„საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელ უმაღლეს საგანმანათლებლო პროგრამებზე ჩარიცხვის საქართველოს კანონმდებლობით დადგენილისაგან განსხვავებული წესის და პირობების განსაზღვრის შესახებ“ საქართველოს მთავრობის 2015 წლის 30 იანვრის №19 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ
საქართველოს მთავრობის დადგენილება მოქმედი განათლება განათლება
მიღების თარიღი
18.04.2016
გამომცემი ორგანო
საქართველოს მთავრობა
ნომერი
№183
სარეგისტრაციო კოდი
430020000.10.003.019248
გამოქვეყნების წყარო
matsne.gov.ge , 20/04/2016
📥 მინიშნება 1 🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მთავრობის დადგენილება (1)

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 

საქართველოს მთავრობის

დადგენილება №183

2016 წლის 18 აპრილი

ქ. თბილისი

 

„საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელ უმაღლეს საგანმანათლებლო პროგრამებზე ჩარიცხვის საქართველოს კანონმდებლობით დადგენილისაგან განსხვავებული წესის და პირობების განსაზღვრის შესახებ“ საქართველოს მთავრობის 2015 წლის 30 იანვრის №19 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელ უმაღლეს საგანმანათლებლო პროგრამებზე ჩარიცხვის საქართველოს კანონმდებლობით დადგენილისაგან განსხვავებული წესის და პირობების განსაზღვრის შესახებ“  საქართველოს მთავრობის 2015 წლის 30 იანვრის №19 დადგენილებაში (www.matsne.gov.ge, 02/02/2015, 430020000.10.003.018403) შეტანილ იქნეს ცვლილება და  პირველი მუხლის:

1. პირველი პუნქტი ჩამოყალიბდეს შემდეგი რედაქციით:

 „1. პირი საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელ ბაკალავრიატის უმაღლეს საგანმანათლებლო პროგრამებზე ირიცხება უმაღლესი განათლების შესახებ საქართველოს კანონით დადგენილი წესით, გარდა ამ მუხლის 11 პუნქტით გათვალისწინებული შემთხვევისა.“.

2. პირველი პუნქტის შემდეგ დაემატოს შემდეგი შინაარსის 11 და 12 პუნქტები:

„11. საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელ ბაკალავრიატის უმაღლეს საგანმანათლებლო პროგრამებზე შესაძლებელია ჩარიცხულ იქნენ:

ა) პირები, რომლებსაც საქართველოში სწავლების შედეგად მიღებული აქვთ  საერთაშორისო ბაკალავრიატის დიპლომები (International Baccalaureate (IB) Diploma Programme);

ბ) პირები, რომლებსაც საქართველოში სწავლების შედეგად მიღებული აქვთ საქართველოს კანონმდებლობით დადგენილი წესით არაღიარებული საშუალო განათლების დამადასტურებელი დოკუმენტი იმ დაწესებულებებში, რომლებთანაც სან-დიეგოს სახელმწიფო უნივერსიტეტს გაფორმებული აქვს ურთიერთთანამშრომლობის მემორანდუმი.

12. ამ მუხლის 11 პუნქტით გათვალისწინებულ პირთა შერჩევას და ჩარიცხვას, აგრეთვე საერთაშორისო ბაკალავრიატის დიპლომის (International Baccalaureate (IB) Diploma Programme) ნამდვილობისა და საშუალო განათლების დამადასტურებელი დოკუმენტების შემოწმებას ახორციელებს სან-დიეგოს სახელმწიფო უნივერსიტეტი. სან-დიეგოს სახელმწიფო უნივერსიტეტი შერჩეული და ჩარიცხული პირის მონაცემებს და დოკუმენტაციას წარუდგენს  შესაბამის საქართველოს  უმაღლეს საგანმანათლებლო დაწესებულებას. საქართველოს უმაღლესი საგანმანათლებლო დაწესებულების ხელმძღვანელი ვალდებულია,  მოახდინოს სან-დიეგოს სახელმწიფო უნივერსიტეტის მიერ წარდგენილი პირების ჩარიცხვა. საგანმანათლებლო დაწესებულების ხელმძღვანელის აქტი დაუყოვნებლივ ქვეყნდება უმაღლესი საგანმანათლებლო დაწესებულების ოფიციალურ ვებგვერდზე და აისახება სსიპ - განათლების ხარისხის განვითარების ეროვნული ცენტრის საგანმანათლებლო დაწესებულებების რეესტრში.“. 

მუხლი 2
დადგენილება ამოქმედდეს გამოქვეყნებისთანავე.

პრემიერ-მინისტრიგიორგი კვირიკაშვილი