„საქართველოს შინაგან საქმეთა სამინისტროს მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №990 ბრძანებაში ცვლილების შეტანის თაობაზე
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
|
საქართველოს შინაგან საქმეთა მინისტრის ბრძანება №212 |
|
2015 წლის 23 მარტი ქ. თბილისი |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ: |
| მუხლი 1 |
„საქართველოს შინაგან საქმეთა სამინისტროს მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №990 ბრძანებაში (სსმ, ვებგვერდი, 31/12/13, სარეგისტრაციო კოდი: 140130000.22.034.016241) შეტანილ იქნეს ცვლილება და №71 დანართი ჩამოყალიბდეს თანდართული რედაქციით. |
| მუხლი 2 |
ბრძანება ამოქმედდეს გამოქვეყნებისთანავე.
|
|
📎 დანართები (1)
plansheti.docx ⬇
დანართი №71
სამინისტროს მმართველობის სფეროში მოქმედი საჯარო სამართლის იურიდიული პირის - საგანგებო სიტუაციების მართვის სააგენტოს (დეპარტამენტი) მოსამსახურეთა (პოლიციელთა) ფორმის ტანსაცმელი და ატრიბუტიკა
პლანშეტი 1
ზაფხულის სააღლუმო ფორმა – მუქი ლურჯი ფერის შარვალი; მუქი ლურჯი წინაფრიანი ქუდი; გრძელსახელოებიანი თეთრი პერანგი; შავი ჰალსტუხი; აქსელბანდი. წოდების შესაბამისი ატრიბუტიკა და ფურნიტურა.
ზაფხულის გამოსასვლელი ფორმა – მუქი ლურჯი ფერის შარვალი; მუქი ლურჯი წინაფრიანი ქუდი; მოკლესახელოებიანი პირისფერი პერანგი გახსნილი საყელოთი; თეთრი მაისური;წოდების შესაბამისი ატრიბუტიკა და ფურნიტურა.
პლანშეტი 2
საგაზაფხულო-საშემოდგომო სააღლუმო ფორმა – მუქი ლურჯი ფერის შარვალი; მუქი ლურჯი პიჯაკი (ფრენჩი); მუქი ლურჯი წინაფრიანი ქუდი; თეთრი პერანგი: შავი ჰალსტუხი; აქსელბანდი. წოდების შესაბამისი ატრიბუტიკა და ფურნიტურა.
საგაზაფხულო-საშემოდგომო გამოსასვლელი ფორმა – მუქი ლურჯი ფერის შარვალი; მუქი ლურჯი პიჯაკი (ფრენჩი); მუქი ლურჯი წინაფრიანი ქუდი; პირისფერი პერანგი; შავი ჰალსტუხი. წოდების შესაბამისი ატრიბუტიკა და ფურნიტურა.
პლანშეტი 3
ზაფხულის სააღლუმო ფორმა – მუქი ლურჯი ფერის შავი ფერის ქვედა კაბა; მუქი ლურჯი კეპი: მოკლესახელოებიანი თეთრი პერანგი; შავი ჰალსტუხი; აქსელბანდი. წოდების შესაბამისი ატრიბუტიკა და ფურნიტურა.
ზაფხულის გამოსასვლელი ფორმა – მუქი ლურჯი ფერის ქვედა კაბა; მუქი ლურჯი კეპი: მოკლესახელოებიანი პირისფერი პერანგი გახსნილი საყელოთი; თეთრი მაისური; წოდების შესაბამისი ატრიბუტიკა და ფურნიტურა.
პლანშეტი 4
საგაზაფხულო-საშემოდგომო სააღლუმო ფორმა – მუქი ლურჯი ფერის ქვედა კაბა; მუქი ლურჯი პიჯაკი (ფრენჩი); მუქი ლურჯი კეპი; თეთრი პერანგი: შავი ჰალსტუხი; აქსელბანდი.
წოდების შესაბამისი ატრიბუტიკა და ფურნიტურა.
საგაზაფხულო-საშემოდგომო გამოსასვლელი ფორმა – მუქი ლურჯი ფერის ქვედა კაბა; მუქი ლურჯი კეპი: პირისფერი პერანგი: შავი ჰალსტუხი. წოდების შესაბამისი ატრიბუტიკა და ფურნიტურა.
სამკლავური ემბლემა – სტილიზებული შავი ფარი გარშემოკრული ოქროსფერი (ყვითელი) კანტით; ფარის შავ ველზე გამოსახულია შსს სსიპ – საგანგებო სიტუაციების მართვის სააგენტოს სტილიზებული ემბლემა. შევრონის კომპოზიციის ზედა ნაწილში არის ოქროსფერი (ყვითელი) წარწერა ქართულ ენაზე: „საქართველო“.
1. ემბლემა – მრგვალ ჰერალდიკურ ფარზე – მაშველთა საერთაშორისო სიმბოლოზე, ორანჟზე ლურჯი სამკუთხედი; გამოსახულია საქართველოს შინაგან საქმეთა სამინისტროს ემბლემა. ფარს გარს აკრავს ლურჯი ოქროსკანტებიანი არშია ოქროსფერი წარწერებით – „სსიპ საგანგებო სიტუაციების მართვის სააგენტო“; „შსს“, რომლებიც ერთმანეთისგან გამოიყოფა ორი ოქროსფერი ჰერალდიკური ჯვრით.
2. დროშა – წარმოადგენს ოთხკუთხა ლაჟვარდისფერ (ლურჯი) მატერიას, პროპორციით – 2/3. დროშის კანტონში ზედა მარჯვენა კუთხეში, თეთრ კვადრატზე გამოსახულია მეწამული ჰერალდიკური ჯვარი – წმ. გიორგის სიმბოლო, მარცხენა ნაწილში – სააგენტოს ემბლემა.