ზოგიერთი საჯარო სამართლის იურიდიული პირის ბიუჯეტის, საშტატო ნუსხისა და სახელფასო ფონდის შეთანხმების მიზნით გასატარებელი ღონისძიებების თაობაზე

საქართველოს მთავრობის

დადგენილება №726

2014 წლის 26 დეკემბერი

ქ.თბილისი

1. „საჯარო სამართლის იურიდიული პირის შესახებ“ საქართველოს კანონის მე-12 მუხლის მე-4 პუნქტით გათვალისწინებულმა საჯარო სამართლის იურიდიულმა პირებმა ყოველწლიურად მათი ბიუჯეტების, საშტატო ნუსხებისა და სახელფასო ფონდის საქართველოს მთავრობასთან შეთანხმება უზრუნველყონ თანდართული ფორმით (დანართი №1), არა უგვიანეს შესაბამისი წლის 1 თებერვლისა, საქართველოს ფინანსთა სამინისტროს წინასწარი წერილობითი თანხმობით.

2. „საჯარო სამართლის იურიდიული პირის შესახებ“ საქართველოს კანონის მე-12 მუხლის მე-4 პუნქტით გათვალისწინებული საჯარო სამართლის იურიდიული პირები უფლებამოსილნი არიან, ამ მუხლის  პირველი პუნქტით გათვალისწინებულ ვადებში შესაბამისი ღონისძიებების განხორციელებამდე, ხარჯვა განახორციელონ საქართველოს პარლამენტისათვის შესაბამისი წლის სახელმწიფო ბიუჯეტის პროექტთან ერთად წარდგენილი პარამეტრების ფარგლებში, ან/და საქართველოს კანონმდებლობით დადგენილი წესით, სახელმწიფო კონტროლის განმახორციელებელ ორგანოსთან (ასეთის არსებობის შემთხვევაში) შეთანხმებული წლიური ბიუჯეტების, საშტატო ნუსხებისა და სახელფასო ფონდის საფუძველზე,

3. „საჯარო სამართლის იურიდიული პირის შესახებ“ საქართველოს კანონის მე-12 მუხლის მე-4 პუნქტით გათვალისწინებული საჯარო სამართლის იურიდიული პირები, საქართველოს მთავრობის მიერ მათი ბიუჯეტების შეთანხმებამდე, უფლებამოსილნი არიან, განახორციელონ წლიური სახელმწიფო შესყიდვები „სახელმწიფო შესყიდვების შესახებ“ საქართველოს კანონით დადგენილი წესით უწყვეტ მომსახურებებზე, ასევე, ორგანიზაციის ფუნქციონირებისათვის სხვა აუცილებელ შესყიდვის ობიექტებზე.

ა) შეთანხმებული ბიუჯეტის ცვლილება დონორებიდან მიღებული დაფინანსების ფარგლებში;

ბ) შეთანხმებული ბიუჯეტის ცვლილება საბიუჯეტო სახსრების ნაწილში;

გ) შეთანხმებული ბიუჯეტის საბიუჯეტო კლასიფიკაციის მუხლებს შორის ცვლილება კანონმდებლობით ნებადართული (საკუთარი) შემოსავლების ფარგლებში, თუ აღნიშნული ცვლილებები ჯამურად არ აღემატება შეთანხმებული ბიუჯეტის 10%-ს ან/და არ ზრდის შრომის ანაზღაურების მუხლს, ხოლო თუ ცვლილებები აღემატება შეთანხმებული ბიუჯეტის 10%-ს ან/და ზრდის შრომის ანაზღაურების მუხლს, ცვლილება შესაძლებელია, განხორციელდეს მხოლოდ საქართველოს ფინანსთა სამინისტროს თანხმობით;

დ) საშტატო ნუსხის და სახელფასო ფონდის ცვლილება, თუ იგი არ იწვევს თანამდებობრივი სარგოს ერთი თვის ფონდის ზრდას ან/და შრომის ანაზღაურების წლიური ფონდის ზრდას, ხოლო თუ იგი იწვევს თანამდებობრივი სარგოს ერთი თვის ფონდის ზრდას ან/და შრომის ანაზღაურების წლიური ფონდის ზრდას, ცვლილება შესაძლებელია, განხორციელდეს მხოლოდ საქართველოს ფინანსთა სამინისტროს თანხმობით.