სიღნაღის მუნიციპალიტეტის ქალაქ სიღნაღის ტერიტორიაზე კვადროციკლების მოძრაობის წესის დამტკიცების შესახებ

საქართველოს ორგანული კანონის  „ადგილობრივი თვითმმართველობის კოდექსი“ მე - 16 მუხლის მეორე პუნქტის „კ“ ქვეპუნქტის, 24-ე მუხლის მე-2 პუნქტის,  „საგზაო მოძრაობის შესახებ“ საქართველოს კანონის მე-7 მუხლის მე-3 პუნქტისა  და მე-13 მუხლის შესაბამისად,  სიღნაღის მუნიციპალიტეტის საკრებულო ადგენს:

დამტკიცდეს „სიღნაღის მუნიციპალიტეტის  ქალაქ  სიღნაღის ტერიტორიაზე კვადროციკლების  მოძრაობისა და დგომის  წესი“ დანართის შესაბამისად.

დადგენილება ამოქმედდეს გამოქვეყნებისთანავე.

ეს წესი   შემუშავებულია  საქართველოს ორგანული კანონის  „ადგილობრივი თვითმმართველობის კოდექსი“, „საგზაო მოძრაობის უსაფრთხოების შესახებ“ საქართველოს კანონის, საქართველოს ადმინისტრაციულ სამართალდარღვევათა კოდექსის შესაბამისად და განსაზღვრავს სიღნაღის მუნიციპალიტეტის  ქალაქ  სიღნაღის ტერიტორიაზე კვადროციკლების მოძრაობისა და დგომის წესს.

აკრძალულია კვადროციკლების მოძრაობა ქალაქ სიღნაღის ტერიტორიაზე არსებულ ბულვარებში, პარკებსა და სკვერებში.

აკრძალულია კვადროციკლების მოძრაობა ქალაქ  სიღნაღის ტერიტორიაზე 21:00 საათიდან 10:00  საათამდე.

აღნიშნული წესების დარღვევა გამოიწვევს ჯარიმას 20 (ოცი) ლარის, ხოლო განმეორების შემთხვევაში, 50 (ორმოცდაათი) ლარის ოდენობით.