შპს „საფინანსო კომპანია საქართველოს“ (საიდენტიფიკაციო კოდი N 433101895) კვალიფიციურ საკრედიტო ინსტიტუტად აღიარების თაობაზე

საქართველოს ეროვნული ბანკის ვიცე-პრეზიდენტის

გ ა ნ კ ა რ გ უ ლ ე ბ ა №995-სკ

2016 წლის 4 ნოემბერი

ქ. თბილისი                  

შპს „საფინანსო კომპანია საქართველოს“ (საიდენტიფიკაციო კოდი N433101895) კვალიფიციურ საკრედიტო ინსტიტუტად აღიარების თაობაზე

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის, 48¹ მუხლის, „კვალიფიციური საკრედიტო ინსტიტუტის საქართველოს ეროვნულ ბანკში რეგისტრაციის და რეგულირების წესის დამტკიცების შესახებ“ საქართველოს ეროვნული ბანკის პრეზიდენტის 2013 წლის 20 მაისის №50/04 ბრძანებით დამტკიცებული წესის მე-3 მუხლის და „საქართველოს ეროვნული ბანკის ვიცე-პრეზიდენტებსა და აღმასრულებელ დირექტორს შორის ფუნქციების გადანაწილების შესახებ“ საქართველოს ეროვნული ბანკის პრეზიდენტის 2013 წლის 27 ივნისის №66/04 ბრძანების საფუძველზე:

1. შპს „საფინანსო კომპანია საქართველო“ (საიდენტიფიკაციო კოდი: N433101895) აღიარებულ იქნეს კვალიფიციურ საკრედიტო ინსტიტუტად.

2. შპს „საფინანსო კომპანია საქართველოს“ დაევალოს ამ განკარგულების ამოქმედებიდან 5 კალენდარული დღის განმავლობაში კვალიფიციურ საკრედიტო ინსტიტუტად დარეგისტრირდეს საქართველოს ეროვნულ ბანკში.

3. აღნიშნული განკარგულება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (ქ. თბილისი, დ. აღმაშენებლის ხეივანი, მე-12 კმ. №6), მხარისათვის მისი ოფიციალური გაცნობიდან ერთი თვის ვადაში.

4. ეს განკარგულება ამოქმედდეს მხარისათვის გაცნობისთანავე.

 

ვიცე-პრეზიდენტი                                                           ოთარ ნადარაია