ოზურგეთის მუნიციპალიტეტის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №977
2016 წლის 30 მაისი
ქ. თბილისი
ოზურგეთის მუნიციპალიტეტის მიერ სახელმწიფო შესყიდვის გამარტივებული შესყიდვის საშუალებით განხორციელების შესახებ
„სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად, მიეცეს უფლება ოზურგეთის მუნიციპალიტეტს, „ოზურგეთის მუნიციპალიტეტისათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2016 წლის 16 მაისის №823 განკარგულებით გათვალისწინებული ღონისძიების განსახორციელებლად საჭირო სახელმწიფო შესყიდვები განახორციელოს გამარტივებული შესყიდვის საშუალებით, კერძოდ:
ა) დაბა ურეკში, თაყაიშვილის ქუჩის სავალი ნაწილის ასფალტ-ბეტონის რეაბილიტაციისათვის (პირველი ეტაპი) საჭირო ღონისძიებები – 996 943 (ცხრაას ოთხმოცდათექვსმეტი ათას ცხრაას ორმოცდასამი) ლარის ფარგლებში;
ბ) ნატანები-ურეკისა და ჩოლოქი-შეკვეთილის გარე განათების სარეაბილიტაციო სამუშაოები – 173 093 (ას სამოცდაცამეტი ათას ოთხმოცდაცამეტი) ლარის ფარგლებში.
პრემიერ-მინისტრი გიორგი კვირიკაშვილი