ევროპის რეკონსტრუქციისა და განვითარების ბანკის დაფინანსებით მიმდინარე „ჯვარი ხორგა ელექტროგადამცემი ხაზის“ პროექტის განხორციელებისას, ეკონომიის შედეგად მიღებული საკრედიტო რესურსის გამოყენების შესახებ

საქართველოს მთავრობის

განკარგულება №2242

2014 წლის 10 დეკემბერი

ქ. თბილისი

ევროპის რეკონსტრუქციისა და განვითარების ბანკის დაფინანსებით მიმდინარე „ჯვარი ხორგა ელექტროგადამცემი ხაზის“ პროექტის განხორციელებისას, ეკონომიის შედეგად მიღებული საკრედიტო რესურსის გამოყენების შესახებ

1. მიღებულ იქნ ე ს ცნობად საქართველოს ფინანსთა სამინისტროს ინფორმაცია,ევროპის რეკონსტრუქციისა და განვითარების ბანკის დაფინანსებით მიმდინარე „ჯვარი ხორგა ელექტროგადამცემი ხაზის“ პროექტის განხორციელებისას ეკონომიის შედეგად მიღებული საკრედიტო რესურსის ქვესადგური „ზესტაფონი 500“-სათვის რეგულირებადი რეაქტორისა და ქვესადგური „მარნეული 220“-სათვის ავტოტრანსფორმატორის შესასყიდად გამოყენების თაობაზე .

2. ამ განკარგულების პირველი პუნქტით გათვალისწინებული შესყიდვის განხორციელების მიზნით, საქართველოს ფინანსთა სამინისტრომ აწარმოოს კონსულტაციები ევროპის რეკონსტრუქციისა და განვითარების ბანკთან საქართველოსა და ევროპის რეკონსტრუქციისა და განვითარების ბანკს (EBRD) შორის 2013 წლის 25 ოქტომბერს გაფორმებულ სასესხო ხელშეკრულებაში („ჯვარი ხორგა ელექტროგადამცემი ხაზის“ პროექტი) შესაბამისი ცვლილებების განსახორციელებლად.

პრემიერ-მინისტრი                                         ი . ღარიბაშვილი