აზიის განვითარების ბანკის მიერ „მდგრადი ურბანული ტრანსპორტის საინვესტიციო პროგრამა – პროექტ 5“-ის დაფინანსების შესახებ

საქართველოს მთავრობის

განკარგულება №1876

2017 წლის 7 სექტემბერი

ქ. თბილისი

აზიის განვითარების ბანკის მიერ „მდგრადი ურბანული ტრანსპორტის საინვესტიციო პროგრამა – პროექტ 5“-ის დაფინანსების შესახებ

1. მიღებულ იქნეს ცნობად საქართველოს ფინანსთა სამინისტროს ინფორმაცია აზიის განვითარების ბანკის მიერ „მდგრადი ურბანული ტრანსპორტის საინვესტიციო პროგრამა – პროექტ 5“-ის დაფინანსების თაობაზე.

2. საქართველოს ფინანსთა სამინისტრომ მიმართოს აზიის განვითარების ბანკს „მდგრადი ურბანული ტრანსპორტის საინვესტიციო პროგრამა – პროექტ 5“-ის დაფინანსების მიზნით 12 მლნ ევროს ოდენობის სესხის (ჩვეულებრივი სასესხო რესურსები – OCR (Ordinary Capital Resources) პირობებით) გამოყოფის თაობაზე შემდეგი ფინანსური პირობებით:

OCR სესხის ფინანსური პირობები:

● სესხის ხანგრძლივობა – 22 წელი (მათ შორის, შეღავათიანი პერიოდი 15 წელი);

● საპროცენტო განაკვეთის ტიპი – 6-თვიან EURIBOR-ს დამატებული ფიქსირებული მარჟა 0.7%;

● სესხის ვალუტა – ევრო;

● ვალდებულების გადასახდელი (Commitment fee) – წლიური 0.15%.

3. საქართველოს ზოგადი ადმინისტრაციული კოდექსის 61-ე მუხლის საფუძველზე, ძალადაკარგულად გამოცხადდეს „აზიის განვითარების ბანკის (ADB) მიერ „მდგრადი ურბანული ტრანსპორტის საინვესტიციო პროგრამა – პროექტი 5“-ის დაფინანსების შესახებ“ საქართველოს მთავრობის 2017 წლის 1 ივნისის №1071 განკარგულება.

 

პრემიერ-მინისტრი                                                       გიორგი კვირიკაშვილი