1. სამხედრო მოსამსახურეს დისციპლინური გადაცდომისათვის დისციპლინური პასუხისმგებლობის ზომის ან ღირსეული საქციელისათვის წახალისება შეეფარდება ამ წესდებით დადგენილი წესის მიხედვით.
2. სამხედრო დისციპლინასთან დაკავშირებული საქმეების წარმოება ხორციელდება ამ წესდებითა და კანონმდებლობის ზუსტი დაცვით.
3. უფლებამოსილი დაწესებულებები და თანამდებობის პირები დისციპლინური პასუხისმგებლობის ზომებს ან წახალისებებს შეუფარდებენ მათი კომპეტენციის ფარგლებში, კანონმდებლობის ზუსტი დაცვით.
4. სამხედრო მოსამსახურეს არ შეიძლება შეეფარდოს რამდენიმე დისციპლინური პასუხისმგებლობის ზომა ან წახალისება ერთი და იმავე ქმედებისთვის.
5. დისციპლინური პასუხისმგებლობის ზომის ან წახალისების შეფარდებისას კანონმდებლობის დაცვას უზრუნველყოფს ზემდგომი უწყებების (თანამდებობის პირთა) მხრიდან სისტემატური კონტროლი, გასაჩივრების უფლება და კანონმდებლობით დადგენილი სხვა საშუალებები