„აჭარის ავტონომიური რესპუბლიკის უმაღლესი საარჩევნო კომისიის რეგლამენტის დამტკიცების თაობაზე“ აჭარის ავტონომიური რესპუბლიკის უმაღლესი საარჩევნო კომისიის 2006 წლის 19 მაისის №4 დადგენილებაში ცვლილებების და დამატებების შეტანის შესახებ

  1. პირველი მუხლის 7¹ პუნქტის შემდეგ დაემატოს 7² პუნქტი და ჩამოყალიბდეს შემდეგი რედაქციით:

„7². უსკოში საქმისწარმოება ხორციელდება საქმისწარმოების ერთიანი ავტომატიზირებული ელექტრონული სისტემით.“.

  2.  მე-3 მუხლის „მ“ პუნქტი ჩამოყალიბდეს შემდეგი რედაქციით:

„მ) გამოსცემს ბრძანებებს შიდაუწყებრივ, მოხელეთა დანიშვნის, გათავისუფლების, შვებულების, აპარატის თანამშრომელთა წახალისების, ადამიანური რესურსების მართვის (საკადრო) და სხვა საკითხებთან დაკავშირებით;“.

3. მე-8 მუხლის პირველი პუნქტი ჩამოყალიბდეს შემდეგი რედაქციით:

„1. აჭარის ავტონომიური რესპუბლიკის უმაღლესი საარჩევნო კომისიის აპარატის სტრუქტურაში იქმნება შემდეგი სამსახურები:

ა) საოქმო სარეგისტრაციო სამსახური;

ბ) იურიდიული სამსახური;

გ) საარჩევნო პროცესების მართვის სამსახური;

დ) საფინანსო-საბიუჯეტო სამსახური;

ე) საზოგადოებასთან ურთიერთობის სამსახური;

ვ) ადამიანური რესურსების მართვის სამსახური;

ზ) ინსტიტუციური განვითარების სამსახური.“.

4. მე-9 მუხლის მე-4 პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) კომისიის სხდომის წინა დღის არაუგვიანეს 12 საათისა, კომისიის სხდომებზე განსახილველი, მათ მიერ მომზადებული და ხელმოწერილი დადგენილებების ან/და განკარგულებების პროექტები, იურიდიული სამსახურის ვიზირებით გადასცეს საოქმო სარეგისტრაციო სამსახურს;

ბ) კომისიის სხდომის მომდევნო დღის არაუგვიანეს 12 საათისა საბოლოო რედაქციით ჩამოყალიბებული, მათ მიერ მომზადებული დადგენილებები ან/და განკარგულებების საბოლოო ვარიანტი გადასცეს საოქმო სარეგისტრაციო სამსახურს.“.

5. მე-9 მუხლს მე-4 პუნქტის შემდეგ დაემატოს მე-5 პუნქტი და ჩამოყალიბდეს შემდეგი რედაქციით:

„5. უსკო განკარგულებით ამტკიცებს უსკოს სამსახურების დებულებებს.“.

6. მე-10 მუხლის სათაური ჩამოყალიბდეს შემდეგნაირად:

„მუხლი 10. საოქმო სარეგისტრაციო სამსახური

საოქმო სარეგისტრაციო სამსახური:“.

7. მე-10 მუხლის „ა“, „გ“, „ზ“, „კ“, „ო“ და „პ“ პუნქტები ჩამოყალიბდეს შემდეგი რედაქციით:

„ა) ახდენს შემოსული და გასული კორესპონდენციის (მათ შორის, უსკოს ოფიციალურ ელექტრონულ მისამართზე info@sec.ge საჯარო ინფორმაციის მოთხოვნა) მიღებას, გაცემას, რეგისტრაციას, მათ შორის, ელექტრონულად (edocument.ge/USKO/app/) და ახდენს მის სისტემატიზაციასა და დროულად მიწოდებას შესაბამისი სამსახურებისათვის;

„გ) ადგენს უსკოს სხდომის ოქმებს;“;

„ზ) უზრუნველყოფს საარჩევნო პროცესების მართვის სამსახურისაგან გადმოცემული ქვემდგომი საარჩევნო კომისიებისაგან მიღებული შემაჯამებელი ოქმების და სხვა დოკუმენტაციის სათანადო წესით შენახვას/დაარქივებას;“;

