სახელმწიფო საკუთრებაში არსებული ქონების შპს „გუდაური რესორტისათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №1830

2016 წლის 9 სექტემბერი

 ქ. თბილისი

სახელმწიფო საკუთრებაში არსებული ქონების შპს „გუდაური რესორტისათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტისა და მე-4 მუხლის მე-4 პუნქტის შესაბამისად, სახელმწიფო საკუთრებაში არსებული, ყაზბეგის მუნიციპალიტეტში, სოფელ გუდაურში მდებარე 829 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №74.06.11.752) და 148 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №74.06.11.712), ყაზბეგის მუნიციპალიტეტში, დაბა გუდაურში მდებარე 3812 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №74.06.11.830) და დუშეთის მუნიციპალიტეტში, სოფელ გუდაურში მდებარე 1456 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №71.62.58.291), პირდაპირი მიყიდვის ფორმით, 466 000 (ოთხას სამოცდაექვსი ათასი) ლარად, საკუთრებაში გადაეცეს შპს „გუდაური რესორტს“ (ს/კ: №405146596).

2. ამ განკარგულების პირველი პუნქტით გათვალისწინებული უძრავი ქონების საპრივატიზებო პირობებად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან არა უმეტეს 18 (თვრამეტი) თვის ვადაში, შემდეგი გრაფიკის მიხედვით:

ა.ა) ამ განკარგულების საფუძველზე შესაბამისი ხელშეკრულების გაფორმებიდან 2016 წლის 31 დეკემბრამდე არანაკლებ 100 000 (ასი ათასი) ლარისა;

ა.ბ) ამ განკარგულების საფუძველზე შესაბამისი ხელშეკრულების გაფორმებიდან არაუმეტეს 8 (რვა) თვის ვადაში არანაკლებ 222 000 (ორას ოცდაორი ათასი) ლარისა;

ა.გ) ამ განკარგულების საფუძველზე შესაბამისი ხელშეკრულების გაფორმებიდან არაუმეტეს 13 (ცამეტი) თვის ვადაში არანაკლებ 344 000 (სამას ორმოცდაოთხი ათასი) ლარისა;

ა.დ) ამ განკარგულების საფუძველზე შესაბამისი ხელშეკრულების გაფორმებიდან არაუმეტეს 18 (თვრამეტი) თვის ვადაში 466 000 (ოთხას სამოცდაექვსი ათასი) ლარი;

ბ) შესაბამისი ხელშეკრულების გაფორმებიდან 36 (ოცდათექვსმეტი) თვის ვადაში, პირადად ან/და მესამე პირ(ებ)ის მეშვეობით :

 ბ.ა) №74.06.11.830 (მიწის (უძრავი ქონების)) საკადასტრო კოდით რეგისტრირებულ უძრავ ქონებაზე ან/და მის ნაწილზე არანაკლებ 75 (სამოცდათხუთმეტი) ავტომობილზე გათვლილი ავტოსადგომის მოწყობა და არანაკლებ 1000 (ერთი ათასი) კვ.მ ფართის მქონე შენობა-ნაგებობ(ებ)ის მშენებლობა და ექსპლუატაციაში მიღება;

 ბ.ბ) №74.06.11.712, №71.62.58.291 და №74.06.11.752 (მიწის (უძრავი ქონების)) საკადასტრო კოდებით რეგისტრირებული უძრავი ქონების ან/და მათი ნაწილის კეთილმოწყობა (რომელიც მოიცავს (მაგრამ შესაძლოა არ შემოიფარგლებოდეს) გამწვანებას და გარე განათებას);

გ) ამ პუნქტის „ბ“ ქვეპუნქტით გათვალისწინებული საპრივატიზებო პირობების შესრულების მიზნით, არანაკლებ 600 000 (ექვსასი ათასი) ლარის ინვესტიციის განხორციელება.

3. შპს „გუდაური რესორტი“ ვალდებულია, ამ განკარგულების მე-2 პუნქტით გათვალისწინებული საპრივატიზებო პირობების შესრულების (მათ შორის, ვალდებულებ(ებ)ის შეუსრულებლობისათვის შესაბამისი ხელშეკრულების საფუძველზე დაკისრებული პირგასამტეხლოს გადახდის) უზრუნველსაყოფად, შესაბამისი ხელშეკრულების გაფორმებამდე წარადგინოს ამავე პუნქტის „გ“ ქვეპუნქტით განსაზღვრული ინვესტიციის არანაკლებ 10%-ის ოდენობის უპირობო და გამოუხმობი საბანკო გარანტია, რომლის მოქმედების ვადაც ამავე პუნქტის „ბ“ ქვეპუნქტით გათვალისწინებული ვალდებულებების შესრულების ვადას უნდა აღემატებოდეს არანაკლებ 4 (ოთხი) თვით.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ,ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი გიორგი კვირიკაშვილი