„საქართველოს შინაგან საქმეთა სამინისტროს მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №990 ბრძანებაში ცვლილების შეტანის თაობაზე

✨ ჰკითხე AI-ს ამ კანონის შესახებ

საქართველოს მინისტრის ბრძანება მოქმედი სამართლდამცავი ორგანოები

მიღების თარიღი

12.07.2017

გამომცემი ორგანო

საქართველოს შინაგან საქმეთა მინისტრი

ნომერი

№366

სარეგისტრაციო კოდი

140130000.22.034.016664

გამოქვეყნების წყარო

matsne.gov.ge , 13/07/2017

🧬 მსგავსი 10 📎 დანართები 1

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

🧬 სემანტიკურად მსგავსი დოკუმენტები — 10

ეს დოკუმენტები ნაპოვნია ვექტორული ემბედინგების (AI) საშუალებით — მათი შინაარსი ყველაზე ახლოსაა ამ აქტის ტექსტთან.

დოკუმენტის ტექსტი

საქართველოს შინაგან საქმეთა მინისტრის

ბრძანება №366

2017 წლის 12 ივლისი

ქ. თბილისი

„საქართველოს შინაგან საქმეთა სამინისტროს მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №990 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ:

მუხლი 1

„საქართველოს შინაგან საქმეთა სამინისტროს მოსამსახურეთა ფორმის ტანსაცმლისა და ატრიბუტიკის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №990 ბრძანებით (სსმ, ვებგვერდი 31/12/13, სარეგისტრაციო კოდი: 140130000.22.034.016241) დამტკიცებულ №6³ დანართში შეტანილ იქნეს შემდეგი ცვლილება:

1. №2 პლანშეტი ჩამოყალიბდეს თანდართული რედაქციით.

2. დაემატოს №9 და №10 პლანშეტები.

მუხლი 2

ბრძანება ამოქმედდეს გამოქვეყნებისთანავე.

საქართველოს შინაგან საქმეთა მინისტრი

გიორგი მღებრიშვილი

📎 დანართები (1)

366 danarti.doc DOC ⬇

დანართი №63

[pic]

პლანშეტი №2

სამინისტროს სტრატეგიული მილსადენების დაცვის დეპარტამენტის (სამინისტროს სტრატეგიული მილსადენების დაცვის დეპარტამენტის სწრაფი რეაგირების სამმართველოს გარდა) სამკერდე ემბლემა – მრგვალ ჰერალდიკურ ფარზე, შავ ველზე გამოსახულია სამი მარცხნიდან მარჯვნივ დაშვებული ირიბი ოქროსფერი ლენტი და სამინისტროს სტილიზებული სიმბოლო – მეწამულ ველზე ოქროსფერი ლომი. შავი ოქროსკანტებიანი არშია ოქროსფერი წარწერით – „სტრატეგიული მილსადენების დაცვის დეპარტამენტი“ და „შსს“, რომლებიც ერთმანეთისგან გამოიყოფა ორი ოქროსფერი შვიდქიმიანი ვარსკვლავით.

შენიშვნა: სამკერდე ემბლემას მოსამსახურე ატარებს საჭიროების შემთხვევაში, საზეიმო-სააღლუმო და სხვა ვითარებაში.

სამინისტროს სტრატეგიული მილსადენების დაცვის დეპარტამენტის სწრაფი რეაგირების სამმართველოს სამკერდე ემბლემა

პლანშეტი №9

სამინისტროს სტრატეგიული მილსადენების დაცვის დეპარტამენტის სწრაფი რეაგირების სამმართველოს „სამკერდე ემბლემა“ – მრგვალ ჰერალდიკურ ფარზე, შავ ველზე გამოსახულია გარშემო ვერცხლის ვაზის წნულის ორნამენტით, შუაში ვერცხლის ქვემოდან ზევით მიმართული (ზეაღმართული) ხმალი, ვერცხლისფერ ფარში ლომი და ელვა, კომპოზიციის ქვედა ნაწილში არის ვერცხლის სადევიზე ბაფთა ბოლნური ჯვრით (ზომით – 22 მმ).

სამინისტროს სტრატეგიული მილსადენების დაცვის დეპარტამენტის სწრაფი რეაგირების სამმართველოს საველე ატრიბუტიკა „ჟეტონი“

პლანშეტი №10

სამინისტროს სტრატეგიული მილსადენების დაცვის დეპარტამენტის სწრაფი რეაგირების სამმართველოს „ჟეტონი“ – ოვალურ ჰერალდიკურ ფარზე, შავ ველზე გამოსახულია გარშემო ვერცხლის ვაზის წნულის ორნამენტით, შუაში ვერცხლის ქვემოდან ზევით მიმართული (ზეაღმართული) ხმალი, ვერცხლისფერ ფარში ლომი და ელვა, კომპოზიციის ზედა ნაწილში არის ვერცხლის (თეთრი) სადევიზე ბაფთა წარწერით „სპეციალური ძალები“. კომპოზიციის ქვედა ნაწილში არის ვერცხლის სადევიზე ბაფთა ბოლნური ჯვრით (ზომით – 40 მმ/33 მმ).