საქართველოს ადმინისტრაციულ სამართალდარღვევათა კოდექსის 1963, 1966, 1971 მუხლებით გათვალისწინებული სამართალდარღვევისათვის ბოლნისის მუნიციპალიტეტის გამგეობის სამხედრო აღრიცხვის, გაწვევისა და მობილიზაციის სამსახურის მიერ ადმინისტრაციული სამართალდარღვევის ოქმის გამოყენებისა და აღრიცხა-ანგარიშგების წესის დამტკიცების შესახებ

✨ ჰკითხე AI-ს ამ კანონის შესახებ

მუნიციპალიტეტის საკრებულოს დადგენილება მოქმედი ადგილობრივი მმართველობა სამხედრო ბოლნისი

მიღების თარიღი

20.07.2015

გამომცემი ორგანო

ბოლნისის მუნიციპალიტეტი

ნომერი

№39

სარეგისტრაციო კოდი

010250050.35.158.016247

გამოქვეყნების წყარო

matsne.gov.ge , 22/07/2015

🧬 მსგავსი 10

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

ბოლნისის მუნიციპალიტეტის საკრებულოს

დადგენილება №39

2015 წლის 20 ივლისი

ქ. ბოლნისი

საქართველოს ადმინისტრაციულ სამართალდარღვევათა კოდექსის 196³, 196⁶, 197¹ მუხლებით გათვალისწინებული სამართალდარღვევისათვის ბოლნისის მუნიციპალიტეტის გამგეობის სამხედრო აღრიცხვის, გაწვევისა და მობილიზაციის სამსახურის მიერ ადმინისტრაციული სამართალდარღვევის ოქმის გამოყენებისა და აღრიცხვა-ანგარიშგების წესის დამტკიცების შესახებ

საქართველოს ორგანული კანონის „ადგილობრივი თვითმმართელობის კოდექსი“ 61-ე მუხლის მე-2 პუნქტის, 239-ე მუხლის 67-ე ნაწილის და 240-ე მუხლის, საქართველოს კანონის „სამხედრო ვალდებულებისა და სამხედრო სამსახურის შესახებ“ მე-5¹ და მე-7 მუხლების, საქართველოს კანონის ,,ნორმატიული აქტების შესახებ“ მე-20 მუხლის, „მკაცრი აღრიცხვის ფორმების შესახებ“ საქართველოს კანონის მე-8 მუხლისა და „მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“ საქართველოს ფინანსთა მინისტრის 2005 წლის 2 აგვისტოს №669 ბრძანების გათვალისწინებით, ბოლნისის მუნიციპალიტეტის საკრებულო ადგენს:

მუხლი 1

ა) დამტკიცდეს „საქართველოს ადმინისტრაციულ სამართალდარღვევათა კოდექსის 196³, 196⁶, 197¹ მუხლებით გათვალისწინებული სამართალდარღვევისათვის ბოლნისის მუნიციპალიტეტის გამგეობის სამხედრო აღრიცხვის, გაწვევისა და მობილიზაციის სამსახურის მიერ ადმინისტრაციული სამართალდარღვევის ოქმის გამოყენებისა და აღრიცხვა-ანგარიშგების წესი“ (დანართი 1);

ბ) დამტკიცდეს ,, ადმინისტრაციული სამართალდარღვევის ოქმის ფორმა“ (დანართი 2);

გ) დამტკიცდეს „ადმინისტრაციული სამართალდარღვევის ოქმის აღრიცხვის ჟურნალი“ (დანართი 3);

დ) დამტკიცდეს „ადმინისტრაციული სამართალდარღვევის ოქმის სარეგისტრაციო ჟურნალი“ (დანართი 4);

ე) დამტკიცდეს ,,გამოსაყენებლად უვარგისი საჯარიმო ქვითრების – ადმინისტრაციულ სამართალდარღვევათა ოქმების ჩამოწერის აქტის“ ფორმა (დანართი 5).

მუხლი 2

დადგენილება ამოქმედდეს გამოქვეყნებისთანავე.

