გაწევა;

უ) სახელმწიფო და ადგილობრივ თვითმართველობის ორგანოებთან,  საერთა­შორისო დონორ ორგანიზაციებთან, ასევე ექსტენციის ცენტრებთან აქტიური თანამშ­რომ­ლობა;

ფ) სხვადასხვა ტრენინგების, სწავლებებისა და საინფორმაციო შეხვედრების ორგა­ნიზება;

ქ) მერძეული და მეხორცული მიმართულების მსხვილფეხა და წვრილფეხა პი­რუტყ­ვის პროდუქტიულობის მაჩვენებლის ზრდის და სტაბილურად შენარჩუნების მიზნით საკვები რაციონის შესახებ რეკომენდაციების გაცემა;

ღ) კანონმდებლობით დადგენილი წესით აჭარის ავტონომიურ რესპუბლიკაში  სტიქიური მოვლენების  შედეგების სალიკვიდაციო საქმიანობის კომისიებსა და სამუშაო ჯგუფებში მონაწილეობა, სოფლის მეურნეობის ცალკეულ დარგებსა და სფეროებში შექმნილ საგანგებო სიტუაციათა ანალიზი და შეფასება;

ყ) კომპეტენციის ფარგლებში სტატისტიკის სფეროში მონაცემთა საინფორმაციო ბაზის შექმნაში მონაწილეობა და კოორდინირებული საქმიანობა;

შ) საინფორმაციო-საკონსულტაციო დეპარტამენტის საქმიანობის დაგეგმვა, ორგა­ნიზება და კოორდინაცია აჭარის ავტონომიური რესპუბლიკის ტერიტორიაზე არ­სებულ  მუნიციპალიტეტებსა და ქ. ბათუმში.

ჩ) საქართველოს კანონმდებლობით განსაზღვრული სხვა უფლება-მოვალეობათა განხორციელება.“.