ლიკვიდირებული სს „საქართველოს საზღვაო ბანკის“ ახლად აღმოჩენილი აქტივის განკარგვის თაობაზე

საქართველოს ეროვნული ბანკის ვიცე -პრეზიდენტის

განკარგულება №46 7

2015 წლის 1 ოქტომბერი

ქ.თბილისი

ლიკვიდირებული სს ,,საქართველოს საზღვაო ბანკის“ ახლად აღმოჩენილი აქტივის განკარგვის თაობაზე

,,საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის ,,ზ“ ქვეპუნქტის, ,,კომერციული ბანკების საქმიანობის შესახებ“ საქართველოს კანონის 37-ე მუხლის მე-10 პუნქტის, საქართველოს ეროვნული ბანკის პრეზიდენტის 2015 წლის 10 მარტის 24/04 ბრძანებით დამტკიცებული ,,კომერციული ბანკის ლიკვიდაციის წესის“ და საქართველოს ეროვნული ბანკის პრეზიდენტის 2013 წლის 27 ივნისის №66/04 ბრძანების საფუძველზე:

1. სს ,,საქართველოს საზღვაო ბანკის“ სს ,,ქობულეთის ჩაის“ აქციები ჩაითვალოს ლიკვიდირებული სს ,,საქართველოს საზღვაო ბანკის“ ახლად აღმოჩენილ აქტივად, რომლის განკარგვის უფლება ენიჭება საქართველოს ეროვნულ ბანკს.

2. საქართველოს ეროვნული ბანკის საბანკო ზედამხედველობის დეპარტამენტის უფროს სპეციალისტს როინ ცაციაშვილს (პირადი №01036002403) მიენიჭოს ამ განკარგულების პირველი პუნქტით გათვალისწინებული აქტივის ამოღებისა და განკარგვის უფლებამოსილება.

3. ეს განკარგულება 10 დღის ვადაში გამოქვეყნდეს ,,საქართველოს საკანონმდებლო მაცნეში“ და საქართველოს ეროვნული ბანკის ოფიციალურ ვებგვერდზე.

4. ამ განკარგულების გასაჩივრება შეიძლება თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დ. აღმაშენებლის ხეივანი, მე-12 კილომეტრი №6).

5. ეს განკარგულება ამოქმედდეს 5 ოქტომბრიდან.

ვიცე-პრეზიდენტი  ოთარ ნადარაია