სპეციალურ კონტროლს დაქვემდებარებულ ცალკეულ ნივთიერებებზე, რომლებიც არ ექვემდებარება საერთაშორისო კონტროლს და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებულ ზოგიერთ სამკურნალო საშუალებაზე 2017 წლის ქვეყნის შიდა კვოტის განსაზღვრის თაობაზე

საქართველოს შინაგან საქმეთა მინისტრისა და საქართველოს შრომის, ჯანმრთელობისა და სოციალური დაცვის მინისტრის

ერთობლივი  ბრძანება №288-№01-39/ნ

2017 წლის 9 ივნისი

ქ. თბილისი

1. დადგინდეს 2017 წლის ქვეყნის შიდა კვოტები სპეციალურ კონტროლს დაქვემდებარებულ ცალკეულ ნივთიერებებზე, რომლებიც არ ექვემდებარება საერთაშორისო კონტროლს და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებულ შემდეგ სამკურნალო საშუალებებზე:

ა) ზალეპლონი; 

ბ) ზოპიკლონი;

გ) ბაკლოფენი; 

დ) გაბაპენტინი;

ე) ტროპიკამიდი;

ვ)  დექსტრომეტორფანის შემცველი კომბინირებული პრეპარატები.

2. ქვეყნის შიდა კვოტები 2017 წლისათვის განისაზღვროს ბრძანების პირველ პუნქტში მითითებულ სამკურნალო საშუალებებზე (აქტიურ ნივთიერებებზე გადაანგარიშებით) შემდეგი ოდენობებით:

ა) ზალეპლონისათვის – 1050  გრამი;

ბ) ზოპიკლონისათვის – 3 000  გრამი;

გ) ბაკლოფენისათვის – 68 765 გრამი;

დ) გაბაპენტინისათვის – 1 029 380 გრამი;

ე) ტროპიკამიდისათვის – 300  გრამი;

ვ)  დექსტრომეტორფანისათვის – 3 000 გრამი.

3. „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ საქართველოს კანონის მე-9 მუხლის მე-4 პუნქტით დადგენილ ვადებში, იმპორტი გამოცხადდეს 2017 წლის მთლიან წლიურ შიდა კვოტაზე, ამასთან, იმპორტის გამოცხადებისას გათვალისწინებულ იქნას კვოტების დადგენამდე ქვეყანაში არსებული ნაშთები/მარაგები.