ქალაქ ფოთის მუნიციპალიტეტის ტერიტორიაზე, წმინდა გიორგის ქუჩის მონაკვეთისათვის უნივერსიტეტის სახელის მინიჭების შესახებ

ქალაქ ფოთის მუნიციპალიტეტის საკრებულოს

განკარგულება № 17/56

2017 წლის 28 ივლისი

ქ. ფოთი

ქალაქ ფოთის მუნიციპალიტეტის ტერიტორიაზე , წმინდა გიორგის ქუჩის მონაკვეთისათვის უნივერსიტეტის სახელის მინიჭების შესახებ

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი პუნქტის „ა.ე“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების მე-7 მუხლის მე-12-მე-15 პუნქტების თანახმად და გეოგრაფიული ობიექტების სახელწოდებათა დადგენის, ნორმალიზების, გამოყენების, აღრიცხვისა და დაცვის მიზნით, გეოგრაფიული ობიექტების სახელწოდებათა სფეროში მოქმედი სამთავრობო კომისიის 2017 წლის 7 ივლისის №9 ოქმის შესაბამისად, ქალაქ ფოთის საკრებულომ მიიღო განკარგულება:

1. ქალაქ ფოთის მუნიციპალიტეტის ტერიტორიაზე, წმინდა გიორგის ქუჩის მონაკვეთს ეწოდოს უნივერსიტეტის ქუჩის სახელი, თანდართული სიტუაციური გეგმისა და ორთოფოტოს შესაბამისად.

2. აბრა წარწერით „უნივერსიტეტის ქუჩა“ დაიდგას ქუჩის შემოსასვლელში.

2. ეს განკარგულება:

ა) რეაგირებისათვის გადაეგზავნოს ქალაქ ფოთის მუნიციპალიტეტის მერს და ამ განკარგულების მიღებიდან ოთხი თვის ვადაში უზრუნველყოს „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების და მე-7 მუხლის მე-15 პუნქტით განსაზღვრული ღონისძიებების გატარება;

ბ) მიღებიდან 10 დღის ვადაში:

ბ.ა) გადაეგზავნოს სსიპ – საჯარო რეესტრის ეროვნულ სააგენტოს, სსიპ – სახელმწიფო სერვისების განვითარების სააგენტოს, საქართველოს შინაგან საქმეთა სამინისტროსა და საქართველოს ცენტრალურ საარჩევნო კომისიას;

ბ.ბ) გამოქვეყნდეს „საქართველოს საკანონმდებლო მაცნეს“ ვებგვერდზე.

განკარგულების შესრულებაზე კონტროლი დაევალოს სივრცით-ტერიტორიული დაგეგმარების და ინფრასტრუქტურის კომისიას.

განკარგულება ძალაშია ხელმოწერისთანავე.

განკარგულება შეიძლება გასაჩივრდეს მისი კანონმდებლობით გათვალისწინებული წესით გაცნობიდან ერთი თვის ვადაში, ფოთის საქალაქო სასამართლოში (მისამართი: ქალაქ ფოთის მუნიციპალიტეტი, დავით აღმაშენებლის ქუჩა №3).

საკრებულოს თავმჯდომარის

მოვალეობის შემსრულებელი ,

თავმჯდომარის მოადგილე                                                                                            აკაკი დარჯანია