,,აჭარის ავტონომიური რესპუბლიკის მთავრობის აპარატის დებულების დამტკიცების შესახებ“ აჭარის ავტონომიური რესპუბლიკის მთავრობის 2007 წლის 3 აპრილის N42 დადგენილებაში ცვლილების შეტანის თაობაზე

აჭარის ავტონომიური რესპუბლიკის მთავრობის

დადგენილება №30

2014 წლის 23 სექტემბერი

ქ. ბათუმი

„ა) მთავრობის თავმჯდომარის სამდივნო;“;

„ო) სტრატეგიული განვითარების დეპარტამენტი.“;

„მუხლი 7. მთავრობის თავმჯდომარის სამდივნო

მთავრობის თავმჯდომარის სამდივნოს ძირითადი ამოცანები და ფუნქციებია: 

ა) მთავრობის თავმჯდომარის მოხსენებების, საჯარო გამოსვლებისა და ანგარიშების მომზადება;

ბ) მთავრობის თავმჯდომარის შეხვედრებისა და თათბირების გამართვისათვის საჭირო ორგანიზაციულ-სამართლებრივი ღონისძიებების განხორციელება;

გ) მთავრობის თავმჯდომარისათვის აჭარის ავტონომიური რესპუბლიკის გამგებლობას მიკუთვნებულ საკითხებთან დაკავშირებით წინადადებებისა და შესაბამისი პროგრამების მომზადება;

დ) მთავრობის თავმჯდომარესთან სხვადასხვა დაწესებულებებისა და ორგანიზაციების ხელმძღვანელების, აგრეთვე მათი წარმომადგენლების აუდიენციის, საქმიანი შეხვედრების გამართვის უზრუნველყოფა;

ე) მთავრობის თავმჯდომარის საზოგადოებრივ, საერთაშორისო ორგანიზაციებსა და თვითმმართველობის ორგანოებთან ურთიერთობის კოორდინაცია და ხელშეწყობა;

ვ) მთავრობის თავმჯდომარის საქმიანობის ინფორმაციულ-ანალიტიკური უზრუნველყოფა;

ზ) მთავრობის თავმჯდომარის მიერ მიღებულ გადაწყვეტილებათა შესრულების კონტროლის განხორციელება;

თ) მთავრობის თავმჯდომარის სახელზე შემოსული განცხადებებისა და ოფიციალური კორესპონდენციების განხილვა და შესაბამისი რეაგირება;

ი) მთავრობის თავმჯდომარის დავალებათა და სხვა მოქმედი კანონმდებლობით გათვალისწინებული ღონისძიებების განხორციელება.“;

„გ) რეგიონში მიმდინარე სხვადასხვა საერთაშორისო პროექტების განხორციელების ხელშეწყობა და დონორ ორგანიზაციებთან ურთიერთობის უზრუნველყოფა;“;

„მუხლი 15². სტრატეგიული განვითარების დეპარტამენტი

სტრატეგიული განვითარების დეპარტამენტის ძირითადი ამოცანები და ფუნქციებია:

ა) მთავრობისათვის აჭარის ავტონომიური რესპუბლიკის განვითარების სტრატეგიის მომზადება და მისი განხორციელების კოორდინაცია;

ბ)  აჭარის ავტონომიური რესპუბლიკის განვითარების სტრატეგიული გეგმის მომზადება და მისი მთავრობისათვის წარდგენა;

გ) აჭარის ავტონომიური რესპუბლიკის ეკონომიკური განვითარებისათვის შესაბამისი წინადადებების მომზადება;

დ) აჭარის ავტონომიური რესპუბლიკის ეკონომიკური განვითარების საბჭოსთან თანამშრომლობა და საბჭოსათვის სტრატეგიული განვითარებიდან გამომდინარე შესაბამისი წინადადებების წარდგენა;

ე) აჭარის ავტონომიური რესპუბლიკის ეკონომიკური მდგომარეობის შეფასება, ანალიზი და აღნიშნული ინფორმაციის მთავრობისათვის წარმოდგენა;

 ვ) მთავრობის, მთავრობის თავმჯდომარისა და მთავრობის აპარატის უფროსის ცალკეულ დავალებათა შესრულება;

 ზ) მთავრობის, მთავრობის თავმჯდომარის სამართლებრივი აქტების პროექტების შემუშავებაში მონაწილეობა;

 თ) დებულებითა და კანონმდებლობით გათვალისწინებული სხვა ამოცანებისა და ფუნქციების განხორციელება.“.