ბოლნისის მუნიციპალიტეტის საკრებულოს თავმჯდომარე		თამაზ ჟორჟოლიანი

დანართი 1

საქართველოს ადმინისტრაციულ სამართალდარღვევათა კოდექსის 196³, 196⁶, 197¹ მუხლებით გათვალისწინებული სამართალდარღვევისთვის ბოლნისის მუნიციპალიტეტის გამგეობის სამხედრო აღრიცხვის, გაწვევისა და მობილიზაციის სამსახურის მიერ ადმინისტრაციული სამართალდარღვევის ოქმის გამოყენებისა და აღრიცხვა-ანგარიშგების წესი

მუხლი 1. წესის რეგულირების საგანი

წინამდებარე წესი, საქართველოს ადმინისტრაციულ სამართალდარღვევათა კოდექსის, „მკაცრი აღრიცხვის ფორმების შესახებ“ საქართველოს კანონისა და სხვა მოქმედი ნორმატიული აქტების მიხედვით, განსაზღვრავს საქართველოს ადმინისტრაციულ სამართალდარღვევათა კოდექსის 196³, 196⁶, 197¹ მუხლებით გათვალისწინებული ადმინისტრაციული სამართალდარღვევის გამოვლენის, ადმინისტრაციული სამართალდარღვევის ოქმის შევსების, ჩაბარების, წარმოების, აღრიცხვა-ანგარიშგების სამართლებრივ მექანიზმებს.

მუხლი 2. ადმინისტრაციული სამართალდარღვევის ოქმი

1. ადმინისტრაციული სამართალდარღვევის ოქმი მზადდება ბოლნისის მუნიციპალიტეტის გამგეობის (შემდგომში – სამართალსუბიექტი) შეკვეთის საფუძველზე, „მკაცრი აღრიცხვის ფორმების შესახებ“ საქართველოს კანონის თანახმად, შერჩეულ პოლიგრაფიულ საწარმოში.
2. სამართალსუბიექტი მკაცრი აღრიცხვის ფორმებით მომარაგებას ახორციელებს დამოუკიდებლად.
3. ადმინისტრაციულ სამართალდარღვევათა ოქმის ბოლოს გვერდის უკანა კუთხეში დაიტანება ადმინისტრაციულ სამართალდარღვევათა ოქმის დამამზადებელი პოლიგრაფიული საწარმოს და დამკვეთის სახელწოდება ინიციალებით, რეგისტრაციის ნომერი და ინდივიდუალური ნომერი ( არანაკლებ 6 ციფრისა ).
4. ადმინისტრაციულ სამართალდარღვევათა ოქმის დამცავ ნიშნად გამოყენებული იქნას ოქმის ზედა მარცხენა კუთხეში (დამკვირვებლის პოზიციიდან) განთავსებული მცირე სახელმწიფო გერბი და ზედა მარჯვენა კუთხეში (დამკვირვებლის პოზიციიდან) განთავსებული ბოლნისის მუნიციპალიტეტის გერბი.
5. პოლიგრაფიული საწარმოდან ოქმების გამოტანის უფლება აქვს პირს, რომელსაც გააჩნია სათანადოდ გაფორმებული მინდობილობა.
6. ოქმები გაიცემა ბოლნისის მუნიციპალიტეტის გამგეობის წერილობითი მოთხოვნის საფუძველზე.

მუხლი 3. ადმინისტრაციულ სამართალდარღვევათა ოქმის შედგენაზე უფლებამოსილი საჯარო მოხელეები

ადმინისტრაციული სამართალდარღვევის ოქმის შედგენაზე უფლებამოსილნი არიან ბოლნისის მუნიციპალიტეტის გამგეობის (შემდგომში – სამართალსუბიექტი) სამხედრო აღრიცხვის, გაწვევისა და მობილიზაციის სამსახურის საჯარო მოსამსახურეები (შემდგომში – საჯარო მოხელე).

მუხლი 4. ადმინისტრაციული სამართალდარღვევის ოქმის შევსება და მისი შინაარსი

1. ადმინისტრაციული სამართალდარღვევის ოქმი ივსება საქართველოს ადმინისტრაციულ სამართალდარღვევათა კოდექსის 196³, 196⁶, 197¹ მუხლებით გათვალისწინებულ შემთხვევებში, საამისოდ უფლებამოსილი საჯარო მოხელის მიერ.

