შეზღუდული პასუხისმგებლობის საზოგადოება „საქართველოს მაღალი ტექნოლოგიების ეროვნული ცენტრის“ სახელმწიფო საკუთრებაში არსებული 100%-იანი წილის შეზღუდული პასუხისმგებლობის საზოგადოება „იზოტოპისათვის“ 10 წლით მართვის უფლების გადაცემის შესახებ
🕸️ გრაფი — კავშირების ვიზუალიზაცია
🧬 სემანტიკურად მსგავსი დოკუმენტები — 10
ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.
დოკუმენტის ტექსტი
საქართველოს პრეზიდენტის
ბრძანებულება №550
2003 წლის 2 ნოემბერი
ქ. თბილისი
შეზღუდული პასუხისმგებლობის საზოგადოება „საქართველოს მაღალი ტექნოლოგიების ეროვნული ცენტრის“ სახელმწიფო საკუთრებაში არსებული 100%-იანი წილის შეზღუდული პასუხისმგებლობის საზოგადოება „იზოტოპისათვის“ 10 წლით მართვის უფლების გადაცემის შესახებ
დარგის სპეციფიკური და სტრატეგიული მნიშვნელობიდან გამომდინარე, მისი გადარჩენისა და მსოფლიო ბაზარზე კონკურენტუნარიანობის შენარჩუნების მიზნით საქართველოს პრეზიდენტის 2003 წლის 11 მაისის №203 ბრძანებულებით დამტკიცებული „საწარმოთა მართვის სააგენტოდან სხვა სუბიექტებზე აქციებისა და წილების მართვის უფლებით გადაცემის“ წესის საფუძველზე:
1. მოწონებულ იქნეს შეზღუდული პასუხისმგებლობის საზოგადოება „იზოტოპის“ მიერ შემოთავაზებული საინვესტიციო პროგრამა და შესაბამისად 10 წლის ვადით გადაეცეს შეზღუდული პასუხისმგებლობის საზოგადოება „საქართველოს მაღალი ტექნოლოგიების ეროვნული ცენტრის“ სახელმწიფო საკუთრებაში არსებული 100% წილი.
2. საქართველოს ეკონომიკის, მრეწველობისა და ვაჭრობის სამინისტრომ (გ.გაჩეჩილაძე) სსიპ „საწარმოთა მართვის სააგენტოსთან ერთად (ვ. კაპანაძე) ბრძანებულების გამოქვეყნებიდან ორ კვირაში უზრუნველყოს შეზღუდული პასუხისმგებლობის საზოგადოება „იზოტოპთან“ შესაბამისი ხელშეკრულების გაფორმება საინვესტიციო პროგრამით გათვალისწინებული პირობების დაცვით.
3. ბრძანებულების გამოქვეყნებიდან ერთი წლის ვადაში შეზღუდული პასუხისმგებლობის საზოგადოება „იზოტოპმა“ მოიძიოს სტრატეგიული პარტნიორი კომპანია (კომპანიები), გააფორმოს მასთან თანამშრომლობის შესახებ ხელშეკრულება (ხელშეკრულებები), რათა 10 წლის განმავლობაში განახორციელოს შეზღუდული პასუხისმგებლობის საზოგადოება „საქართველოს მაღალი ტექნოლოგიების ეროვნულ ცენტრში“ ინვესტიცია – რეინვესტიცია ბრძანებულების თანდართული ხელშეკრულების პირობების დაცვით.
4. ბრძანებულების შესრულების კონტროლი განახორციელონ სახელმწიფო მინისტრის მოადგილემ გ.ისაკაძემ და ეკონომიკის, მრეწველობისა და ვაჭრობის სამინისტრომ (გ.გაჩეჩილაძე).
ე. შევარდნაძე