„შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატში ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების თაობაზე“ საქართველოს მთავრობის 2014 წლის 20 თებერვლის №187 დადგენილებაში ცვლილების შეტანის შესახებ

„მ) შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის საერთაშორისო ორგანიზაციებთან ურთიერთობისა და სამართლებრივი უზრუნველყოფის დეპარტამენტის პოლიტიკური ანალიზისა და საზოგადოებასთან ურთიერთობის სამმართველოს უფროსი (შემდგომში – პოლიტიკური ანალიზისა და საზოგადოებასთან ურთიერთობის სამმართველოს უფროსი)

1. კონკურსში მონაწილე კანდიდატი უნდა იყოს 21 წლის ასაკს მიღწეული საქართველოს ქმედუნარიანი მოქალაქე, ჰქონდეს უმაღლესი განათლება და ფლობდეს სახელმწიფო ენას.

2. პოლიტიკური ანალიზისა და საზოგადოებასთან ურთიერთობის სამმართველოს უფროსის ვაკანტური თანამდებობის დასაკავებლად კანდიდატებისათვის დამატებით დადგენილია შემდეგი საკვალიფიკაციო მოთხოვნები:

ა) უმაღლესი განათლება სოციალურ და პოლიტიკურ მეცნიერებებში: მაგისტრი ან მასთან გათანაბრებული აკადემიური ხარისხი;

ბ) კონფლიქტებისა და ეთნიკური უმცირესობების საკითხებზე მუშაობის არანაკლებ 4-წლიანი გამოცდილება;

გ) საჯარო სამსახურში მუშაობის არანაკლებ 3-წლიანი გამოცდილება;

დ) კომპიუტერული (საოფისე) პროგრამების ცოდნა (Ms. Word,  Ms. Excel, Ms. PowerPoint, Internet);

ე) ინგლისური და რუსული ენების ცოდნა.

3. პოლიტიკური ანალიზისა და საზოგადოებასთან ურთიერთობის სამმართველოს უფროსის ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) საქართველოს კონსტიტუცია;

ბ) საქართველოს კანონი „ოკუპირებული ტერიტორიების შესახებ“;

გ) საქართველოს კანონი „საჯარო სამსახურის შესახებ“;

დ) „შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის შექმნისა და დებულების დამტკიცების შესახებ“ საქართველოს მთავრობის 2008 წლის 8 თებერვლის №23 დადგენილება.“.