„კ) თავისი კომპეტენციის ფარგლებში ამზადებს უსკოს სხდომებზე განსახილველი დადგენილებების ან/და განკარგულებების პროექტებს, აგრეთვე უსკოს თავმჯდომარის და მდივნის განკარგულებების პროექტებს;“;

„ო) შესაბამის ინფორმაციას კომპიუტერული დამუშავებისათვის გადასცემს უფლებამოსილ პირს;“;

„პ) უზრუნველყოფს აჭარის ავტონომიური რესპუბლიკის უმაღლესი საარჩევნო კომისიის სტრუქტურულ ერთეულებში საქმისწარმოების ერთიანი სისტემის ორგანიზებას, edocument.ge/USKO/app/ – საქმისწარმოების ავტომატიზირებული სისტემის მართვას კონტროლსა და მონიტორინგს;“.

8. მე-10 მუხლს „პ“ პუნქტის შემდეგ დაემატოს შემდეგი შინაარსის „პ¹“, „პ²“, „პ³“ და „პ⁴“ პუნქტები და ჩამოყალიბდეს შემდეგი რედაქციით:

„პ¹) უზრუნველყოფს საარჩევნო ადმინისტრაციის მუდმივმოქმედი საექსპერტო კომისიის სხდომების მოწვევას და ჩატარებას;

პ²) საარქივო სამმართველოს სპეციალისტებთან და უსკოს სამსახურების ხელმძღვანელებთან ერთად შეიმუშავებს საარჩევნო ადმინისტრაციის საქმეთა ნომენკლატურას და წარუდგენს დასამტკიცებლად უსკოს თავმჯდომარეს;

პ³) უზრუნველყოფს აჭარის ავტონომიური რესპუბლიკის უმაღლესი საბჭოს წევრობის შესაბამისი კანდიდატის ინფორმირებას მისი ადგილმონაცვლეობის თაობაზე;

პ⁴) უზრუნველყოფს კომისიის წევრების და სამსახურის უფროსების ინფორმირებას უსკოს სხდომების შესახებ;“.

9. მე-11 მუხლის „ე“ პუნქტი ჩამოყალიბდეს შემდეგი რედაქციით:

„ე) საოქმო სარეგისტრაციო, საარჩევნო პროცესების მართვის და საფინანსო-საბიუჯეტო სამსახურებთან ერთად ამზადებს სასამართლოში წარსადგენ მასალებს;“.

10. მე-11 მუხლს „მ“ პუნქტის შემდეგ დაემატოს შემდეგი შინაარსის „მ¹“ პუნქტი და ჩამოყალიბდეს შემდეგი რედაქციით:

„მ¹) ამზადებს ადგილობრივი და საერთაშორისო დამკვირვებელი ორგანიზაციების წარმომადგენლების რეგისტრაციისათვის განკარგულების პროექტებს;“.

11. მე-12 მუხლის სათაური ჩამოყალიბდეს შემდეგნაირად:

„მუხლი 12. საარჩევნო პროცესების მართვის სამსახური

საარჩევნო პროცესების მართვის სამსახური:“.

12. მე-12 მუხლის „თ“ და „თ¹“ პუნქტები ჩამოყალიბდეს შემდეგი რედაქციით:

„თ) საფინანსო-საბიუჯეტო სამსახურთან ერთად მონაწილეობს არჩევნების მომზადებისა და ჩატარებისათვის საჭირო დაფინანსების დაგეგმვაში;

თ¹) ადგენს და საფინანსო-საბიუჯეტო სამსახურს გადასცემს ინფორმაციას არჩევნების ჩასატარებლად საჭირო საარჩევნო ინვენტარისა და სხვადასხვა საარჩევნო დოკუმენტაციის რაოდენობის შესახებ;“.

13. მე-13 მუხლის სათაური ჩამოყალიბდეს შემდეგნაირად:

„მუხლი 13. საფინანსო-საბიუჯეტო სამსახური

საფინანსო-საბიუჯეტო სამსახური:“.

14. მე-13 მუხლის „ნ“ პუნქტი ჩამოყალიბდეს შემდეგი რედაქციით:

„ნ) საფინანსო-საბიუჯეტო სამსახურის უფროსი არის უმაღლესი საარჩევნო კომისიის ბალანსზე რიცხულ ფასეულობებზე მატერიალურად პასუხისმგებელი პირი;“.

