ჩოხატაურის მუნიციპალიტეტის მიერ სახელმწიფო შესყიდვების გამარტივებული ელექტრონული ტენდერის მეშვეობით განხორციელების შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს მთავრობის
განკარგულება №1581
2016 წლის 3 აგვისტო
ქ. თბილისი
ჩოხატაურის მუნიციპალიტეტის მიერ სახელმწიფო შესყიდვების გამარტივებული ელექტრონული ტენდერის მეშვეობით განხორციელების შესახებ
„სახელმწიფო შესყიდვების შესახებ“ საქართველოს კანონის 10 1 მუხლის 3 1 პუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადაში შეუფერხებლად ჩატარების მიზნით, მიეცეს უფლება ჩოხატაურის მუნიციპალიტეტს, „სტიქიის შედეგების სალიკვიდაციო ღონისძიებების განხორციელების თაობაზე“ საქართველოს მთავრობის 2016 წლის 18 ივლისის №1409 განკარგულებით გათვალისწინებული ღონისძიებების განსახორციელებლად საჭირო სამშენებლო სამუშაოების შესყიდვა, 725 560 (შვიდას ოცდახუთი ათას ხუთას სამოცი) ლარის ფარგლებში, განახორციელოს გამარტივებული ელექტრონული ტენდერის მეშვეობით ჩოხატაურის მუნიციპალიტეტში, კერძოდ:
ა) ადგილობრივი მნიშვნელობის საავტომობილო გზების რეაბილიტაციის სამუშაოებისთვის - 447 560 (ოთხას ორმოცდაშვიდი ათას ხუთას სამოცი) ლარი;
ბ) ხიდების რეაბილიტაციის სამუშაოებისთვის - 68 000 (სამოცდარვა ათასი) ლარი;
გ) მდინარე სუფსაზე ნაპირსამაგრი სამუშაოებისთვის - 150 000 (ას ორმოცდაათი ათასი) ლარი;
დ) ჩოხატაურის მუნიციპალიტეტის დაბა ჩოხატაურში მდებარე მ. გოგიბერიძის ქ. №1ა-ში სადრენაჟო სისტემის მოწყობის სამუშაოებისთვის - 60 000 (სამოცი ათასი) ლარი.
პრემიერ-მინისტრი გიორგი კვირიკაშვილი