ტყიბულის მუნიციპალიტეტის გამგეობის სახანძრო-სამაშველო სამსახურის დებულების დამტკიცების შესახებ

1.სახანძრო-სამაშველო სამსახური (შემდგომში-სამსახური) წარმოადგენს მუნიციპალიტეტის გამგეობის სტურქტურული ერთეულს, რომელიც უზრუნველყოფს მუნიციპალიტეტის ტერიტორიის საზღვრებში სახანძრო უსაფრთხოების, ხანძრების, ავარიების, სტიქიური უბედურების და სხვა საგანგებო სიტუაციების ლიკვიდაციას, ხანძარსაწინააღმდეგო ზედამხედველობის განხორციელებას.

2.სამსახური თავის საქმიანობას წარმართავს საქართველოს კონსტიტუციის, საქართველოს ორგანული კანონის „ადგილობრივი თვითმმართველობის კოდექსის“, საქართველოს კანონების „სახანძრო უსაფრთხოების შესახებ“, „ბუნებრივი და ტექნოგენური ხასიათის საგანგებო სიტუაციებისაგან მოსახლეობისა და ტერიტორიის დაცვის შესახებ“, საქართველოს მთავრობის 2010 წლის 04 ივნისის N153 დადგენილების „საგანგებო სიტუაციების რეაგირების ძალების წესდების დამტკიცების შესახებ“ და საქართველოში მოქმედი სხვა საკანონმდებლო და ნორმატიული აქტების შესაბამისად.

3.სამსახურის იურიდიული მისამართია ქ. ტყიბული, რუსთაველის ქ. N25.

1. სახელმწიფო ხანძარსაწინააღმდეგო ზედამხედველობის განხორციელება  საგანმანათლებლო და სააღმზრდელო, სამედიცინო დაწესებულებებში, საკონცერტო და სამაყურებლო დანიშნულების შენობა-ნაგებობებში სახანძრო უსაფრთხოების მოთხოვნათა შესრულებაზე.

2. ხანძარსაწინააღმდგო ზედამხედველობის განხორციელების სფეროში თავისი კომპენტენციის ფარგლებში საქართველოს კანონის  „სახანძრო უსაფრთხოების შესახებ“ მე-11 მუხლით განსაზღვრული სხვა უფლებამოსილების განხორციელება;

3. ხანძრის ჩაქრობა და საავარიო-სამაშველო სამუშაოების ჩატარება ადმინისტრაციული-ტერიტორიული ერთეულების საზღვრებში;

4. საქართველოს ტერიტორიაზე ხანძრების, ავარიების, კატასტროფების, სტიქიური უბედურებებისა და სხვა საგანგებო სიტუაციების სალიკვიდაციო სამუშაოებში და დაგეგმილ სახანძრო-ტაქტიკურ სწავლებებში მონაწილეობა;

5. სამსახურის ბალანსზე რიცხული(მიმაგრებული) სახანძრო-სამაშველო ტექნიკის და ტექნიკური შეიარაღების სწორი ექსპლუატაციის ორგანიზება;

6. სასიცოცხლო უზრუნველყოფის სამსახურებთან ურთიერთქმედების ორგანიზება;

7. საგანგებო სიტუაციების თაობაზე შემოსულ შეტყობინებებზე პირველადი რეაგირება;

8. დისლოკაციის ადგილზე სახანძრო-სამაშველო დანაყოფის 24 საათიანი მორიგეობის და მათი მუდმივი მზადყოფნის უზრუნველყოფა;

9. ხანძრებისა და სხვა საგანგებო სიტუაციების შედეგების ლიკვიდაციაში პირადი შემადგენლობის ჩაბმის განრიგისა და ჩაბმის გეგმის შემუშავება-დამტკიცება, საქართველოს შინაგან საქმეთა მინისტრის 2010 წლის 06 ივნისის N571 ბრძანების მოთხოვნების შესაბამისად;

10. ხანძრებისა და მათი შედეგების, აგრეთვე საავარიო-სამაშველო სამუშაოების აღრიცხვა.

1.სამსახური შედგება სამსახურის უფროსის, მთავარი და უფროსი სპეციალისტებისაგან.

2. სამსახურის საქმიანობას წარმართავს სამსახურის უფროსი, რომლის უფლებამოსილებები და სამსახურებრივი ფუნქციები განისაზღვრება ამ დებულებით, გამგეობის დებულებითა და სამუშაოთა აღწერილობით.

1. სახანძრო-სამაშველო სამსახურის უფროსს  თანამდებობაზე ნიშნავს  და თანამდებობიდან ათავისუფლებს მუნიციპალიტეტის გამგებელი.

2. სამსახურის უფროსი:

ა) ხელმძღვანელობს და წარმართავს სამსახურის საქმიანობა;

ბ) ანაწილებს ფუნქციებს სამსახურის თანამშრომელთა შორის;

გ) ამტკიცებს სამსახურის შინაგანაწესს;

დ) აკონტროლებს სამსახურის თანამშრომელთა მიერ სამსახურებრივი მოვალეობების შესრულებას, მუნიციპალიტეტის გამგებელს წარუდგენს წინადადებებს მოსამსახურეთა მორიგი და დამატებითი შვებულების, მივლინების, წახალისების ან დისციპლინური პასუხისმგებლობის დაკისრების თაობაზე;

ე) დამოუკიდებლად იღებს გადაწყვეტილებებს სამსახურის საქმიანობის სფეროსა და კომპეტენციას მიკუთვნებულ საკითხებში;

ვ) შეიმუშავებს და მუნიციპალიტეტის გამგებელს წარუდგენს წინადადებებს სამსახურის სტრუქტურის, შტატებისა და ორგანიზაციის მუშაობის გაუმჯობესების შესახებ;

ზ) მუნიციპალიტეტის გამგეობასა და საკრებულოს წარუდგენს სამსახურის მიერ გაწეული საქმიანობის ანგარიშს, ზრუნავს მოსამსახურეთა კვალიფიკაციის ამაღლებაზე;

თ) მუნიციპალიტეტის წინაშე შუამდგომლობს იმ სახსრების, მოწყობილობებისა და ინვენტარის გამოყოფაზე, რაც აუცილებელია სამსახურის წინაშე მდგარი ფუნქციებისა და ამოცანების შესასრულებლად;

ი) პერიოდულად ისმენს სამსახურის პირადი შენადგენლობის ანგარიშს მათ მიერ გაწეული მუშაობის შესახებ;

კ) უზრუნველყოფს მუნიციპალიტეტის სახანძრო უსაფრთხოების ღონისძიებების შემუშავებისათვის წინადადების მომზადებას და გამგეობაში წარდგენას მათ სარეალიზაციოდ;

ლ) აანალიზებს ხანძრებზე და საავარიო-სამაშველო სამუშაოების ჩატარებისას სამსახურის მუშაობას, გეგმავს ღონისძიებებს პირადი შემადგენლობის პროფესიული მომზადების, ხანძრის ჩაქრობისა და საავარიო-სამაშველო სამუშაოების ჩატარების გასაუმჯობესებლად;

მ) ახორციელებს კანონით განსაზღვრულ სხვა უფლებამოსილებებს;

3. სამსახურის უფროსის არყოფნის შემთხვევაში მის უფლება-მოვალეობას გამგებლის დავალებით ასრულებს სამსახურის ერთ-ერთი მოხელე - სამსახურში არსებული რანგის შესაბამისად.