სპეციალურ კონტროლს დაქვემდებარებულ ცალკეულ ნივთიერებებზე, რომლებიც არ ექვემდებარება საერთაშორისო კონტროლს და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებულ ცალკეულ სამკურნალო საშუალებებზე 2020 წლის ქვეყნის შიდა კვოტის განსაზღვრის თაობაზე

საქართველოს შინაგან საქმეთა მინისტრისა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ერთობლივი

2020 წლის 30 იანვარი

ქ. თბილისი

1. დადგინდეს 2020 წლის ქვეყნის შიდა კვოტები სპეციალურ კონტროლს დაქვემდებარებულ ცალკეულ ნივთიერებებზე, რომლებიც არ ექვემდებარება საერთაშორისო კონტროლს და სპეციალურ კონტროლს დაქვემდებარებულ ფარმაცევტულ პროდუქტთან გათანაბრებულ შემდეგ სამკურნალო საშუალებებზე:

ა)  გაბაპენტინი;

ბ) ბაკლოფენი;

გ) ზოპიკლონი;

დ) ზალეპლონი;

ე)  დექსტრომეტორფანი;

ვ) ტროპიკამიდი;

ზ) პრეგაბალინი;

თ) ტრიჰექსიფენიდილის ჰიდროქლორიდი.

2. ქვეყნის შიდა კვოტები 2020 წლისათვის განისაზღვროს ბრძანების პირველ პუნქტში მითითებულ სამკურნალო საშუალებებზე (აქტიურ ნივთიერებებზე გადაანგარიშებით) შემდეგი ოდენობებით:

ა) გაბაპენტინისთვის – 712 622.65 გრამი;

ბ) ბაკლოფენისთვის – 44 130.52 გრამი;

გ) ზოპიკლონისთვის – 2 411.959 გრამი;

დ) ზალეპლონისთვის – 982.425 გრამი;

ე) დექსტრომეტორფანისთვის – 2 769.58 გრამი;

ვ)  ტროპიკამიდისთვის – 300 გრამი;

ზ) პრეგაბალინისთვის – 69 584 გრამი;

თ) ტრიჰექსილფენიდილის ჰიდროქლორიდისთვის – 14 613,17 გრამი.

3. „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ საქართველოს კანონის მე-9 მუხლის მე-4 პუნქტით დადგენილ ვადებში, იმპორტი გამოცხადდეს 2020 წლის მთლიან წლიურ შიდა კვოტაზე, ამასთან, იმპორტის გამოცხადებისას გათვალისწინებულ იქნეს 2020 წლის 1 იანვრისთვის ქვეყანაში არსებული ნაშთები/მარაგები.