15. მე-14 მუხლს „ლ“ პუნქტის შემდეგ დაემატოს შემდეგი შინაარსის „ლ¹“ პუნქტი და ჩამოყალიბდეს შემდეგი რედაქციით:

„ლ¹) უზრუნველყოფს საარჩევნო სუბიექტების, დამკვირვებელი ორგანიზაციების და პრესისა და მასობრივი ინფორმაციის წარმომადგენლების ინფორმირებას უსკოს სხდომების შესახებ;“.

16. მე-15 მუხლის სათაური ჩამოყალიბდეს შემდეგნაირად:

„მუხლი 15. ადამიანური რესურსების მართვის სამსახური

ადამიანური რესურსების მართვის სამსახური:“.

17. მე-15 მუხლის „ბ“, „გ“, „გ¹“ და „ე“ პუნქტები ჩამოყალიბდეს შემდეგი რედაქციით:

„ბ) ახორციელებს უსკოს წევრთა, აპარატის თანამშრომელთა და საოლქო საარჩევნო კომისიის წევრთა ადამიანური რესურსების მართვის საკითხების (საკადრო) აღრიცხვას, პირადი საქმეების წარმოებასა და შენახვას;

გ) უზრუნველყოფს ადამიანური რესურსების მართვის საკითხებთან დაკავშირებული დოკუმენტაციის წარმოებასა და შენახვას;

გ¹) ამზადებს შრომით ხელშეკრულებებს;

ე) ამზადებს უსკოს თავმჯდომარის ბრძანებების პროექტებს საარჩევნო ადმინისტრაციის მოხელეთა დანიშვნის, განთავისუფლების, შვებულების, გადაყვანის, აპარატის თანამშრომელთა წახალისების, ადამიანური რესურსების მართვის და სხვა საკითხებთან დაკავშირებით;“.

18. მე-16 მუხლის მე-6 და მე-11 პუნქტები ჩამოყალიბდეს შემდეგი რედაქციით:

„6. კომისიის სხდომაზე დგება ოქმი. ოქმს ადგენს საოქმო სარეგისტრაციო სამსახური და მას ხელს აწერს სხდომის თავმჯდომარე და კომისიის მდივანი;

„11. უსკოს მიერ მიღებულ გადაწყვეტილებებს ამრავლებს საოქმო სარეგისტრაციო სამსახური და გადასცემს შესაბამის სამსახურებს. დაინტერესებულ ორგანიზაციებს და პირებს, პრესისა და მასობრივი ინფორმაციის საშუალებებს უსკოს გადაწყვეტილებებს გადასცემს საზოგადოებასთან ურთიერთობის სამსახური;“.

19. მე-18 მუხლის 1-ლი, მე-3 და მე-4  პუნქტები ჩამოყალიბდეს შემდეგი რედაქციით:

„1. უმაღლეს საარჩევნო კომისიაში საქმიანი ქაღალდების, საარჩევნო დოკუმენტაციისა და სხვა სახის მასალების მიღება, რეგისტრაცია და გასაცემი დოკუმენტების რეგისტრაცია ხორციელდება საოქმო სარეგისტრაციო  სამსახურში სამუშაო დღის 10:00 საათიდან 18:00 საათამდე (შესვენება 13:00 საათიდან 14:00 საათამდე).

3. საოქმო სარეგისტრაციო სამსახურში შემოსული განცხადების (საჩივრის) რეგისტრაციის შემდეგ კომისიის მდივნის რეზოლუციით გადაეცემა (როგორც მატერიალურად ან/და ელექტრონული წესით) შესაბამის სამსახურს შესასრულებლად.

4. სათანადო წერილობითი განცხადების საფუძველზე, საოქმო სარეგისტრაციო სამსახურში რეგისტრაციის შემდეგ, კომისიის მდივანი ვალდებულია მიიღოს გადაწყვეტილება საჯარო ინფორმაციის გაცემის ან/და გაცემაზე უარის თქმის შესახებ დაუყოვნებლივ ან არაუგვიანეს 10 დღისა (თუ საჯარო ინფორმაციის მოთხოვნაზე  პასუხის გაცემა დაუყოვნებლივ შეუძლებელია). არჩევნების შესახებ ინფორმაციასა და საარჩევნო დოკუმენტაციას მათი მოთხოვნიდან 2 დღის ვადაში გასცემს საზოგადოებასთან ურთიერთობის სამსახური. დასაშვებია ინფორმაციის გაცემა ელექტრონული ვერსიით.“.