1. ადრე დაკისრებული დისციპლინური პასუხისმგებლობის ზომის მოხსნა, როგორც წახალისების სახე, ფორმდება ბრძანებით. წახალისების ამგვარი სახით სამხედრო მოსამსახურეს შეიძლება მოეხსნას, მხოლოდ, ერთი დისციპლინური პასუხისმგებლობის ზომა.
2. დისციპლინური პასუხისმგებლობის ზომის მოხსნის უფლება აქვს იმ უფროსს (მეთაურს), რომელმაც გამოიყენა დისციპლინური პასუხისმგებლობის ზომა, აგრეთვე, სხვა პირდაპირ უფროსს (მეთაურს), რომელსაც აქვს შესაბამისი სადისციპლინო უფლება.
3. ამ მუხლით გათვალისწინებული წახალისების სახე შეიძლება გამოყენებულ იქნეს ამ წესდების 57-ე -118-ე მუხლებით გათვალისწინებული ღირსეული საქციელისათვის, თუ იგი ჩადენილია დისციპლინური პასუხისმგებლობის ზომის მოქმედების პერიოდში.
4. ამ მუხლით გათვალისწინებული შემთხვევების გარდა, სამხედრო მოსამსახურეს დისციპლინური პასუხისმგებლობის ზომა შესაძლებელია მოეხსნას სამთავრობო დაწესებულების ხელმძღვანელის ინდივიდუალური ადმინისტრაციულ-სამართლებრივი აქტი