2. ოქმი ივსება ლურჯი ან შავი ბურთულიანი კალმით. ოქმში ყველა ჩანაწერი კეთდება გარკვევით. დაუშვებელია გადახაზვა, გადაფხეკა, გადაშლა და ა.შ. ადმინისტრაციული სამართალდარღვევის ოქმის დაზიანების ან მასში არასწორი მონაცემების შეტანის შემთხვევაში ივსება ახალი ოქმი. ძველი გადაიხაზება ჯვარედინად, რომელსაც ოქმის შემვსები მოხსენებითი ბარათით, გაუქმების მიზეზის მითითებით აბარებს ოქმის გაცემაზე პასუხისმგებელ პირს.

3. ადმინისტრაციულ სამართალდარღვევათა ოქმში შეიტანება:

ა) ოქმის შედგენის თარიღი და ადგილი;

ბ) ოქმის შემდგენი პირის თანამდებობა, სახელი, გვარი;

გ) მონაცემები დამრღვევის შესახებ;

დ) ადმინისტრაციულ სამართალდარღვევის ჩადენის ადგილი, დრო და არსი;

ე) ნორმატიული აქტი, რომელიც ითვალისწინებს პასუხისმგებლობას სამართალდარღვევისათვის;

ვ) მოწმეთა ან/და დაზარალებულთა სახელები, გვარები და მისამართები, ასეთის არსებობის შემთხვევაში;

ზ) შემდგენელისა და სამართალდამრღვევის ხელმოწერები.

4. ოქმს ხელს აწერს მისი შემდგენელი და ადმინისტრაციული სამართალდარღვევის ჩამდენი. თუ არიან მოწმეები და დაზარალებულნი, ოქმს შეიძლება ხელი მოაწერონ ამ პირებმაც.

5. იმ შემთხვევაში, თუ სამართალდარღვევის ჩამდენი უარს იტყვის ოქმზე ხელმოწერაზე, ოქმში კეთდება სათანადო ჩანაწერი. სამართალდარღვევის ჩამდენ პირს უფლება აქვს წარადგინოს ოქმისათვის დასართავი ახსნა-განმარტებები და შენიშვნები ოქმის შინაარსის გამო, აგრეთვე ჩამოაყალიბოს მის ხელმოწერაზე უარის თქმის მოტივები. ოქმის შედგენისას დამრღვევს უნდა განემარტოს ადმინისტრაციულ სამართალდარღვევათა კოდექსის 252-ე მუხლით გათვალისწინებული მისი უფლებები და მოვალეობანი, რაც ასევე აღინიშნება ოქმში.

6. ადმინისტრაციულ სამართალდარღვევათა ოქმი დგება სამ ეგზემპლარად. შედგენილი ოქმის ერთი ეგზემპლარი ყველა დანართით გადაეცემა დამრღვევს, რაზედაც ადმინისტრაციულ სამართალდარღვევათა ოქმში კეთდება სათანადო ჩანაწერი. ოქმის მეორე ეგზემპლარი რჩება უფლებამოსილ პირთან, ხოლო მესამე ეგზემპლარი იგზავნება სასამართლოში.

7. ოქმი, მისი შედგენიდან არაუგვიანეს მეორე სამუშაო დღისა, რეგისტრირებული უნდა იქნეს ადმინისტრაციული სამართალდარღვევის სარეგისტრაციო ჟურნალში (სპეციალურად ზონარგაყრილ და დანომრილ წიგნში) და შემდგომი რეაგირებისათვის დაუყოვნებლივ უნდა გადაეგზავნოს იმ ორგანოს (სასამართლოს), რომელიც უფლებამოსილია განიხილოს ადმინისტრაციული სამართალდარღვევის საქმე.

