„აჭარის ავტონომიური რესპუბლიკის მთავრობის აპარატის დებულების დამტკიცების შესახებ“ აჭარის ავტონომიური რესპუბლიკის მთავრობის 2007 წლის 3 აპრილის N42 დადგენილებაში ცვლილების შეტანის თაობაზე

აჭარის ავტონომიური რესპუბლიკის მთავრობის

დადგენილება №19

2017 წლის 29 ივნისი

ქ. ბათუმი

„გ) მთავრობის თავმჯდომარეს თანამდებობაზე დასანიშნად წარუდგენს აპარა­ტის სტრუქტურული ერთეულების ხელმძღვანელებსა და აპარატის საშტატო ნუსხით გათვა­ლის­წინებულ სხვა საჯარო მოსამსახურეებს. დებს ხელშეკრულებებს ადმინისტ­რაციულ და შრომით ხელშეკრულებით დასაქმებულ პირებთან;

დ) მთავრობის თავმჯდომარეს წარუდგენს წინადადებებს მთავ­რო­­ბის აპარატის საჯარო მოსამსახურეთა წახალისებისა და მათთვის დისციპლი­ნური პასუხისმ­გებ­ლობის ზომების შეფარდების შესახებ;“;

„მ) შესყიდვებისა და საორგანიზაციო საკითხთა დეპარტამენტი;“

„მუხლი 15. შესყიდვებისა და საორგანიზაციო საკითხთა დეპარტამენტი

თავისი კომპეტენციის ფარგლებში, შესყიდვებისა და საორგანიზაციო საკითხთა  დეპარტამენტის ძირითადი ამოცანები და ფუნქციებია:

ა) მთავრობის აპარატის თანამშრომლებისათვის სათანადო სამუშაო პირობების შექმნა, სამუშაოს განხორციელებისათვის საჭირო საშუალებებით მათი დროული უზ­რუნ­ველყოფა და გამართული ფუნქციონირებისათვის საჭირო ღონისძიებების განხორ­ციე­ლება;

ბ) მთავრობის აპარატის ბალანსზე რიცხული უძრავ-მოძრავი ქონების აღრიცხვა, ძირითადი საშუალებების, მატერიალური ფასეულობების პერიოდული ინვენ­ტარი­ზაციის ორგანიზება, აუცილებელი კაპიტალური და მიმდინარე სარემონტო სამუ­შაოების მოცულობის განსაზღვრა და განხორციელების ხელშეწყობა, საჭიროების შემთხ­ვევაში სათანადო დეფექტური აქტების, ხარჯთა ნუსხების,  პროექტების გან­ხილვა და დასამტკიცებლად მომზადება;

გ) სახელმწიფო შესყიდვების შესახებ მოქმედი კანონმდებლობის მოთხოვნების დაცვით, მთავრობის აპარატის მიერ დაგეგმილი და მიმდინარე სახელმწიფო შესყიდ­ვების კოორდინაციისა და შესაბამისი საკონტრაქტო პირობების შესრულების ინსპექ­ტი­რების ღონისძიებების განხორციელება;

დ) მთავრობის სხდომების, მთავრობის თავმჯდომარესა და მთავრობის აპარა­ტის უფროსთან გამართული თათბირებისა და სხვა შეხვედრების ორგანიზაციული უზრუნველყოფა;

ე) მთავრობის ადმინისტრაციულ შენობაში დაწესებული რეჟიმის კონტროლი და მთავრობის აპარატის საქმიანობისათვის სათანადო ღონისძიებების განხორ­ციე­ლე­ბა;  

ვ) მთავრობის აპარატის ბალანსზე რიცხული სამსახურებრივი ავტომანქანების გამართული მუშაობის უზრუნველსაყოფად საჭირო ღონისძიებების განხორციელება;       

ზ) შრომითი ხელშეკრულებით დასაქმებულ პირთა მიერ განხორციელებული საქმიანობის ზედამხედველობა და კოორდინაცია; 

თ) მთავრობის, მთავრობის თავმჯდომარისა და მთავრობის აპარატის უფროსის ცალკეულ დავალებათა შესრულება;

ი) ამ დებულებითა და კანონმდებლობით გათვალისწინებული სხვა ამოცანებისა და ფუნქციების განხორციელება.”.