საქართველოსა და ევროპის საინვესტიციო ბანკს შორის „საქართველო აღმოსავლეთ-დასავლეთის ჩქაროსნული ავტომაგისტრალი II“ ფინანსური ხელშეკრულების ხელმოწერის მიზნით საქართველოს ფინანსთა სამინისტროსათვის თანხმობის მიცემის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №189
2016 წლის 11 თებერვალი
ქ. თბილისი
საქართველოსა და ევროპის საინვესტიციო ბანკს შორის „საქართველო აღმოსავლეთ-დასავლეთის ჩქაროსნული ავტომაგისტრალი II“ ფინანსური ხელშეკრულების ხელმოწერის მიზნით საქართველოს ფინანსთა სამინისტროსათვის თანხმობის მიცემის შესახებ
„სახელმწიფო ვალის შესახებ“ საქართველოს კანონის მე-2 მუხლის 22 პუნქტის შესაბამისად, მიეცეს თანხმობა საქართველოს ფინანსთა სამინისტროს, საქართველოს სახელით დადოს ფინანსური ხელშეკრულება საქართველოსა და ევროპის საინვესტიციო ბანკს შორის „საქართველო აღმოსავლეთ-დასავლეთის ჩქაროსნული ავტომაგისტრალი II“ - პროექტის დაფინანსების მიზნით, 49,45 მილიონი (ორმოცდაცხრა მილიონ ოთხას ორმოცდაათი ათასი) ევროს ოდენობის გამოყოფის შესახებ შემდეგი ფინანსური პირობებით:
| სესხის ოდენობა: | 49 450 000 ევრო; |
| სესხის ხანგრძლივობა: | 30 წელი; |
| მათ შორის, შეღავათიანი პერიოდი: | 5 წელი; |
| სესხის საპროცენტო განაკვეთი (თითოეული ტრანშისთვის განისაზღვრება ტრანშის ჩამორიცხვამდე): | ფიქსირებული საპროცენტო განაკვეთი ან EURIBOR-ზე ან LIBOR-ზე დაფუძნებული ცვლადი საპროცენტო განაკვეთი; |
| საპროცენტო მარჟა (EURIBOR-ზე ან LIBOR-ზე დაფუძნებული, ცვლადი საპროცენტო განაკვეთის შემთხვევაში): | ცვლადი, რომელიც ფიქსირდება თითოეული ტრანშის მიღებისას (EURIBOR-ზე ან LIBOR-ზე დაფუძნებული, ცვლადი საპროცენტო განაკვეთის შემთხვევაში); |
| ადმინისტრირების გადასახდელი: | 50 000 ევრო (ერთჯერადი გადასახდელი). |
პრემიერ - მინისტრი გიორგი კვირიკაშვილი