მუხლი 5. ადმინისტრაციულ სამართალდარღვევათა ოქმის აღრიცხვა-ანგარიშგება

1. ადმინისტრაციულ სამართალდარღვევათა ოქმის გამოყენება და აღრიცხვა-ანგარიშგება ხორციელდება „მკაცრი აღრიცხვის ფორმების შესახებ“ საქართველოს კანონის მოთხოვნათა დაცვით.
2. ადმინისტრაციულ სამართალდარღვევათა ოქმის ბლანკები უნდა ინახებოდეს ცეცხლგამძლე სეიფში ან კარადაში.
3.სამართალსუბიექტის მიერ ადმინისტრაციულ სამართალდარღვევათა ოქმის აღრიცხვისა და გაცემისთვის ინიშნება პასუხის მგებელი პირი.
4. თანამშრომლისთვის ადმინისტრაციულ სამართალდარღვევათა ოქმების ბლანკის გაცემა ხორციელდება სამხედრო აღრიცხვის, გაწვევისა და მობილიზაციის სამსახურის ოქმის აღრიცხვასა და გაცემაზე პასუხისმგებელი პირის მიერ. ადმინისტრაციულ სამართალდარღვევათა ოქმების გაცემა აღირიცხება ადმინისტრაციულ სამართალდარღვევათა ოქმის აღრიცხვის ჟურნალში.
5. ადმინისტრაციული სამართალდარღვევის გამოვლენისას შედგენილი ადმინისტრაციულ სამართალდარღვევათა ოქმი ფიქსირდება ადმინისტრაციული სამართალდარღვევის ოქმის სარეგისტრაციო ჟურნალში.
6. ამ მუხლის მეხუთე და მეექვსე პუნქტებით განსაზღვრული ჟურნალების ფურცლები ინომრება რიგითობის მიხედვით. ჟურნალის გარეკანი და ფურცლები უნდა იქნეს ზონარგაყრილი. ამასთან, ზონარის კვანძზე ეკვრება ეტიკეტი, რომელიც სამხედრო აღრიცხვის, გაწვევისა და მობილიზაციის სამსახურის უფროსის ხელმოწერითა და ბეჭდით.
7. ჟურნალებში ყველა ჩანაწერი კეთდება ლურჯი ან შავი ბურთულიანი კალმით.
8. ჟურნალში არ დაიშვება ჩანაწერის გადაფხეკა, ჩასწორება ან ადრე გაკეთებული ჩანაწერების ჩასწორება და მოშორება კორექტორის მეშვეობით. უზუსტო ჩანაწერი გადაიხაზება ერთი ხაზით ისე, რომ ნათლად ჩანდეს ადრე დაწერილი ტექსტი, ახალი ჩანაწერი კეთდება ჟურნალის იმავე გრაფაში, ხოლო გრაფაში „შენიშვნა“ აღრიცხვის მწარმოებელი პასუხისმგებელი პირი აკეთებს შესაბამის ჩანაწერს.
9. იმ შემთხვევაში, თუ კალენდარული წლის განმავლობაში წარმოებული საქმეების რეგისტრაციისთვის ერთი ჟურნალი აღმოჩნდება არასაკმარისი, იხსნება ახალი ჟურნალი, რომელიც წარმოადგენს პირველის გაგრძელებას.
10. ჟურნალში ჩანაწერი ინომრება კალენდარული წლის ფარგლებში.

მუხლი 6. გამოსაყენებლად უვარგისი ადმინისტრაციულ სამართალდარღვევათა ოქმების ჩამოწერა

1. გამოსაყენებლად უვარგისი ადმინისტრაციულ სამართალდარღვევათა ოქმების ჩამოწერა შეიძლება:
ა) შევსების დროს დაშვებული შეცდომის გამო;
ბ) ადმინისტრაციული სამართალდარღვევის ოქმის ფიზიკური დაზიანების გამო;
გ) მოქმედი სამართლებრივი აქტებით გათვალისწინებულ სხვა შემთხვევებში.
2. გამოსაყენებლად უვარგისი ადმინისტრაციულ სამართალდარღვევათა ოქმები ჩამოიწერება აქტით.
3. გამოსაყენებლად უვარგისი მკაცრი აღრიცხვის ფორმების უტილიზაცია ხორციელდება საქართველოს კანონმდებლობით დადგენილი წესით.

მუხლი 7. ვადების ათვლა

წინამდებარე წესით განსაზღვრული ვადების ათვლისას გამოიყენება საქართველოს მოქმედი კანონმდებლობით დადგენილი მოთხოვნები

დანართი 2

ადმინისტრაციული სამართალდარღვევის ოქმი №

1.___________________________________ 2.___________________________________________
შედგენის თარიღი (რიცხვი, თვე, წელი) შედგენის ადგილი
3.__________________________________________________________________________________
ოქმის შემდგენლის თანამდებობა, სახელი, გვარი

4.დამრღვევი: ა) პირადობის დამადასტურებელი დოკუმენტის № ____________ბ) პირადი №______________
გ) სახელი __________ დ) გვარი ____________________ ე) დაბადების თარიღი ________________
ვ) მისამართი ___________________________ ზ) სამუშაო ადგილი ____________________________
5.სამართალდარღვევის ადგილი, დრო და არსი: ___________________________________________

