„საერთაშორისო მნიშვნელობის მცხეთა-სტეფანწმინდა-ლარსის (რუსეთის ფედერაციის საზღვარი) საავტომობილო გზის კმ134-კმ135 მონაკვეთზე (დარიალის ხეობა) განვითარებული სტიქიური მოვლენების შედეგების სალიკვიდაციო დროებითი ღონისძიებების შესახებ“ საქართველოს მთავრობის 2014 წლის 26 აგვისტოს №1495 განკარგულებაში ცვლილების შეტანის თაობაზე

საქართველოს მთავრობის

განკარგულება №2535

2014 წლის 29 დეკემბერი

ქ. თბილისი

 „საერთაშორისო  მნიშვნელობის  მცხეთა-სტეფანწმინდა-ლარსის  (რუსეთის ფედერაციის საზღვარი)  საავტომობილო გზის კმ134-კმ135 მონაკვეთზე (დარიალის ხეობა) განვითარებული სტიქიური მოვლენების შედეგების სალიკვიდაციო დროებითი ღონისძიებების შესახებ“ საქართველოს მთავრობის 2014 წლის 26 აგვისტოს №1495 განკარგულებაში ცვლილების შეტანის თაობაზე

    საქართველოს ზოგადი  ადმინისტრაციული  კოდექსის 63–ე მუხლის შესაბამისად, „საერთაშორისო მნიშვნელობის მცხეთა-სტეფანწმინდა-ლარსის (რუსეთის ფედერაციის საზღვარი) საავტომობილო გზის კმ134-კმ135 მონაკვეთზე (დარიალის ხეობა) განვითარებული სტიქიური მოვლენების შედეგების სალიკვიდაციო დროებითი ღონისძიებების შესახებ“  საქართველოს  მთავრობის  2014 წლის 26 აგვისტოს №1495 განკარგულებაში შეტანილ იქნეს  ცვლილება და განკარგულების:

  ა) პირველი პუნქტი ჩამოყალიბდეს შემდეგი რედაქციით:

  „1. საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებულმა სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა (შემდგომში - დეპარტამენტი) 2014 წლის 20 აგვისტოს საერთაშორისო მნიშვნელობის მცხეთა–სტეფანწმინდა–ლარსის (რუსეთის ფედერაციის საზღვარი) საავტომობილო გზის კმ134–კმ135 მონაკვეთზე განვითარებული სტიქიური მოვლენების შედეგების სალიკვიდაციო დროებითი  ღონისძიებების  განხორციელების  მიზნით, უზრუნველყოს:

  ა) 2014-2015 წლებში საერთაშორისო მნიშვნელობის მცხეთა-სტეფანწმინდა-ლარსის (რუსეთის ფედერაციის საზღვარი) საავტომობილო გზის კმ134-კმ135 მონაკვეთზე განვითარებული სტიქიური მოვლენების შედეგების სალიკვიდაციო დროებითი ღონისძიებების განხორციელებისათვის საჭირო სამუშაოების შესყიდვა, საქართველოს რეგიონული განვითარებისა და ინფრასტრუქტურის სამინისტროსათვის 100%–იანი წილის მართვის უფლებით გადაცემული შპს „სახელმწიფო სამშენებლო კომპანიისაგან“  (შემდგომში – კომპანია);

  ბ) ამ პუნქტის „ა“ ქვეპუნქტით გათვალისწინებულ სამუშაოებთან დაკავშირებული საპროექტო მომსახურების შესყიდვა 2014 წელს, ხოლო საზედამხედველო  მომსახურების  შესყიდვა  - 2014-2015  წლებში;

  გ) „საქართველოს საავტომობილო გზების საგზაო სამუშაოების კლასიფიკაციის ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 10 ივლისის №172 დადგენილებით დამტკიცებული ტექნიკური რეგლამენტის მე-14 მუხლის საფუძველზე, ამ პუნქტის „ა“ ქვეპუნქტით გათვალისწინებული  სალიკვიდაციო სამუშაოების განხორციელება პროექტირების პარალელურ რეჟიმში, ეტაპობრივად, შეთანხმებული საპროექტო დოკუმენტაციის შესაბამისად.“;

  ბ) მე–3 პუნქტი ჩამოყალიბდეს შემდეგი რედაქციით:

  „3. ამ განკარგულების პირველი პუნქტის „ა“ და „ბ“ ქვეპუქტებით გათვალისწინებული ღონისძიებების დაფინანსება განხორციელდეს საქართველოს მთავრობის 2014 წლის 22 მაისის №907 განკარგულების საფუძველზე, დეპარტამენტისთვის   გამოყოფილი  5 460 000 (ხუთი მილიონ ოთხას სამოცი ათასი) ლარიდან დარჩენილი, აუთვისებელი სახსრებით.“;

 გ) მე-4  პუნქტის  შემდეგ  დაემატოს  შემდეგი  შინაარსის მე-5 პუნქტი:

 „5. დეპარტამენტმა, ამ განკარგულების პირველი პუნქტის „ა“ და „ბ“ ქვეპუნქტებით განსაზღვრული, 2015 წელს განსახორციელებელი სამუშაოებისა და საზედამხედველო მომსახურების დაფინანსება განახორციელოს მისთვის შესაბამისი წლის ბიუჯეტით გათვალისწინებული ასიგნებების ფარგლებში.“.

პრემიერ-მინისტრი   ი.ღარიბაშვილი