„საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელი უმაღლესი საგანმანათლებლო პროგრამების განხორციელების საქართველოს კანონმდებლობით დადგენილისაგან განსხვავებული წესის და პირობების განსაზღვრის შესახებ“ საქართველოს მთავრობის 2015 წლის 30 იანვრის №20 დადგენილებაში ცვლილების შეტანის თაობაზე

✨ ჰკითხე AI-ს ამ კანონის შესახებ
საქართველოს მთავრობის დადგენილება მოქმედი განათლება განათლება
მიღების თარიღი
23.07.2015
გამომცემი ორგანო
საქართველოს მთავრობა
ნომერი
№366
სარეგისტრაციო კოდი
430020000.10.003.018750
გამოქვეყნების წყარო
matsne.gov.ge , 27/07/2015
📥 მინიშნება 1 🧬 მსგავსი 10
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
📥 უკუმითითებები — 1 დოკუმენტი

საქართველოს მთავრობის დადგენილება (1)

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

 

საქართველოს მთავრობის

დადგენილება №366

2015 წლის 23 ივლისი

   ქ. თბილისი

 

„საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელი უმაღლესი საგანმანათლებლო პროგრამების განხორციელების საქართველოს კანონმდებლობით დადგენილისაგან განსხვავებული წესის და პირობების განსაზღვრის შესახებ“ საქართველოს მთავრობის 2015 წლის 30 იანვრის №20 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „საქართველოს უმაღლეს საგანმანათლებლო დაწესებულებასა და სან-დიეგოს სახელმწიფო უნივერსიტეტს შორის თანამშრომლობით განსახორციელებელი უმაღლესი საგანმანათლებლო პროგრამების განხორციელების საქართველოს კანონმდებლობით დადგენილისაგან განსხვავებული წესის და პირობების განსაზღვრის შესახებ“ საქართველოს მთავრობის 2015 წლის 30 იანვრის №20 დადგენილებაში (www.matsne.gov.ge, 02/02/2015, 430020000.10.003.018404) შეტანილ იქნეს ცვლილება და პირველ მუხლს დაემატოს შემდეგი შინაარსის „11-14“ პუნქტები:

„11. სან-დიეგოს სახელმწიფო უნივერსიტეტის ავტორიზაციის შესახებ გადაწყვეტილებას იღებს უმაღლესი საგანმანათლებლო დაწესებულებების ავტორიზაციის საბჭო, ამ მუხლის 12 პუნქტის შესაბამისად.

12. სან-დიეგოს სახელმწიფო უნივერსიტეტის დასაბუთებული განცხადების საფუძველზე, უმაღლესი საგანმანათლებლო დაწესებულებების ავტორიზაციის საბჭო დასაბუთებული განცხადების წარდგენიდან ერთი თვის ვადაში იღებს გადაწყვეტილებას სან-დიეგოს სახელმწიფო უნივერსიტეტის ავტორიზაციის შესახებ იმ შემთხვევაში, თუ სან-დიეგოს სახელმწიფო უნივერსიტეტის მიერ განხორციელდება აკრედიტებული უმაღლესი საგანმანათლებლო პროგრამები საქართველოს უმაღლეს საგანმანათლებლო დაწესებულებასთან თანამშრომლობით.

13. ამ მუხლის 12 პუნქტით გათვალისწინებულ შემთხვევაში,  ავტორიზაციის ვადა განისაზღვრება 5 წლით.

14. სან-დიეგოს სახელმწიფო უნივერსიტეტი გათავისუფლდეს ავტორიზაციის საფასურის გადახდისაგან.“. 

მუხლი 2
დადგენილება ამოქმედდეს გამოქვეყნებისთანავე.

პრემიერ-მინისტრიირაკლი ღარიბაშვილი