6.ადმინისტრაციულ სამართალდარღვევათა კოდექსის მუხლი_____________ნაწილი____________ქვეპუნქტი__________________
7.მოწმის სახელი, გვარი და მისამართი: _____________________________
___________________________________________________________________________
8.დაზარალებულის სახელი, გვარი და მისამართი: _________________________________
_____________________________________________________________________________
9.ოქმს თან ერთვის: _____________________________________________________________
______________________________________________________________________________
მოწმე: ________________________________________________________________________

დაზარალებული:___________________________________________
                                                   ხელმოწერა
ოქმის შემდგენელი: _________________________________________________________________
                                                                ხელმოწერა
სამართალდამრღვევი:______________________________________________________________
ხელმოწერა ან ხელმოწერაზე უარის აღნიშვნა

ოქმის შედგენისას დამრღვევს განემარტა საქართველოს ადმინისტრაციულ სამართალდარღვევათა

კოდექსის 252-ე მუხლით გათვალისწინებული მისი უფლებები და მოვალეობები:

„ადმინისტრაციულ პასუხისგებაში მიცემულ პირს უფლება აქვს გაეცნოს საქმის მასალებს,

მისცეს ახსნა-განმარტებანი, წარადგინოს მტკიცებულებანი, განაცხადოს შუამდგომლობანი;

საქმის განხილვისას ისარგებლოს ადვოკატის იურიდიული დახმარებით; გამოვიდეს მშობლიურ

ენაზე და თუ არ იცის მიმდინარე წარმოების ენა, ისარგებლოს თარჯიმნის მომსახურებით;

გაასაჩივროს საქმის გამო მიღებული დადგენილება.

დამკვეთი:

დამამზადებელი:

სფს-ს რეგისტრაციის №

დანართი 3

ადმინისტრაციული სამართალდარღვევის ოქმის აღრიცხვის ჟურნალი

z №	გაცემის თარიღი	ადმინისტრაციული სამართალდარღვევის ოქმი	გაცემული ადმინისტრაციული სამართალდარღვევის ოქმის რაოდენობა	ოქმის გაცემაზე პასუხისმგებელი პირის ხელმოწერა	ოქმის მიმღების თანამდებობა, გვარი, სახელი	ხელმოწერა მიღებაზე	გამოსაყენებლად უვარგისი ადმინისტრაციული სამართალდარღვევის ოქმის ნომერი
№-დან	№-ის ჩათვლით
1	2	3	4	5	6	7	8	9

დანართი 4

ადმინისტრაციული სამართალდარღვევის ოქმის სარეგისტრაციო ჟურნალი

№	ადმინისტრაციული სამართალდარღვევის ოქმის №	ოქმის შედგენის ადგილი და თარიღი	ოქმის შემდგენლის გვარი, სახელი თანამდებობა	სამართალდამრღვევი პირის მონაცემები	სამართალდარღვევის ჩადენის არსი (მიეთითოს საქართველოს ადმინისტრაციულ სამართალდარღვევათა კოდექსის მუხლი)	გატარებული ღონისძიება	შენიშვნა
1	2	3	4	5	6	7	8

დანართი 5

გამოსაყენებლად უვარგისი ადმინისტრაციული სამართალდარღვევის ოქმის ჩამოწერის ფორმა

ა ქ ტ ი №___

გამოსაყენებლად უვარგისი ადმინისტრაციული სამართალდარღვევის ოქმის ჩამოწერის

შესახებ

ბოლნისის მუნიციპალიტეტის გამგეობის ___ __________________20 წელი

სამხედრო აღრიცხვის, გაწვევისა და მობილიზაციის სამსახური

ადმინისტრაციული სამართალდარღვევის ოქმის №	რაოდენობა	თარიღი	ჩამოწერის საფუძველი	შენიშვნა
1	2	3	4	5

ხელმოწერით ვადასტურებ აქტის მიხედვით წარმოდგენილი უვარგისი ადმინისტრაციულ სამართალდარღვევათა ოქმების ჩამოწერის სისწორეს:

ადმინისტრაციული სამართალდარღვევის ოქმის

აღრიცხვა-ანგარიშებზე

პასუხისმგებელი პირი ________________________________ ______________________

^{(სახელი, გვარი) (ხელმოწერა)}

სამსახურის უფროსი: __________________________________ _____________________

^{(სახელი, გვარი) (ხელმოწერა)}