სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ

სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ საქართველოს მთავრობის დადგენილება №33 2017 წლის 26 იანვარი ქ. თბილისი სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ მუხლი 1🔗 „საქართველოს 2017 წლის სახელმწიფო ბიუჯეტის შესახებ“  საქართველოს კანონის 23-ე მუხლის „გ“ ქვეპუნქტის შესაბამისად,  განისაზღვროს შესყიდვების ერთიანი ლექსიკონის (CPV კოდები) მიხედვით თანდართული კლასიფიკატორის კოდები, რომელთა ფარგლებშიც, საქართველოს სამინისტროებისა და მათ კონტროლს დაქვემდებარებული საბიუჯეტო ორგანიზაციების, ასევე საქართველოს მთავრობის კონტროლს დაქვემდებარებული საბიუჯეტო ორგანიზაციების მიერ სახელმწიფო შესყიდვების განხორციელება საჭიროებს საქართველოს მთავრობის წინასწარ თანხმობას. მუხლი 2🔗 ამ დადგენილების პირველი მუხლით განსაზღვრული სუბიექტების გარდა სხვა შემსყიდველმა ორგანიზაციებმა უზრუნველყონ, ამ დადგენილების დანართით გათვალისწინებული CPV კოდების ფარგლებში, სახელმწიფო შესყიდვების განხორციელების დაწყებამდე, საქართველოს მთავრობისათვის შესყიდვის ობიექტის შესახებ შესაბამისი ინფორმაციის წარდგენა. მუხლი 3🔗 სსიპ – სახელმწიფო შესყიდვების სააგენტომ უზრუნველყოს, რომ ამ დადგენილების პირველ მუხლში მითითებულ საბიუჯეტო ორგანიზაციებს, სახელმწიფო შესყიდვების ერთიანი ელექტრონული სისტემის მეშვეობით, ამავე დადგენილების დანართით განსაზღვრული CPV კოდების ფარგლებში, სახელმწიფო შესყიდვების განხორციელების საშუალება მიეცეთ მხოლოდ საქართველოს მთავრობის წინასწარი თანხმობის მიღების შემდგომ. მუხლი 4🔗 ეს დადგენილება ვრცელდება ელექტრონული საშუალებით განხორციელებულ სახელმწიფო შესყიდვებზე, გარდა: ა) კონსოლიდირებული ტენდერის ფარგლებში განხორციელებული შესყიდვებისა; ბ) დონორების მიერ დაფინანსებული პროექტების ფარგლებში განხორციელებული შესყიდვებისა; გ) საქართველოს განათლებისა და მეცნიერების სამინისტროს მიერ დაფუძნებული ზოგადსაგანმანათლებლო დაწესებულებებისა და საქართველოს განათლებისა და მეცნიერების სამინისტროს სახელმწიფო კონტროლს დაქვემდებარებული უმაღლესი საგანმანათლებლო დაწესებულებების სახსრებიდან განხორციელებული შესყიდვებისა. მუხლი 5🔗 საქართველოს მთავრობის მიერ წინასწარი თანხმობის გაცემის მიზნით, საქართველოს მთავრობის განკარგულების პროექტი განსახილველად წარედგინება საქართველოს მთავრობას საქართველოს კანონმდებლობით დადგენილი წესით. მუხლი 6🔗 დადგენილება ამოქმედდეს გამოქვეყნებისთანავე. პრემიერ-მინისტრიგიორგი კვირიკაშვილი  დანართი კოდი დასახელება 16100000 სასოფლო-სამეურნეო და სატყეო დანიშნულების   მანქანა-დანადგარები ნიადაგის მოსამზადებლად ან კულტივირებისათვის 16300000 მოსავლის ასაღები მანქანები 16500000 ავტომტვირთველი ან თვითმცლელი ტრაილერები და ნახევარტრაილერები სოფლის მეურნეობისათვის 16600000 სპეციალიზებული სასოფლო-სამეურნეო ან სატყეო დანიშნულების მანქანა-დანადგარები 16700000 ტრაქტორები 30200000 კომპიუტერული მოწყობილობები და აქსესუარები 31100000 ელექტროძრავები, გენერატორები და ტრანსფორმატორები 32200000 რადიოტელეფონის, რადიოსატელეგრაფო, რადიო და ტელემაუწყებლობის აპარატურა 32300000 ტელე და რადიოსიგნალის მიმღებები და აუდიო ან ვიდეოგამოსახულების ჩამწერი ან აღწარმოების აპარატურა 34100000 ავტოსატრანსპორტო საშუალებები 34200000 სატრანსპორტო საშუალებების ძარები, მისაბმელები ან ნახევრადმისაბმელები 35410000 ჯავშნიანი სამხედრო მანქანები 37300000 მუსიკალური ინსტრუმენტები და ნაწილები 39100000 ავეჯი[1] 39700000 საოჯახო ტექნიკა​1 42400000 ამწე და გადასაზიდი მოწყობილობები და მათი ნაწილები 42511000 სითბოგაცვლითი დანადგარები და ჰაერის ან სხვა გაზების გასათხევადებელი მოწყობილობები 42512000 ჰაერის კონდიცირების საშუალებები 42900000 სხვადასხვა ზოგადი და სპეციალური დანიშნულების მანქანა-დანადგარები 43100000 სამთო მანქანა-დანადგარები 43200000 მიწის სათხრელი და სახაპავი მანქანები და მათი (მათთან დაკავშირებული) ნაწილები 43300000 სამშენებლო მანქანები და მოწყობილობები 43500000 მუხლუხა სატრანსპორტო საშუალებები   48100000 პროგრამული უზრუნველყოფის სამრეწველო პაკეტები 48200000 ქსელების, ინტერნეტისა და ინტრანეტის პროგრამული პაკეტები 48500000 საკომუნიკაციო და მულტიმედიის პროგრამული პაკეტები 48600000 მონაცემთა ბაზისა და ოპერაციული პროგრამული პაკეტები 48800000 საინფორმაციო სისტემები და სერვერები 48900000 სხვადასხვა სახის პროგრამული პაკეტები და კომპიუტერული სისტემები. [1] იმ შემთხვევაში, თუ აღნიშნული კოდით განხორციელებული/განსახორციელებელი შესყიდვის მთლიანი ღირებულება საბიუჯეტო წლის განმავლობაში აჭარბებს 10 000 ლარს.