სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ

სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ საქართველოს მთავრობის დადგენილება №252 2016 წლის 9 ივნისი ქ. თბილისი სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ მუხლი 1🔗 „საქართველოს 2016 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-3 პუნქტის შესაბამისად,  განისაზღვროს შესყიდვების ერთიანი ლექსიკონის (CPV კოდები) მიხედვით   კლასიფიკატორის კოდები (დანართი №1), რომელთა ფარგლებშიც,  საქართველოს სამინისტროებისა და მათ კონტროლს დაქვემდებარებული საბიუჯეტო ორგანიზაციების მიერ სახელმწიფო შესყიდვების განხორციელება საჭიროებს საქართველოს მთავრობის წინასწარ თანხმობას. მუხლი 2🔗 ეთხოვოთ სახელმწიფო ბიუჯეტის სხვა საბიუჯეტო ორგანიზაციებს, ავტონომიური რესპუბლიკების საბიუჯეტო ორგანიზაციებსა და მუნიციპალიტეტებს, უზრუნველყონ, ამ დადგენილების დანართით გათვალისწინებული CPV კოდების ფარგლებში სახელმწიფო შესყიდვების განხორციელების დაწყებამდე, საქართველოს მთავრობისათვის შესაბამისი ინფორმაციის წარდგენა. მუხლი 3🔗 სსიპ - სახელმწიფო შესყიდვების სააგენტომ უზრუნველყოს საქართველოს სამინისტროებისა და მათ კონტროლს დაქვემდებარებული საბიუჯეტო ორგანიზაციების მიერ სახელმწიფო შესყიდვების განხორციელების საშუალება, სახელმწიფო შესყიდვების ერთიანი ელექტრონული სისტემის მეშვეობით, ამ დადგენილების დანართით განსაზღვრული CPV კოდებისათვის, მხოლოდ საქართველოს მთავრობის წინასწარი თანხმობის მიღების შემდგომ. მუხლი 4🔗 ეს დადგენილება ვრცელდება ელექტრონული საშუალებით განხორციელებულ სახელმწიფო შესყიდვებზე, გარდა: ა) კონსოლიდირებული ტენდერის ფარგლებში განხორციელებული შესყიდვებისა; ბ) დონორების მიერ დაფინანსებული პროექტების ფარგლებში განხორციელებული შესყიდვებისა; გ) საქართველოს განათლებისა და მეცნიერების სამინისტროს მიერ დაფუძნებული ზოგადსაგანმანათლებლო დაწესებულებებისა და საქართველოს განათლებისა და მეცნიერების სამინისტროს სახელმწიფო კონტროლს დაქვემდებარებული უმაღლესი საგანმანათლებლო დაწესებულებების სახსრებიდან განხორციელებული შესყიდვებისა. მუხლი 5🔗 საქართველოს მთავრობის მიერ წინასწარი თანხმობის გაცემის მიზნით, საქართველოს მთავრობის განკარგულების პროექტი განსახილველად წარედგინება საქართველოს მთავრობას, საქართველოს კანონმდებლობით დადგენილი წესით.  მუხლი 6🔗 დადგენილება ამოქმედდეს გამოქვეყნებისთანავე.პრემიერ-მინისტრიგიორგი კვირიკაშვილი დანართი №1 კოდი დასახელება 16100000 სასოფლო-სამეურნეო და სატყეო დანიშნულების მანქანა-დანადგარები ნიადაგის მოსამზადებლად ან კულტივირებისათვის 16300000 მოსავლის ასაღები მანქანები 16510000 ავტომტვირთველი ტრაილერები სოფლის მეურნეობისათვის 16520000 თვითმცლელი ტრაილერები სოფლის მეურნეობისათვის 16530000 ავტომტვირთველი ნახევარტრაილერები სოფლის მეურნეობისათვის 16540000 თვითმცლელი ნახევარტრაილერები სოფლის მეურნეობისათვის 16710000 ხელით სამართი სასოფლო-სამეურნეო ტრაქტორები 16720000 ნახმარი ტრაქტორები 16730000 გამწევი ძრავები 30211000 „მეინფრეიმი“/სერვერი 30213000 პერსონალური კომპიუტერები 30231000 გამომთვლელი მანქანების ეკრანები და სამართავი პულტები 30232000 პერიფერიული მოწყობილობები 32250000 მობილური ტელეფონები 32320000 ტელე- და აუდიოვიზუალური აპარატურა 34110000 მსუბუქი ავტომანქანები 34120000 ავტოსატრანსპორტო საშუალებები 10-ზე მეტი ადამიანის გადასაყვანად 34130000 ავტოსატრანსპორტო საშუალებები საქონლის ტრანსპორტირებისათვის 34140000 მძიმე სატვირთო მანქანები 34200000 სატრანსპორტო საშუალებების ძარები, მისაბმელები ან ნახევრადმისაბმელები 35410000 ჯავშნიანი სამხედრო მანქანები 39100000 ავეჯი* 39700000 საოჯახო ტექნიკა* 42511000 სითბოგაცვლითი დანადგარები და ჰაერის ან სხვა გაზების გასათხევადებელი მოწყობილობები 42512000 ჰაერის კონდიცირების საშუალებები 43500000 მუხლუხა სატრანსპორტო საშუალებები   *იმ შემთხვევაში, თუ აღნიშნული კოდით განხორციელებული/განსახორციელებელი შესყიდვის მთლიანი ღირებულება საბიუჯეტო წლის მანძილზე აჭარბებს 10 000.0  ლარს.